சீனாவின் யுனான் மாகாணத்தில் உள்ள லுவோபிங் பகுதியில் அதிர்ச்சியூட்டும் சம்பவம் ஒன்று நடைபெற்றுள்ளது. 14 வயது சிறுவன் ஒருவன், தன் வகுப்பு தோழியான 15 வயது சிறுமியை பலாத்காரம் செய்து கொலை செய்த கொடூர சம்பவத்தில் அவனுக்கு ஆயுள் தண்டனை விதிக்கப்பட்டுள்ளது.

கடந்த ஆண்டு ஜூலை மாதம் இந்த சம்பவம் நடைபெற்றது. ஜியாங் என்ற அந்த 14 வயது சிறுவன், தன் பள்ளி தோழியை பள்ளியில் இருந்து கடத்திச் சென்று, ஒதுக்குப்புற இடத்தில் அடைத்து வைத்தான்.

அங்கு அந்த சிறுமியை பலாத்காரம் செய்ததோடு, அவள் தப்பிக்க முயன்றபோது கடுமையாக தாக்கியுள்ளான். ஒரு இரவு முழுவதும் சிறுமியை தன் பிடியில் வைத்திருந்த ஜியாங், விடியும் நேரத்தில் குற்றம் வெளியே தெரிந்துவிடும் என அஞ்சி, சிறுமியின் கழுத்தை நெரித்து கொலை செய்தான்.

இதையும் படிங்க: சேலத்தில் குவியும் முன்னாள் அமைச்சர்கள்!! எடப்பாடி பழனிசாமியுடன் திடீர் ஆலோசனை!

இந்த கொடூர சம்பவம் வெளிச்சத்துக்கு வந்ததும் போலீசார் உடனடியாக ஜியாங்கை கைது செய்தனர். வழக்கு குஜிங் நீதிமன்றத்தில் நடைபெற்றது. நீதிமன்றம் சமீபத்தில் தீர்ப்பளித்தபோது, பலாத்காரம் மற்றும் திட்டமிட்ட கொலை ஆகிய குற்றச்சாட்டுகள் இரண்டும் சந்தேகத்துக்கு இடமின்றி நிரூபிக்கப்பட்டுள்ளதாகக் கூறியது.

சிறுமியை அடைத்து வைத்து சித்ரவதை செய்த விதம் மற்றும் கொலையின் கொடூரத்தை கருத்தில் கொண்டு ஜியாங்குக்கு ஆயுள் தண்டனை விதித்து தீர்ப்பளிக்கப்பட்டது. சீன சட்டப்படி 18 வயதுக்கு உட்பட்டவர்களுக்கு மரண தண்டனை வழங்க முடியாது என்பதால் ஆயுள் தண்டனை விதிக்கப்பட்டதாக நீதிமன்றம் தெரிவித்தது.

இந்த சம்பவம் சீனா முழுவதும் பெரும் அதிர்ச்சியை ஏற்படுத்தியுள்ளது. பள்ளி மாணவர்கள் இடையே ஏற்படும் உறவுகள், பாதுகாப்பு குறைபாடுகள் உள்ளிட்டவை குறித்து பெற்றோரும், கல்வியாளர்களும் கவலை தெரிவித்து வருகின்றனர். இந்த வழக்கு சிறார்களிடையே உள்ள மனநல பிரச்சனைகள் மற்றும் சமூக ஊடகங்களின் தாக்கம் குறித்த விவாதங்களையும் தூண்டியுள்ளது.

சீன அதிகாரிகள் இத்தகைய சம்பவங்கள் மீண்டும் நடைபெறாமல் தடுக்க தீவிர நடவடிக்கைகள் எடுக்க வேண்டும் என பொதுமக்கள் கோரிக்கை வைத்துள்ளனர். 

இதையும் படிங்க: ஜனநாயகன் லீக் பிரச்சனை..! கைது செய்யப்பட்ட 9 பேரின் ஜாமின் மனு தள்ளுபடி..!!