கர்நாடகாவின் டாவநகிரே மாவட்டத்தில், இரவு நேர பேருந்து நிலையத்தில் பஸ்ஸுக்காக காத்திருந்த 16 வயது சிறுமியை, ஏமாற்றி ஆட்டோ டிரைவர் பாலியல் பலாத்காரம் செய்தது அதிர்ச்சியை ஏற்படுத்தி உள்ளது.

அவளது 10 வயது தம்பியும் தாக்கப்பட்டு மயங்கினான். போலீசார் ஆட்டோ டிரைவர் மற்றும் அவரது நண்பர் என இருவரையும் கைது செய்துள்ளனர். இந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது.

கடந்த இரண்டு நாட்களுக்கு முன் இரவு, டாவநகிரே நகர பேருந்து நிலையத்தில், 16 வயது சிறுமி தனது தம்பியுடன் பேருந்துக்காக காத்திருந்தார். அப்போது, அங்கு வந்த ஆட்டோ டிரைவர், "நான் உங்களை வீட்டில் பாதுகாப்பாக இறக்கிவிடுகிறேன்" எனக் கூறி சிறுமியை அழைத்தார்.

இதையும் படிங்க: நர்ஸ் மனைவிக்கு 45 முறை கத்திக்குத்து! வெளிநாட்டில் இருந்து திரும்பிய கணவன் வெறிச்செயல்!

நம்பிய சிறுமி, தம்பியுடன் ஆட்டோவில் ஏறினார். சிறிது தூரம் சென்றதும், ஆட்டோவில் இன்னொருவர் ஏறினார். அவர் தனது "நண்பர்" என்று டிரைவர் சிறுமியிடம் தெரிவித்தார்.

ஆள் நடமாட்டம் இல்லாத இடத்திற்கு ஆட்டோ சென்றதும், டிரைவர் மற்றும் அவரது நண்பர் சிறுமியை பாலியல் பலாத்காரம் செய்ய முயன்றனர். மறுத்த சிறுமியை இருவரும் தாக்கினர். அதோடு, அவளது தம்பியையும் சரமாரியாகத் தாக்கினர். தாக்குதலில் நிலைகுலைந்த சிறுவன் மயங்கினான்.

"உன்னையும்,உன் தம்பியையும் இங்கேயே கொன்றுவிடுவோம்" என மிரட்டியதும், பயந்து போன சிறுமி தனது சகோதரனின் உயிரைக் காக்க அவர்களது கோரிக்கைக்கு சம்மதம் தெரிவித்தார். இருவரும் சிறுமியை பாலியல் பலாதகாரம் செய்தனர்.

பின்னர், சிறுமியிடமிருந்து செல்போன் மற்றும் பணத்தை கொள்ளையடித்து, அவர்கள் தப்பி ஓடினர். தனது தம்பியை மீட்டுக்கொண்ட சிறுமி, பயந்த நிலையில் பேருந்து நிலையத்திற்கு திரும்பினார். அங்கிருந்த சில வியாபாரிகளின் உதவியுடன், அவள் அருகிலுள்ள போலீஸ் நிலையத்திற்குச் சென்று புகார் அளித்தார். 

அதன்பேரில், போலீசார் உடனடியாக வழக்கு பதிவு செய்து, ஆட்டோ டிரைவரை மற்றும் அவரது நண்பரை கைது செய்தனர். அவர்களிடம் தீவிர விசாரணை நடத்தப்படுகிறது. கைது செய்யப்பட்டவர்கள், போலீஸ் காவலில் அனுப்பப்பட்டுள்ளனர்.

இந்த சம்பவம், டாவநகிரே மாவட்டத்தில் பெரும் அதிர்ச்சியை ஏற்படுத்தியுள்ளது. போலீஸ் கண்காணிப்பில் சிறுமி மற்றும் தம்பியின் உடல்நலம் பரிசோதிக்கப்படுகிறது. சமூக ஆர்வலர்கள், பெண்கள் பாதுகாப்புக்கான கடுமையான நடவடிக்கைகளை கோரியுள்ளனர். போலீசார், சம்பவத்தின் முழு விவரங்களை விசாரித்து வருகின்றனர். கைது செய்யப்பட்டவர்கள், இதற்கு முன் போன்ற குற்றங்களில் ஈடுபட்டதா என்பதையும் ஆராய்கின்றனர்.

இதையும் படிங்க: கணக்கு வாத்தியாரால் +2 மாணவி கர்ப்பம்! கம்பி எண்ணும் மன்மத லீலை ஆசிரியர்!