வங்கக்கடலில் உருவாகியுள்ள காற்றழுத்தத் தாழ்வு மண்டலம் தீவிரமடைந்துள்ள நிலையில், தமிழகத்தின் முக்கியத் துறைமுகங்களில் புயல் எச்சரிக்கை கூண்டுகள் ஏற்றப்பட்டுள்ள ன. சென்னை, கடலூர், நாகப்பட்டினம் உள்ளிட்ட துறைமுகங்களுடன் எண்ணூர், புதுச்சேரி, தூத்துக்குடி ஆகியவை உட்பட ஆறு துறைமுகங்களில் ஒன்றாம் எண் புயல் எச்சரிக்கை கூண்டு ஏற்றப்பட்டுள்ளது. இது புயல் உருவாகக்கூடிய வானிலை நிலவும் சூழலைக் குறிக்கும் முன்னெச்சரிக்கை நடவடிக்கையாகும்.

இந்திய வானிலை ஆய்வு மையத்தின் தகவல்படி, மத்திய மேற்கு மற்றும் அதை ஒட்டிய வடமேற்கு வங்கக்கடல் பகுதியில் ஆழ்ந்த காற்றழுத்தத் தாழ்வு மண்டலம் நிலவுகிறது. இது மேற்கு-வடமேற்கு திசையில் நகர்ந்து வருகிறது. வடக்கு ஆந்திரப் பிரதேசம் மற்றும் தெற்கு ஒடிசா கடற்கரையை, விசாகப்பட்டினம் மற்றும் கோபால்பூர் இடையே செப்டம்பர் 23 இரவு அல்லது 24 அதிகாலையில் ஆழ்ந்த காற்றழுத்தத் தாழ்வு மண்டலமாகக் கடக்க வாய்ப்புள்ளது.

இதனால் கடல் பகுதிகளில் பலத்த காற்று வீசும் சூழல் ஏற்பட்டுள்ளது.கடல் நிலை கொந்தளிப்பாக மாறக்கூடும் என்பதால் மீனவர்கள் கடலுக்குச் செல்ல வேண்டாம் என எச்சரிக்கை விடுக்கப்பட்டுள்ளது. ஏற்கனவே கடலில் உள்ள மீனவர்கள் பாதுகாப்பாகத் திரும்பி வருமாறு அறிவுறுத்தப்பட்டுள்ளது. கடல் காற்று மணிக்கு 50 முதல் 60 கிலோமீட்டர் வேகத்தில் வீசக்கூடும் என எதிர்பார்க்கப்படுகிறது.

இதையும் படிங்க: வங்கக்கடலில் காற்றழுத்த தாழ்வு மண்டலம்... நாகையில் ஒன்றாம் எண் புயல் எச்சரிக்கை கூண்டு ஏற்றம்..!

இதனால் கப்பல் போக்குவரத்திலும் கவனம் தேவைப்படுகிறது.தமிழகத்தின் கடலோ ரப் பகுதிகளில் லேசானது முதல் மிதமான மழை பெய்ய வாய்ப்புள்ளது. சென்னை, திருவள்ளூர் உள்ளிட்ட வட மாவட்டங்களில் ஆங்காங்கே மழை பெய்யலாம். ஆனால் முதன்மையான தாக்கம் ஆந்திரா மற்றும் ஒடிசா பகுதிகளில் இருக்கும் எனக் கணிக்கப்படுகிறது. அங்கு கனமழை, பலத்த காற்று மற்றும் இடியுடன் கூடிய மழைக்கு வாய்ப்புள்ளது.

இதையும் படிங்க: வங்கக் கடலில் உருவானது புதிய காற்றழுத்த தாழ்வு பகுதி! 48 மணி நேரத்தில் புயலாக மாற வாய்ப்பு!