பாட்டாளி மக்கள் கட்சியின் தலைவர் மருத்துவர் அன்புமணி ராமதாஸ் இன்று தனது பிறந்தநாளைக் கொண்டாடினார். இந்த சிறப்பான நாளில் தமிழ்நாடு முதலமைச்சரும் தமிழக வெற்றிக் கழகத் தலைவருமான விஜய் அவரைத் தொலைபேசி வாயிலாகத் தொடர்பு கொண்டு இனிய பிறந்தநாள் வாழ்த்துக்களைத் தெரிவித்தார். இருவரும் நலன் விசாரித்துக் கொண்டனர்.
அன்புமணி தனது பிறந்தநாளையொட்டி முதலமைச்சர் விஜய் அளித்த வாழ்த்துக்களுக்கு நன்றியைத் தெரிவித்துக் கொண்டார்.இதற்கிடையே தாராபுரம் மற்றும் மதுராந்தகம் ஆகிய இரு சட்டமன்றத் தொகுதிகளுக்கான இடைத்தேர்தல் முடிவுகள் வெளியாயின. இரண்டு தொகுதிகளிலும் தமிழக வெற்றிக் கழகம் அமோக வெற்றி பெற்றது.
இந்த வெற்றியை முன்னிட்டு பாமக தலைவர் அன்புமணி ராமதாஸ் முதலமைச்சர் விஜய்க்கு வாழ்த்துக்களைத் தெரிவித்தார். தமிழக வெற்றிக் கழகம் மக்கள் ஆதரவுடன் இத்தகைய வெற்றியைப் பெற்றுள்ளது என்றும், மாநிலத்தின் வளர்ச்சிக்கும் நல்லாட்சிக்கும் இது நல்ல அறிகுறி என்றும் அவர் குறிப்பிட்டார்.இரு தலைவர்களும் தொலைபேசியில் பேசியபோது பரஸ்பர மரியாதையும் நல்லிணக்கமும் வெளிப்பட்டன.
இதையும் படிங்க: தவெக கூட்டணியில் பாமக! விசிக வைத்த ‘செக்’! திருமாவளவன் தரப்பின் அதிரடி நிலைப்பாடு!
அன்புமணி தனது பிறந்தநாள் வாழ்த்துக்களைப் பெற்றதற்கு நன்றி கூறியதுடன், இடைத்தேர்தல் வெற்றிக்காகவும் விஜயைப் பாராட்டினார். முதலமைச்சர் விஜய் அன்புமணியின் தொடர்ச்சியான மக்கள் பணிகளுக்கு வாழ்த்து தெரிவித்து, நீண்ட ஆயுளுடன் தொடர்ந்து சமூக சேவையில் ஈடுபட வேண்டும் என்று விருப்பம் தெரிவித்தார்.
இதையும் படிங்க: தவெகவுடன் விரைவில் கூட்டணியா?... அன்புமணியின் அதிரடி முடிவு என்ன?... உண்மையை போட்டுடைத்த செளமியா...!!