தமிழக வெற்றி கழகத்தின் சமத்துவ கிறிஸ்துமஸ் விழா, மனிதநேயத்தையும் மத நல்லிணக்கத்தையும் போற்றும் ஒரு சிறப்பான கொண்டாட்டமாக அமைந்தது. இயேசு கிறிஸ்துவின் பிறந்தநாளை முன்னிட்டு உலகம் முழுவதும் கொண்டாடப்படும் கிறிஸ்துமஸ் பண்டிகையை, தமிழக அரசியல் கட்சிகள் பலவும் சமத்துவக் கோட்பாட்டுடன் இணைத்து விழாவாக நடத்தி வருவது வழக்கம்.

அந்த வரிசையில், நடிகரும் அரசியல்வாதியுமான விஜய் தலைமையிலான தமிழக வெற்றி கழகம், இன்று காலை 10.30 மணிக்கு மாமல்லபுரத்தில் உள்ள ஃபோர் பாயிண்ட்ஸ் பை ஷெரட்டன் ஹோட்டலில் இந்த சமத்துவக் கிறிஸ்துமஸ் விழாவை வெகு சிறப்பாக நடத்த உள்ளார்.

கட்சியின் பொதுச்செயலாளர் என். ஆனந்த் வெளியிட்ட அறிவிப்பின்படி, இவ்விழா மனிதநேய நல்லிணக்க மாண்பைப் போற்றும் விதமாக ஏற்பாடு செய்யப்பட்டுள்ளது. கட்சித் தலைவரும் நிறுவனருமான விஜய் நேரடியாகக் கலந்துகொண்டு விழாவைத் தொடங்கி வைக்கிறார். இது தவெகவின் கொள்கைகளான சமூக நீதி, சமத்துவம், மதச்சார்பின்மை மற்றும் சகோதரத்துவத்தை வலியுறுத்தும் ஒரு முக்கிய நிகழ்வாகப் பார்க்கப்படுகிறது.

இதையும் படிங்க: திமுகவுக்கு தாவிய 30 தவெகவினர்..!! செங்கோட்டையன் கோட்டைக்குள் நுழைந்த செந்தில் பாலாஜி..!!

திருக்குறளில் கூறப்பட்ட பிறப்பொக்கும் எல்லா உயிர்க்கும் என்ற கோட்பாட்டை அடிப்படையாகக் கொண்டு செயல்படும் தவெக, இத்தகைய விழாக்கள் மூலம் அனைத்து மதங்களையும் சமமாக மதித்து, ஒற்றுமையை வளர்ப்பதை நோக்கமாகக் கொண்டுள்ளது.விழாவில் கட்சியின் மாவட்ட நிர்வாகிகள், அணி நிர்வாகிகள், உறுப்பினர்கள் மற்றும் பொதுமக்கள் பெருமளவில் பங்கேற்று உள்ளனர். அனுமதிச்சீட்டு வைத்துள்ள 1500 பேருக்கு மட்டுமே நிகழ்ச்சியில் பங்கேற்க அனுமதி வழங்கப்பட்டுள்ளது.

சற்று நேரத்தில் கிறிஸ்துமஸ் விழா தொடங்க உள்ள நிலையில் நிகழ்ச்சி நடைபெறும் இடத்திற்கு விஜய் வருகை தந்தார். விஜய் தலைமையில் தமிழக வெற்றிக் கழகத்தின் சார்பில் நடைபெறும் முதல் சமத்துவ கிறிஸ்துமஸ் விழா இது என்பது குறிப்பிடத்தக்கது. 

இதையும் படிங்க: யாருடன் கூட்டணி?... தவெக தலைவர் விஜய் தீவிர ஆலோசனை...!