தமிழக வெற்றி கழகத்தின் சிறப்பு பொதுக்கூட்டம் மாமல்லபுரத்தில் தொடங்கியது. 40 நாட்களுக்குப் பின்னர் கட்சி நிகழ்ச்சி ஒன்றில் விஜய் கலந்து கொள்கிறார். கரூர் கோரச்சம்பவம் நிகழ்ந்த பிறகு விஜய் பங்கேற்கும் முதல் கூட்டம் இது.  இந்த கூட்டத்தில், கரூர் கூட்ட நெரிசலில் சிக்கி உயிரிழந்தவர்களுக்கு தமிழக வெற்றிக் கழகத்தின் பொது குழுவில் இரங்கல் தெரிவித்து தீர்மானம் நிறைவேற்றப்பட்டது.

தமிழக மீனவர்கள் இலங்கை அரசால் கைது செய்யப்படுவதை கண்டித்தும் தீர்மானம் நிறைவேற்றப்பட்டது. கோவை விவகாரத்தில் திமுக அரசிற்கு கண்டனம் தெரிவித்து பொதுக்குழுவில் தீர்மானம் நிறைவேற்றப்பட்டுள்ளது. கோவை மாணவி கூட்டு பாலியல் வன்கொடுமை குற்றவாளிகளுக்கு கடும் தண்டனை பெற்றுத்தர வேண்டும் என்றும் தமிழக வெற்றி கழகத்தின் பொதுக்குழு கூட்டத்தில் தீர்மானம் நிறைவேற்றப்பட்டுள்ளது.

இலங்கை கடற்படையினர் தமிழக மீனவர்களை கைது செய்வதை கண்டித்து தீர்மானம் நிறைவேற்றப்பட்டுள்ளது. மீனவர்கள் கைது விவகாரத்தில் கடிதம் மட்டுமே எழுதிவிட்டு அமைதியாக இருக்கும் திமுக அரசுக்கு எதிராக தீர்மானம் நிறைவேற்றப்பட்டுள்ளது. மேலும், பெண்கள் பாதுகாப்பை வலியுறுத்தி தீர்மானம் பொதுக்குழுவில் நிறைவேற்றப்பட்டிருக்கிறது.

இதையும் படிங்க: கரூர் கோரச்சம்பவம்… 41 பேருக்கு இரங்கல் தெரிவித்து தவெக பொதுக்குழுவில் தீர்மானம்…!

விஜய் பிரச்சாரம் மேற்கொள்ளும் போது விஜய்க்கும், மக்களுக்கு மொழி பாதுகாப்பு அளிக்க வேண்டும் என தமிழக அரசை வலியுறுத்தி தீர்மானம் நிறைவேற்றப்பட்டது. விஜய் தான் முதல்வர் வேட்பாளர் என்று தீர்மானிக்கப்பட்டுள்ளது. இதன் மூலம் அதிமுகவின் கூட்டணி கோரிக்கை நிராகரிக்கப்பட்டது. தமிழக வெற்றி கழகத்தின் இந்த பொதுக்குழு கூட்டத்தில் 12 தீர்மானங்கள் நிறைவேற்றப்பட்டன.

இதையும் படிங்க: மீண்டெழுந்த தவெக... கூடியது பொதுக்குழு கூட்டம்... புதுதெம்பில் விஜய் பங்கேற்பு...!