அதிமுக முன்னாள் நிர்வாகி பிரசாத் என்பவர் போதைப்பொருள் உள்ளிட்ட பல்வேறு வழக்குகள் தொடர்பாக கைது செய்யப்பட்டார். அவர் யார் யாருக்கு போதைப்பொருட்களை வினியோகம் செய்துள்ளார் என்பது தொடர்பாக போலீசார் விசாரணை நடத்தி வந்தனர். 

இதில் நடிகர் ஸ்ரீகாந்துக்கு தொடர்பு இருப்பதாக கூறப்பட்ட நிலையில் சென்னை நுங்கம்பாக்கத்தில் உள்ள காவல் நிலையத்தில் வைத்து போதை தடுப்பு பிரிவு போலீசார் விசாரணை நடத்தினர். பிரசாத் இடம் போதைப்பொருள் வாங்கியது, அவரிடம் செல்போனில் பேசியது, போதைப்பொருள் வாங்க பணம் அனுப்பியது உள்ளிட்ட விவரங்கள் செல்போன் மூலம் அம்பலமானது.

இதையும் படிங்க: ஐயா நான் செஞ்சது தப்புதான்... நீதிமன்றத்தில் ஜாமீன் கோரிய ஸ்ரீகாந்த்!

மேலும் நடிகர் ஸ்ரீகாந்த் வீட்டில் இருந்து எட்டு காலி பாக்கெட்டுகள் இருந்ததாகவும் கூறப்படுகிறது. விசாரணைக்குப் பிறகு சென்னை கீழ்ப்பாக்கம் மருத்துவமனையில் நடிகர் ஸ்ரீகாந்துக்கு மருத்துவ பரிசோதனை செய்யப்பட்டதில் அவர் போதைப்பொருள் பயன்படுத்துவது உறுதி செய்யப்பட்டது. இதனை அடுத்து அவர் கைது செய்யப்பட்டு புழல் சிறையில் அடைக்கப்பட்டார்.

இதனிடையே இன்று நீதிமன்றத்தில் ஆஜர் படுத்தப்பட்ட நடிகர் ஸ்ரீகாந்த் தான் தவறு செய்து விட்டதாக ஒப்புக்கொண்டார். தன் மகனைப் பார்த்துக் கொள்ள வேண்டிய சூழல் இருப்பதால் தனக்கு ஜாமீன் வழங்கவும் கோரிக்கை விடுத்தார். இந்த நிலையில், தனக்கு கொக்கைன் போதைப் பொருள் பழக்கத்தை ஏற்படுத்தியது அதிமுக முன்னாள் நிர்வாகி பிரசாத் தான் என்று வாக்குமூலம் அளித்தார். தீங்கரை படத்திற்காக தனக்கு பிரசாத் 10 லட்ச ரூபாய் தர வேண்டியது இருந்ததாகவும், பணம் கேட்டால் அவர் போதைப் பொருள் வழங்கியதாகவும் தெரிவித்தார்.

இரண்டு முறை அவர் வாங்கிக் கொடுத்த பழக்கப்படுத்திய பிறகு மூன்றாவது முறை தானே வாங்கும் நிலைக்கு தள்ளப்பட்டதாக கூறினார்.  இதனிடையே, கொகைன் வாங்கி தந்த பிரசாத், தன்னை அடிமைப்படுத்தியதாக ஸ்ரீகாந்த் கூறியுள்ள நிலையில், மூன்று நாட்கள் கஸ்டடியில் எடுத்து அவரை விசாரிக்க போலீசார் திட்டமிட்டுள்ளதாக கூறப்படுகிறது.

இதையும் படிங்க: #BREAKING: போதைப் பொருள் விவகாரம்... நடிகர் ஸ்ரீகாந்த் அதிரடி கைது!