ஈரான் இஸ்ரேல் போர் சில நாட்களாகவே உலகையே அதிர்ச்சிக்குள்ளாகியுள்ளது. ஆனால் இந்த மோதலுக்கு பிறகு அதிரடி முடிவு ஒன்றை எடுத்திருக்கிறார் அமெரிக்காவின் அதிபர் டொனால்ட் ட்ரம்ப். கடந்த வாரம் வரை ஈரானை எதிர்த்து பேசிய டிரம்ப் இப்போது ஆயிரக்கணக்கான கோடிகள் மதிப்புள்ள மெகா ஒப்பந்தத்தில் தெஹரானுடன் கையெழுத்திட முடிவு செய்துள்ளார். இந்த ஒப்பந்தத்தின் மூலம் ஈரானின் அணுசக்தி திட்டத்திற்கு 20 முதல் 30 பில்லியன் டாலர் அளவிலான நிதி உதவியை அமெரிக்கா வழங்கும் திட்டம் வகுக்கப்படுகிறது.

மேலும் ஈரான் மீது விதிக்கப்பட்ட தடைகளை நீக்கும் வாய்ப்பும் அதிகமாகவே உள்ளது. ஆனால் இஸ்ரேல் இதை ஏற்க மறுக்கிறது. இஸ்ரேலின் பாதுகாப்பு அமைச்சர் இஸ்ரேல் காட்டெஸ் ஒரு அதிரடி பிரகடனத்தை வெளியிட்டுள்ளார். ஈரானுக்கு எதிராக நாங்கள் போரை தொடங்கிய போது அமெரிக்கா எதை செய்யும் என்பதை நாங்கள் அறிந்திருக்கவில்லை. ஆனாலும் நாங்கள் காத்திருக்க மாட்டோம். தேவைப்பட்டால் மீண்டும் ஈரானை தாக்க தயங்க மாட்டோம் என்று அவர் கூறினார். இத்துடன் அவர் மேலும் சொல்லியது என்னவென்றால் ஈரானின் உச்சத்தலைவர் அயதுல்லா காமேனியை நாங்கள் கொல்ல முயற்சி செய்தோம்.

ஆனால் அவர் எட்ட முடியாத இடத்தில் இருந்ததால் அது சாத்தியமாகவில்லை. அவர் எங்கள் எல்லைக்குள் இருந்தால் நாங்கள் அவரை நிச்சயம் ஒழித்திருப்போம் என கூறியுள்ளார். இதே நேரத்தில் அமெரிக்காவின் அதிபர் டொனால்ட் ட்ரம்பும் இதனை ஒப்புக்கொண்டுள்ளார். ஒரு சமூக ஊடக பதிவில் ட்ரம்ப் சொன்னது என்னவென்றால் காமேனியின் இருப்பிடம் எங்களுக்கு தெரியும். அவர் எழுதில் குறிவைக்கும் ஒரு இலக்காகதான் இருக்கிறார். ஆனாலும் இப்போது அவரை தாக்க மாட்டோம் என்றார். இஸ்ரேலின் பாதுகாப்பு படைகள் உண்மையிலேயே காமேனியை இலக்காக கொண்டு செயல்பட்டதையும் பாதுகாப்பு அமைச்சர் உறுதியாக கூறுகிறார். 

இதையும் படிங்க: தெரியாம தொட்டுட்டீங்க.. பேரழிவு காத்திருக்கிறது.. அமெரிக்காவுக்கு கமேனி பகிரங்க எச்சரிக்கை..!

மேலும் இந்த மாதிரியான நடவடிக்கைகளுக்கு எங்களுக்கு அமெரிக்காவின் அனுமதி தேவையில்லை என்றும், நாங்கள் எப்போது வேண்டுமானாலும் எங்கள் தீர்மானங்களை எடுக்கிறோம் எனவும் அவர் கூறியுள்ளார். இதன் பின்னணியில் ஈரானின் அணுசக்தி திட்டத்திற்கு எதிராக மேற்கொண்ட வான்வழி தாக்குதலால் அதன் முக்கிய செறிவூட்டு மையங்கள் பெரிதும் சேதமடைந்துள்ளன. ஆனால் ஈரான் மீண்டும் அந்த பாதையை நோக்கி பயணிக்கிறது என அமெரிக்க நிபுனர்கள் சுட்டி காட்டுகிறார்கள். அதற்குள் இஸ்ரேல் அதை நடக்கவிட மாட்டோம் என தன்னம்பிக்கையோடு கூறுகிறது. 
 

இதையும் படிங்க: ஈரானின் அணுசக்தி தளங்களை துல்லியமாக தாக்கிய அமெரிக்கா.. ஈரானுக்கு டிரம்ப் பகிரங்க எச்சரிக்கை!