முன்னாள் முதலமைச்சரும், அதிமுகவின் மூத்த தலைவருமான ஓ. பன்னீர்செல்வம், முதலமைச்சர் மு.க. ஸ்டாலினை நேரில் சந்தித்து, திராவிட முன்னேற்றக் கழகத்தில் இணைந்துவிட்டார். அண்ணா அறிவாலயத்தில் நடந்த இந்த நிகழ்வு, தமிழக அரசியல் களத்தை முற்றிலும் புரட்டிப்போட்டிருக்கிறது. கடந்த சில வாரங்களாகவே சில அறிகுறிகள் தெரிந்தன. ஓ.பி.எஸ். அண்ணா அறிவாலயத்திற்கு அருகில் இருந்த சட்டமன்ற வளாகத்தில் ஸ்டாலினைச் சந்தித்தபோது, "திமுக மீண்டும் ஆட்சிக்கு வருவதற்கு வலுவான வாய்ப்பு உள்ளது" என்று அவர் பகிரங்கமாகக் கூறியது பலரையும் ஆச்சரியப்படுத்தியது.

அதன் பிறகு அவரது ஆதரவாளர்கள் சிலர் திமுகவில் இணைந்தனர். ஆனால், நேற்று நடந்தது அதைவிட பெரியது. ஓ.பன்னீர்செல்வம் தனது நெருங்கிய ஆதரவாளர்களுடன் அண்ணா அறிவாலயத்துக்குச் சென்றார். அங்கு முதலமைச்சர் ஸ்டாலின் முன்னிலையில், திமுகவின் சிவப்பு கொடியை ஏற்றுக்கொண்டார். இந்த முடிவுக்கு பின்னால் பல காரணங்கள் உள்ளன.

ஜெயலலிதாவால் தேர்ந்தெடுக்கப்பட்டு மூன்று முறை முதலமைச்சராகப் பதவி வகித்த ஓ.பி.எஸ்., எடப்பாடி பழனிசாமியால் கட்சியிலிருந்து நீக்கப்பட்ட பிறகு, அதிமுகவுக்குள் திரும்புவதற்கு நீதிமன்றங்கள், தேர்தல் ஆணையம் எனப் பல இடங்களில் போராடினார். ஆனால் எல்லாம் வீணானது. பாஜகவுடன் இணைந்து போராடியும், எடப்பாடி தரப்பு அவரை மீண்டும் ஏற்க மறுத்தது. இறுதியில், தனிமையில் இருந்த அவருக்கு திமுக தரப்பிலிருந்து வந்த அழைப்பு ஒரு புதிய வழியைத் திறந்தது.

இதையும் படிங்க: தீபத்தூணில் தீபம் ஏற்றுவது உறுதி..!! கந்த சஷ்டி கவசம் பாடி முருகனை வழிபட்ட அண்ணாமலை..!!

ஓபிஎஸ் திமுகவில் இணைந்தது தொடர்பாக தமிழக பாஜக முன்னாள் தலைவர் அண்ணாமலை கருத்து தெரிவித்தார். இது காலம் எடுக்க வைத்த முடிவு என்றார். ஓ.பி.எஸ் தி.மு.கவில் இணைந்தது வருத்தம் தான் என்றும் ஆனால் இந்த முடிவு அவருக்கு பாதகமானது எனவும் கூறியுள்ளார். ஓபிஎஸ் மீது தனிப்பட்ட முறையில் தனக்கு மதிப்பு இருப்பதாகவும் அண்ணாமலை தெரிவித்துள்ளார். எங்கிருந்தாலும் ஓபிஎஸ் நல்ல உடல்நிலையோடு இருக்க வேண்டும் என்றும் கூறினார். திராவிட முன்னேற்ற கழகத்தை தீய சக்தி எனக் கூறி, அவர்களின் அரசியலை எதிர்த்து எம்ஜிஆரால் தொடங்கப்பட்ட கட்சி அதிமுக என்றும் தெரிவித்தார். 

இதையும் படிங்க: விஷத்தை தூவி இருக்காரு அண்ணாமலை.. மன்னிப்பு கேட்கணும்..!! செல்வப்பெருந்தகை வலியுறுத்தல்..!