கையில லெட்டர்..!! கலிபோர்னியா நகர சபைக்கு வந்த ‘பேட்மேன்’..!! பரபரப்பு..!!

அமெரிக்காவின் கலிபோர்னியா மாகாணத்தில் உள்ள சாண்டா கிளாரா நகர சபை கூட்டத்தில் திடீரென ஏற்பட்ட பரபரப்பு சமூக ஊடகங்களில் வைரலாகி வருகிறது. இந்த கூட்டத்தில், ஒரு அடையாளம் தெரியாத நபர் முழு 'பேட்மேன்' சூப்பர் ஹீரோ உடையில் (கருப்பு மேலங்கி, முகமூடி, கேப்) வந்து பொது கருத்து அளிக்கும் நேரத்தில் பேச அனுமதி பெற்றார். அவர் தன்னை "பேட்மேன்" என்றே அறிமுகப்படுத்திக் கொண்டார்.

நகர சபை மற்றும் சாண்டா கிளாரா ஸ்டேடியம் ஆதாரிட்டி இணைந்த கூட்டத்தில், அடுத்த மாதம் (பிப்ரவரி 8) லெவிஸ் ஸ்டேடியத்தில் நடைபெறவுள்ள சூப்பர் பவுல் LX கால்பந்து போட்டியின்போது குடியேற்றம் மற்றும் சுங்க அமலாக்கப் பிரிவு (ICE) அதிகாரிகள் பாதுகாப்பு பணியில் ஈடுபடுத்தப்படும் வாய்ப்பு குறித்து அவர் கடும் கோபத்துடன் பேசினார்.

இதையும் படிங்க: மது பிரியர்களுக்கு ஷாக்..! நாளை டாஸ்மாக் கடைகளுக்கு லீவ்..! முக்கிய அறிவிப்பு

மூன்று நிமிட பொது கருத்து நேரத்தில், பேட்மேன் உடையில் அவர் தடுமாற்றமான வார்த்தைகளைப் பயன்படுத்தி சபை உறுப்பினர்களை விமர்சித்தார். "நாம் இங்கு என்ன செய்து கொண்டிருக்கிறோம்? மத்திய அரசு நம்மை மிதித்து ஏறி நிற்க அனுமதித்துவிட்டோம். எந்த நகர வளங்களும் ICE-க்கு செல்லக்கூடாது. உங்கள் குழந்தைகளிடம் சென்று, 'நான் எல்லாம் செய்தேன்' என்று சொல்ல முடியுமா? நீங்கள் முதுகெலும்பு இல்லாதவர்கள்!" என்று கடுமையாகக் குற்றம்சாட்டினார்.

"நான் கெஞ்சவில்லை, நான் கோருகிறேன் – செயல்படுங்கள்!" என்று உரத்த குரலில் வலியுறுத்தினார். அவரது பேச்சு சபையில் ஆரவாரத்தையும், சிலரிடம் ஆச்சரியத்தையும் ஏற்படுத்தியது. இந்த நிகழ்வு சூப்பர் பவுல் போட்டியின்போது ICE அதிகாரிகள் ஈடுபடுவதால் ஏற்படும் அச்சுறுத்தல், குறிப்பாக குடியேற்றத் தொழிலாளர்கள் மற்றும் குழந்தைகள் பாதுகாப்பு குறித்து பொதுமக்களிடையே எழுந்துள்ள கவலையை பிரதிபலிக்கிறது.

சிலர் ICE-யின் செயல்பாடுகளை "நாஜி" போன்றவை என்று விமர்சித்து வரும் நிலையில், இந்தப் போராட்டம் பதற்றத்தை அதிகரித்துள்ளது. நகர சபை உடனடியாக எந்த பதிலும் அளிக்கவில்லை. ஆனால், ஆன்லைனில் வீடியோ பரவியதும், சிலர் இதை "தைரியமான எதிர்ப்பு" என்றும், மற்றவர்கள் "நகைச்சுவையான நாடகம்" என்றும் கருத்து தெரிவித்தனர். இந்த சம்பவம் சூப்பர் பவுல் முன்னெச்சரிக்கை நடவடிக்கைகள் மற்றும் குடியேற்றக் கொள்கை விவாதங்களை மீண்டும் எழுப்பியுள்ளது. 

இதையும் படிங்க: கருத்து சுதந்திரம் பறிப்பு..! முதல்வரின் துருப்பிடித்த இரும்புக்கரம்..! சாடிய நயினார்..!