உலகம் முழுவதும் இளம் தலைமுறை, தங்கள் நாடுகளின் அரசுகளுக்கு எதிராக குரல் கொடுக்கத் தொடங்கியுள்ளனர். நம் அண்டை நாடுகளான வங்கதேசம், நேபாளம், இலங்கையில் இளைஞர்கள் போராட்டம் நடத்தி அரசுகளை ஆட்டம் காண செய்தனர். அங்கு முக்கிய தலைவர்கள் நாட்டை விட்டு வெளியேறினர். ஐரோப்பா நாடுகளிலும் இதுபோன்ற போராட்டங்கள் நடந்தன.
இந்தப் போக்கின் தொடர்ச்சியாக, பாகிஸ்தானின் ஆக்கிரமிப்பு காஷ்மீரில் (PoK) இப்போது இளம் தலைமுறை எழுச்சி தொடங்கியுள்ளது. முசாபராபாத் மற்றும் அதன் அருகிலுள்ள பகுதிகளில் Gen Z என்று அழைக்கப்படும் இளைஞர்கள், பாகிஸ்தான் அரசுக்கு எதிராக போராட்டத்தில் இறங்கியுள்ளனர். இதனால் அங்கு பெரும் பரபரப்பு நிலவுகிறது. போராட்டம் கல்வி கட்டண உயர்வால் தொடங்கியது, ஆனால் இப்போது பொருளாதார சுமை, உட்கட்டமைப்பு பிரச்சனைகளுக்கு எதிரான பெரிய இயக்கமாக மாறியுள்ளது.
இந்த போராட்டம் நவம்பர் 4 அன்று முசாபராபாத்தில் உள்ள அஸாத் ஜம்மு காஷ்மீர் பல்கலைக்கழகத்தில் (UAJK) தொடங்கியது. 500க்கும் மேற்பட்ட மாணவர்கள், செமெஸ்டர் கட்டணம் அதிகரித்ததை எதிர்த்து ஆட்சிமன்றக் கட்டிடத்தை நோக்கி ஊர்வலம் செய்தனர்.
இதையும் படிங்க: தமிழ்நாட்டுல இது கூடாது!! SIR-க்கு எதிராக திமுக வழக்கு! நவ., 11-ல் சுப்ரீம் கோர்ட் விசாரணை!
அரசு அறிமுகப்படுத்திய டிஜிட்டல் மதிப்பீட்டு முறையில் (e-marking) மாணவர்களின் மதிப்பெண்கள் எதிர்பாராத அளவு குறைந்ததாக புகார். இது 6 மாத தாமதத்துடன் வெளியான இன்டர்மீடியட் தேர்வு முடிவுகளால் ஏற்பட்டது. மாணவர்கள், "இந்த முறையில் குறைபாடுகள் உள்ளன, புதியது என்பதால் சரியாக இயங்கவில்லை" என்று கூறினர்.
மேலும், ஒரு தாளுக்கு மறுமதிப்பீட்டுக்கு 1,500 ரூபாய் கட்டணம் வசூலிக்கப்படுவதை ரத்து செய்ய வேண்டும் என்று கோரினர். 7 தாள்களுக்கு 10,500 ரூபாய் செலவாகும் என்பதால், ஏழை மாணவர்கள் பெரும் சுமை சந்திப்பதாக அவர்கள் கூறினர்.
அமைதியாகத் தொடங்கிய போராட்டம், திடீர் துப்பாக்கிச்சூட்டால் வன்முறையாக மாறியது. போராட்ட இடத்தில் அடையாளம் தெரியாத நபர் ஒருவர், மாணவர்கள் மீது சுட்டார். ஒரு மாணவர் காயமடைந்தார். இது போலீஸ் அதிகாரிகள் முன்னிலையில் நடந்தது என்று கண்ணால் பார்த்தவர்கள் சொல்கிறார்கள். அது போலீஸ் நடவடிக்கை எடுக்கவில்லை.
இந்த வீடியோ சமூக வலைதளங்களில் வைரலானது. ஆத்திரமடைந்த மாணவர்கள் டயர்களை எரித்து, சாலைகளை சுற்றி, பாகிஸ்தான் அரசுக்கு எதிராக கோஷங்கள் எழுப்பினர். "அஸாதி" (விடுதலை) என்று அழைப்பது இப்போது இந்தியாவிலிருந்து அல்ல, பாகிஸ்தானிலிருந்து என்று போராட்டக்காரர்கள் கூறினர். ஷெபாஸ் ஷரிஃப் அரசு மற்றும் இராணுவத்துக்கு எதிரான ஸ்லோகன்கள் எழுந்தன.
இந்த போராட்டம் கல்வி கட்டணத்தைத் தாண்டி, மோசமான உட்கட்டமைப்பு, சுகாதாரம், போக்குவரத்து வசதியின்மை போன்ற அடிப்படை பிரச்சனைகளுக்கு எதிராக மாறியுள்ளது. போராட்டக்காரர்கள், "பாகிஸ்தான் நம்மை தீவிரவாதத்துக்கு பயன்படுத்தியது, நாட்டு வளர்ச்சிக்கு அல்ல" என்று குற்றம் சாட்டுகிறார்கள்.
லேபர், கடைக்காரர்கள், பெண்கள் குழுக்கள் இப்போது இணைந்துள்ளனர். முசாபராபாத், பூஞ்ச், கோத்லி, ராவலாகோட், நீலம் வேலி போன்ற இடங்களில் போராட்டம் பரவியுள்ளது. ஜம்மு காஷ்மீர் ஜாயின்ட் அவாமி ஆக்ஷன் கமிட்டி (JKJAAC) மாணவர்களுக்கு ஆதரவு அளித்துள்ளது. லாகூர் போன்ற பாகிஸ்தான் நகரங்களிலும் இன்டர்மீடியட் மாணவர்கள் சிட்-இன் போராட்டம் நடத்தியுள்ளனர்.
இந்த போராட்டம் ஜனவரி 2024ல் நடந்த போராட்டத்தின் தொடர்ச்சியாக பார்க்கப்படுகிறது. அப்போது செமெஸ்டர் கட்டணம் 3-4 மாதத்திற்கு லட்சக்கணக்கான ரூபாய் வசூலிக்கப்பட்டது. ஆசிரியர்கள், நிர்வாக ஊழியர்கள் சம்பள உயர்வு கோரி இணைந்தனர்.
இப்போது அக்டோபர் மாதத்தில் விலைவாசி உயர்வு, கோதுமை மானியம், மின்சார பிரச்சனைகளுக்கு எதிரான போராட்டம் நடந்தது. அது பேச்சுவார்த்தைக்குப் பிறகு வாபஸ் பெறப்பட்டது. ஆனால் இந்த போராட்டம் பாகிஸ்தான் அரசை அலர்ட் செய்துள்ளது. பிரதமர் ஷெபாஸ் ஷரிஃப், இராணுவத் தலைவர் ஆசிம் முனிர் ஆகியோர் கவலைப்படுகின்றனர். இது தேசிய அளவிலான இயக்கமாக மாறலாம் என்ற அச்சம் எழுந்துள்ளது.
பாகிஸ்தான் ஆக்கிரமிப்பு காஷ்மீரில் இளம் தலைமுறை, பொருளாதார சுமை, நிர்வாக சீர்கேடுகளுக்கு எதிராக போராடுவதன் மூலம், தங்கள் பிராந்தியத்தின் எதிர்காலத்தைப் பற்றி அரசுக்கு கடுமையான எச்சரிக்கை அளித்துள்ளனர். இந்த போராட்டம் வங்கதேசம், நேபாளம் போன்ற அண்டை நாடுகளின் Gen Z எழுச்சியை நினைவூட்டுகிறது. பாகிஸ்தான் அரசு இதை கட்டுப்படுத்த முயல்கிறது. ஆனால் இளைஞர்களின் கோபம் தணியவில்லை. இது PoK-யின் அரசியல் வரலாற்றில் புதிய அத்தியாயமாக மாறலாம்!
இதையும் படிங்க: "நான் என்ன தப்பு செஞ்சேன்... கட்சி நல்லா இருக்கனுன்னு தானே நினைச்சேன்..." - அதிமுக Ex. எம்.பி. சத்தியபாமா கதறல்...!