பீஜிங், செப்டம்பர் 4, 2025: சீனாவுல பீஜிங்கில் இரண்டாம் உலகப் போரோட 80வது வெற்றி தினத்துக்காக நடந்த பிரமாண்ட ராணுவ அணிவகுப்பு, உலகமே திரும்பிப் பாக்குற அளவுக்கு மாஸா இருந்துச்சு! சீன அதிபர் ஜி ஜின்பிங், ரஷ்ய அதிபர் விளாடிமிர் புடின், வட கொரிய அதிபர் கிம் ஜாங் உன் எல்லாரும் தோளோட தோள் நின்னு இந்த நிகழ்ச்சியைப் பார்த்தாங்க. ஆனா, இதுல ஹைலைட்டே, ஜி ஜின்பிங்கும் புடினும் உறுப்பு மாற்று அறுவை சிகிச்சை மூலமா மனுஷங்க 150 வருஷம் உயிரோட இருக்கலாம்னு பேசினது, மைக்கு ஓப்பனா இருந்ததுல பதிவாகி வைரலாகிருக்கு! இது இப்போ உலகமெங்கும் பரபரப்பா பேசப்படுது.

இரண்டாம் உலகப் போர் 1939 செப்டம்பர் 1-ல ஆரம்பிச்சு, 1945 செப்டம்பர் 2-ல ஜப்பான் சரணடைஞ்சதோட முடிஞ்சது. அதனால, சீனாவுல செப்டம்பர் 3-ஐ ‘வெற்றி தினம்’னு கொண்டாடுறாங்க. இந்த 80வது ஆண்டு விழாவுக்காக, பீஜிங்கோட டியானான்மென் சதுக்கத்துல இந்த அணிவகுப்பு நடந்துச்சு. 10 வருஷத்துக்கு முன்னாடி 2015-ல இதே மாதிரி ஒரு மாஸ் பேரணி நடந்தது. 

இப்போ 50,000 பேர் வந்து, சீனாவோட புது ஆயுதங்கள் – லேசர் ஆயுதங்கள், ஹைப்பர்சானிக் மிசைல்கள், நீர்மூழ்கி ட்ரோன்கள், ரோபோடிக் ‘வுல்ஃப்ஸ்’, அணு ஆயுத சக்தி கொண்ட மிசைல்கள் – எல்லாம் முதல் முறையா காமிச்சாங்க. ஜி ஜின்பிங் தன்னோட உரையில, “இன்னிக்கு உலகம் அமைதியையோ, போரையோ, உரையாடலையோ, மோதலையோ தேர்ந்தெடுக்கணும்”னு சொல்லி, சீனாவோட அமைதி விருப்பத்தை வெளிப்படுத்தினாரு.

இதையும் படிங்க: அம்மாடியோவ்!! ரூ.1,100 கோடிக்கு விற்பனையான நேருவின் பங்களா!! இவ்வளவு சொகுசா?

அணிவகுப்புக்கு முன்னாடி, ஜி, புடின், கிம் மூணு பேரும் அரங்கத்துக்கு நடந்து போனப்போ, புடினோட மொழிபெயர்ப்பாளர் சீன மொழியில, “பயோடெக்னாலஜி ரொம்ப வளர்ந்துட்டு இருக்கு. உடல் உறுப்புகளை மாற்றிக்கலாம். நீ எவ்வளவு காலம் வாழ்ந்தாலும், உடம்பு இளமையா இருக்கும். கடைசில அமரத்துவமே (இம்மார்டாலிட்டி) கிடைக்கலாம்”னு சொன்னாரு. 

அதுக்கு ஜி ஜின்பிங், “இந்த நூற்றாண்டுல மனுஷங்க 150 வருஷம் வாழலாம்னு சிலர் சொல்றாங்க. முன்னாடி 70 வயசுல இறந்தவங்க, இப்போ 70 வயசுலயும் குழந்தை மாதிரி இருக்காங்க”னு சொன்னாரு. புடின், கிம் சிரிக்குறது CCTV நேரடி ஒளிபரப்புல பதிவாச்சு. புடினோட ரஷ்ய மொழி பேச்சு தெளிவா கேக்கல, ஆனா அவரு இதை உறுதிப்படுத்தினாரு: “புது மருத்துவ முன்னேற்றங்கள், உறுப்பு மாற்று சிகிச்சை இன்னும் சுறுசுறுப்பான, நீண்ட வாழ்க்கையை கொடுக்கும்”னு சொன்னாரு.

இந்த அணிவகுப்பு ஆன்லைன்ல 1.9 பில்லியன் பேரு, டிவியில 400 மில்லியன் பேரு பார்த்தாங்கனு CCTV சொல்றாங்க. 26 வெளிநாட்டு தலைவர்கள் – பெரும்பாலும் மேற்கு நாடுகளைத் தவிர – வந்திருந்தாங்க. இதுல ஈரான் அதிபர் மசூத் பெசெஷ்கியான், பாகிஸ்தான் பிரதமர் ஷெஹ்பாஸ் ஷரீஃப், இந்தோனேசியா அதிபர் பிரபோவோ சுபியான்டோ இருந்தாங்க. 

மேற்கு நாடுகள்ல இருந்து ஸ்லோவாக்கியா பிரதமர் ராபர்ட் ஃபிகோ மட்டும் வந்தாரு. அமெரிக்க அதிபர் டிரம்ப், ட்ரூத் சோஷியல்ல, “ஜிக்கு என் வாழ்த்துகள், ஆனா புடின், கிம்மோட அமெரிக்காவுக்கு எதிரா சதி பண்ணுறப்போ”னு கலாய்ச்சாரு.

இந்த பேரணி சீனாவோட ராணுவ சக்தியை காமிச்சது. 2015-ல நடந்த மாதிரி, இதுவும் சீனாவோட ‘சுதந்திரப் போராட்ட’ வரலாறை நினைவு படுத்துச்சு. ஆனா, ஜி-புடின் பேச்சு, அவங்க தனிப்பட்ட ஆர்வத்தை காமிச்சது. ரஷ்யாவுல புடின் 2024-ல ‘நியூ ஹெல்த் பிரிசர்வேஷன் டெக்னாலஜிஸ்’ சென்டரை ஆரம்பிச்சாரு. சீனாவுலயும் பயோடெக்னாலஜி வளர்ந்துட்டு இருக்கு. இது சீனா-ரஷ்யா-வட கொரியா ‘அக்சிஸ் ஆஃப் அப்ஹீவல்’ கூட்டணியை பலப்படுத்துது.

இந்த நிகழ்ச்சி, சீனாவுல பொருளாதார பிரச்சினைகள் இருந்தாலும், தேசியவாத உணர்வை ஊக்கப்படுத்துது. டைவான் அதிபர் லை சிங்-டி, “அமைதியை துப்பாக்கியால கொண்டாட முடியாது”னு விமர்சிச்சாரு. இது உக்ரைன் போர், டைவான் பிரச்சினையில சீனாவோட நிலைப்பாட்டை வலியுறுத்துது. புடின்-கிம் சந்திப்புல, ரஷ்யாவுக்கு வட கொரியா உதவி பற்றியும் பேச்சு நடந்திருக்கு. 

இதையும் படிங்க: இனிமே நல்ல FUTURE இருக்கு! NDA கூட்டணியில் இருந்து விலகிய TTV... வாழ்த்துச் சொன்ன திருமா..!