சமீபத்திய எல்லை தாண்டிய இராணுவ நடவடிக்கைகளுக்குப் பிறகு, இந்தியாவிற்கும் பாகிஸ்தானுக்கும் இடையே அதிகரித்த பதட்டங்களுக்கு மத்தியில் இந்த அறிவிப்பு வெளியாகியுள்ளது. பலூச் உரிமைகளுக்கான பிரபல எழுத்தாளரும் வக்கீலுமான மிர் யார் பலூச், தளம் எக்ஸ் பக்கத்தில் தொடர்ச்சியான பதிவுகள் மூலம் இந்த அறிவிப்பை வெளியிட்டுள்ளார். டெல்லியில் பலூசிஸ்தான் தூதரகத்தை அனுமதிக்குமாறு இந்திய அரசாங்கத்தை வலியுறுத்தியுள்ள அவர், பாகிஸ்தான் இராணுவம் பலூச் பகுதியில் இருந்து வெளியேறுமாறு கேட்டுக் கொண்டுள்ளார். 

மேலும் பலூசிஸ்தானுக்கு அமைதி காக்கும் படைகளை அனுப்புமாறு ஐக்கிய நாடுகள் சபைக்கு கோரிக்கையும் விடுத்துள்ளார். பாகிஸ்தான் மற்றும் பாகிஸ்தான் ஆக்கிரமிப்பு காஷ்மீரில் (POK) உள்ள பயங்கரவாத முகாம்களை குறிவைத்து மே 7 அன்று இந்தியா நடத்திய ஆபரேஷன் சிந்தூரை அடுத்து பலூச் கிளர்ச்சி படைகள் பாகிஸ்தான் ராணுவம் மீது கடும் தாக்குதல்களை நடத்தி வருகிறது. 

இதையும் படிங்க: அவரு எடுபுடி கோழைச்சாமி... கோடநாடுன்னு சொன்னாலே தொடை நடுங்குதே! பந்தாடிய அமைச்சர்...

"நாங்கள் எங்கள் சுதந்திரத்தை உரிமை கொண்டாடிவிட்டோம்" 100க்கும் மேற்பட்ட எரிவாயு கிணறுகள் உள்ள டேரா புக்தி பகுதியில் உள்ள பாகிஸ்தானின் எரிவாயு வயல்களை பலூச் சுதந்திரப் போராளிகள் தாக்கியதாக மிர் யார் பலூச் கூறினார். அவர் தனது ஒரு பதிவில், "பயங்கரவாத பாகிஸ்தானின் வீழ்ச்சி நெருங்கி வருவதால், விரைவில் ஒரு சாத்தியமான அறிவிப்பு வெளியிடப்பட வேண்டும். நாங்கள் எங்கள் சுதந்திரத்தை கோருகிறோம், மேலும் பலுசிஸ்தானின் அதிகாரப்பூர்வ அலுவலகம் மற்றும் டெல்லியில் தூதரகத்தை அனுமதிக்குமாறு இந்தியாவைக் கேட்டுக்கொள்கிறோம்" என்றுக்கூறியுள்ளார் 

சர்வதேச சமூகத்திற்கும் ஒரு வேண்டுகோள் விடுத்தார். "பலூசிஸ்தான் ஜனநாயகக் குடியரசின் சுதந்திரத்தை அங்கீகரிக்க ஐக்கிய நாடுகள் சபையையும் நாங்கள் கேட்டுக்கொள்கிறோம், மேலும் அங்கீகாரத்திற்கான உங்கள் ஆதரவை வழங்க அனைத்து ஐ.நா. உறுப்பினர்களின் கூட்டத்தையும் கூட்ட வேண்டும்." "பணப் பரிமாற்றம் மற்றும் பாஸ்போர்ட் அச்சிடுவதற்கு பில்லியன் கணக்கான நிதி விடுவிக்கப்பட வேண்டும்” எனக்கேட்டுக்கொண்டுள்ளார். 
 

இதையும் படிங்க: இதில் என்ன பெருமை வேண்டிக்கிடக்கு? எடப்பாடியை கடுமையாக விளாசிய கனிமொழி!!