தமிழக அரசியலில் தற்போது எழுந்திருக்கும் ஒரு முக்கியமான விவாதம், தமிழக வெற்றி கழகம் உடன் காங்கிரஸ் கட்சி கூட்டணி அமைப்பது குறித்த தகவல்கள்தான். 2026 சட்டமன்றத் தேர்தல் நெருங்கி வரும் நிலையில், கட்சிகளிடையே கூட்டணி பேச்சுவார்த்தைகள் தீவிரமடைந்துள்ளன. இந்த சூழலில் திமுக-காங்கிரஸ் இடையேயான உறவில் சில பிளவுகள் தென்படுவதால், தமிழக வெற்றி கழகத்துடன் காங்கிரஸ் மாற்று வழியை ஆராய்வதாக தகவல்கள் வெளியாகி வருகின்றன.

இந்தத் தகவல்கள் முதலில் திரைமறைவு பேச்சுவார்த்தைகள் என்ற அளவில்தான் இருந்தன. ஆனால் சமீபத்தில் காங்கிரஸ் கட்சியின் தமிழ்நாட்டு பொறுப்பாளர் கிரிஷ் சோடங்கர் போன்ற முக்கிய தலைவர்கள் பேசிய விதம் இதை மேலும் உறுதிப்படுத்துவதாக கூறப்படுகிறது. திமுக 25 தொகுதிகளை மட்டுமே வழங்க முன்வந்துள்ளதாகவும், காங்கிரஸ் 35 முதல் 39 தொகுதிகள் வரை கோரி வருவதாகவும் தகவல்கள் உள்ளன.

இந்த இழுபறி காரணமாகத்தான் மாற்று வாய்ப்புகளை காங்கிரஸ் ஆராய்கிறது என்று அரசியல் வட்டாரங்கள் கூறுகின்றன. தவெக தரப்பில் இருந்து பார்க்கும்போது, காங்கிரஸ் கட்சியின் தேசிய அளவிலான செல்வாக்கு மற்றும் ராகுல் காந்தி போன்ற தலைவர்களின் ஈர்ப்பு ஆகியவை இளைஞர்கள் மத்தியில் தங்கள் கட்சிக்கு கூடுதல் வலிமை சேர்க்கும் என்ற நம்பிக்கை இருப்பதாகத் தெரிகிறது. தவெக 70க்கும் மேற்பட்ட தொகுதிகளை காங்கிரஸுக்கு விட்டுக்கொடுக்கத் தயாராக இருப்பதாகக் கூறப்படுகிறது. இதெல்லாம் இப்போதைக்கு அதிகாரப்பூர்வ அறிவிப்புகளாக இல்லை. காங்கிரஸ் தலைமை திமுகவுடனான நீண்டகால கூட்டணியைத் தொடர விரும்புவதாகவே பொதுவாகக் கூறி வருகிறது. 

இதையும் படிங்க: ஆந்திரா வெடிவிபத்து... பாதுகாப்பு குறைபாடுதான்... கொந்தளித்த செல்வப்பெருந்தகை..!

இந்த நிலையில், காங்கிரஸ் புறவாசல் வழியாக அரசியல் பேசும் கட்சி அல்ல என தமிழ்நாடு காங்கிரஸ் கமிட்டி தலைவர் செல்வப் பெருந்தகை தெரிவித்துள்ளார். தவெகவிடம் காங்கிரஸ் கூட்டணி பேசவில்லை என்றும் கட்சியின் மாநிலத் தலைவர் நான்தான் எனவும் தவெகவிடம் மறைமுகமாகவோ, நேரடியாகவோ கூட்டணி பேசச் சொல்லி தேசியத் தலைமை என்னிடம் எந்த வழிகாட்டுதலும் தரவில்லை என்றும் தெரிவித்துள்ளார். 

இதையும் படிங்க: நல்லகண்ணுவுக்கு பாரத ரத்னா விருது குடுங்க... பேரிழப்பு..!! செல்வப் பெருந்தகை இரங்கல்..!!