தமிழக அரசியல் களத்தில் புதிய மாற்றத்தை ஏற்படுத்தும் நோக்குடன் உருவான தமிழக வெற்றிக் கழகம் தொடர்ந்து மக்களின் நம்பிக்கையைப் பெற்று வருகிறது. இந்த இயக்கத்தின் தன்மையை வலியுறுத்தும் வகையில், கட்சியின் முக்கிய நிர்வாகியும் மாநில நிர்வாகக் குழு தலைமை ஒருங்கிணைப்பாளருமான கே.ஏ. செங்கோட்டையன் அவ்வப்போது அளிக்கும் பேட்டிகளும் அறிக்கைகளும் கவனம் ஈர்க்கின்றன. அத்தகைய ஒரு சந்தர்ப்பத்தில் அவர் கூறியுள்ளது.

மனிதநேயத்துடன் வளரும் கட்சி எங்களுடையது என்றார். தியாகத்தால் உருவாக்கப்பட்டுள்ள இயக்கம் தவெக எனவும் தெரிவித்தார். தொலைநோக்கு பார்வையுடன், மனிதநேயத்துடன் மக்களுக்காக பணியாற்றக்கூடிய தலைவர் எங்கள் தலைவர் விஜய் என்று அவர் கூறியது தவெகவின் அடிப்படைத் தத்துவத்தை தெளிவாகப் பிரதிபலிக்கிறது. செங்கோட்டையன், அதிமுகவில் நீண்டகால அனுபவம் கொண்ட மூத்த தலைவராக இருந்தவர்.

எம்.ஜி.ஆர்., ஜெயலலிதா ஆகியோரின் காலத்தில் முக்கிய பொறுப்புகளை வகித்த அவர், பின்னர் கட்சியில் ஏற்பட்ட முரண்பாடுகளுக்குப் பிறகு தவெகவில் இணைந்தார். 2025 நவம்பர் இறுதியில் விஜய் முன்னிலையில் கட்சியில் சேர்ந்த அவருக்கு மாநில நிர்வாக அமைப்பில் முக்கிய பொறுப்பு வழங்கப்பட்டது. 

இதையும் படிங்க: உயிர் உள்ளவரை இயக்கத்திற்காக பாடுபடுவேன்..! பரப்புரையில் செங்கோட்டையன் சூளுரை..!

தவெகவை அவர் “தியாகத்தால் உருவாக்கப்பட்ட இயக்கம்” என்று கூறுவது, விஜய்யின் தனிப்பட்ட வாழ்க்கையிலிருந்து அரசியலுக்கான பயணத்தைச் சுட்டிக்காட்டி உள்ளது. பிரபல திரைப்பட நடிகராக மக்களிடையே பெரும் செல்வாக்கைப் பெற்றிருந்த விஜய், தன் ரசிகர்கள் மற்றும் மக்களுக்கான சேவையை முன்னிறுத்தி கட்சியைத் தொடங்கினார். பல தியாகங்கள், சவால்கள் மற்றும் மக்கள் ஆதரவின் அடிப்படையில் இந்த இயக்கம் வளர்ந்து வருகிறது என்று செங்கோட்டையன் வலியுறுத்துகிறார். 

இதையும் படிங்க: விஜய்க்கு 41% ஓட்டு இருக்கு! தவெக 121 இடங்களை கைப்பற்றும்! முன்னாள் ஐபிஎஸ் ரவி & குழு நடத்திய கருத்துக்கணிப்பு!