வியட்நாமில் விபா புயல் ஒரு பெரிய கண்ணீர் கதையை எழுதியிருக்கு! இந்த சூறாவளி புயல், இன்று (ஜூலை 22, 2025) அதிகாலையில் வியட்நாமின் வடக்கு கடற்கரை பகுதிகளான ஹுங் யென் மற்றும் நிங் பின் மாகாணங்களுக்கு இடையே மணிக்கு 150 கி.மீ வேகத்தில் கரையை கடந்து, மக்களோட வாழ்க்கையை புரட்டிப் போட்டிருக்கு.

கனமழை, பலத்த காற்று, வெள்ளம், நிலச்சரிவுனு இந்த புயல் வியட்நாமை உலுக்கி, மக்களை தவிக்க விட்டிருக்கு. இதனால ஏற்பட்ட இழப்புகள், உயிர்ச்சேதங்கள், போக்குவரத்து முடக்கம் எல்லாமே நெஞ்சை உருக்குற ஒரு சோகமான கதையா மாறியிருக்கு. 

இந்த புயலால் இதுவரை 53 பேர் பரிதாபமாக உயிரிழந்திருக்காங்க. குறிப்பா, குவாங் நின் மாகாணத்துல ஒரு சுற்றுலா கப்பல் கவிழ்ந்து, 38 பேர் உயிரிழந்தது மிகப் பெரிய அடியா இருக்கு. இந்த கப்பல்ல 53 பேர் இருந்தாங்க, அதுல 10 பேர் மட்டுமே மீட்கப்பட்டிருக்காங்க, 5 பேர் இன்னும் காணாம போயிருக்காங்க.

இதையும் படிங்க: இனி பைக் ஓட்ட கூடாது! வியட்நாமில் ஸ்ட்ரிக்ட் ரூல்ஸ்!! பிரதமர் ஃபாம் மின் சின் உத்தரவால் சர்ச்சை!!

மொத்தமா 200-க்கும் மேற்பட்டவர்கள் காயமடைஞ்சிருக்காங்க, இதுல பலரோட நிலைமை கவலைக்கிடமா இருக்கு. புயல் கரையை கடந்து, ஹைபாங் நகரில் டோ சோன் கடற்கரையில் நீர் மட்டம் உயர்ந்து, பெரிய அலைகள் எழுந்து, மக்களை பயமுறுத்தியிருக்கு. 

புயலோட தாக்கம், வியட்நாமின் வடக்கு பகுதிகளை இருட்டுல ஆழ்த்தியிருக்கு. 35 லட்சம் மக்கள் மின்சாரம் இல்லாம தவிக்கிறாங்க, ஏன்னா மின் கம்பங்கள், மரங்கள் எல்லாம் வேரோடு பறிச்சு வீசப்பட்டிருக்கு. 12,000-த்துக்கும் மேற்பட்ட வீடுகள் முழுசா இடிஞ்சு, ஆயிரக்கணக்கான ஏக்கர் பயிர்கள் வெள்ளத்துல மூழ்கி, விவசாயிகளோட வாழ்வாதாரம் பறிபோயிருக்கு.

உணவு, குடிநீர், மருந்து இல்லாம மக்கள் திண்டாடுறாங்க. குவாங் நின், தை பின் பகுதிகளில் நிலச்சரிவு, வெள்ளம் வந்து, குடும்பங்கள் பிரிஞ்சு, குழந்தைகள் பசியோட தவிக்கிற சோகம் நெஞ்சை பிசையுது. 

போக்குவரத்து முறை முழுக்க முடங்கியிருக்கு. ஹனோய், ஹைபாங், வான் டோன், கேட் பை விமான நிலையங்கள் மூடப்பட்டு, 200-க்கும் மேற்பட்ட விமானங்கள் ரத்து செய்யப்பட்டிருக்கு.

ரயில் சேவைகளும் நிறுத்தப்பட்டு, ஆயிரக்கணக்கான பயணிகள் ரயில் நிலையங்களில் தவிச்சு நிக்கறாங்க. கடற்கரைப் பகுதிகளில் மீனவர் படகுகள், துறைமுகங்கள் சேதமடைஞ்சு, மீன்பிடி தொழில் முற்றிலும் முடங்கியிருக்கு. இதனால, பொருளாதார இழப்பு பல மில்லியன் டாலர்களை தொடுது. 

வியட்நாம் அரசு, அவசரநிலை பிரகடனம் செய்து, மீட்பு பணிகளை தீவிரப்படுத்தியிருக்கு. ஆனா, தொடர்ந்து வர்ற கனமழையும், பலத்த காற்றும் மீட்பு பணிகளை சிக்கலாக்குது. சர்வதேச உதவி கோரப்பட்டு, சீனா, ஜப்பான், தென் கொரியா மாதிரியான நாடுகள் மருத்துவ பொருட்கள், உணவு, தற்காலிக கூடாரங்களை அனுப்பியிருக்காங்க.

ஆனாலும், பாதிக்கப்பட்ட பகுதிகளுக்கு உதவி சென்றடைய முடியாம, மக்கள் தவிக்கிறாங்க. ஒரு உள்ளூர் மக்கள் பேசும்போது, “எங்க வீடு, பயிர் எல்லாம் போயிடுச்சு, இனி என்ன பண்ணுவோம்னு தெரியல”னு கண்ணீரோட சொல்றாங்க. 

இந்த விபா புயல், வியட்நாமோட இதயத்தையே உடைச்சிருக்கு. மக்கள் தங்கள் உறவுகளை இழந்து, வாழ்வாதாரத்தை இழந்து, கண்ணீரில் மூழ்கியிருக்காங்க. இந்த சோகத்துக்கு மத்தியில், உலக நாடுகள் உதவி செய்ய முன்வந்தாலும், இந்த காயம் ஆறவே ஆறாது. இனி மக்கள் இந்த இழப்பை எப்படி தாங்குவாங்க, இந்த புயலோட வடு எப்போ மறையும்னு பார்க்க வேண்டியிருக்கு!
 

இதையும் படிங்க: உயிரிழந்த அஜித் குடும்பத்திற்கு 25 லட்சம் இடைக்கால இழப்பீடு...நீதிமன்றம் அதிரடி உத்தரவு!