தமிழக அரசு பள்ளிகளை "பெருமையின் அடையாளம்" என்று கொண்டாடி வரும் முதல்வர் மு.க. ஸ்டாலின் மற்றும் பள்ளிக்கல்வி அமைச்சர் அன்பில் மகேஷ் பொய்யாமொழி, நடைமுறையில் அவற்றை மேம்படுத்த மிகப்பெரிய சவாலை எதிர்கொண்டுள்ளனர். மழைக்காலத்தில் ஒழுகும் கூரைகள், கழிப்பறை இல்லாத பெண்கள் பள்ளிகள், ஆசிரியர்களின் கண்டிப்புக்கு இடைநிற்கும் மாணவர்கள் என்ற அவலங்கள் நிலவும் நிலையில், அரசு பள்ளிகளில் சேர்க்கை ஆண்டுதோறும் குறைகிறது. 

இந்த சூழலில், பெரு நிறுவனங்களிடமிருந்து 80 கோடி ரூபாய் நன்கொடையாக திரட்ட வேண்டும் என்று அதிகாரிகளுக்கு தமிழக அரசு உத்தரவு பிறப்பித்துள்ளது. ஆனால், தற்போது 60 கோடி மட்டுமே வாக்குறுதி கிடைத்துள்ளதால், மீதமுள்ள 20 கோடியை இரண்டு நாட்களுக்குள் திரட்ட வேண்டிய நெருக்கடியில் அதிகாரிகள் தவித்து வருகின்றனர். 

'நம்ம ஸ்கூல் நம்ம ஊரு பள்ளி' (NSNOP) என்ற சமூக பங்களிப்பு திட்டம், 2022இல் முதல்வர் ஸ்டாலின் மூலம் தொடங்கப்பட்டது. இது அரசு பள்ளிகளின் உள்கட்டமைப்பை மேம்படுத்த, பெரு நிறுவனங்களின் கார்ப்பரேட் சமூக பொறுப்பு (CSR) நிதிகளைப் பயன்படுத்தும் ஒரு புரட்சிகரமான முயற்சி இது. தமிழகம் முழுவதும் உள்ள 37,000க்கும் மேற்பட்ட அரசு பள்ளிகளை இலக்காகக் கொண்ட இத்திட்டம், இதுவரை 800 கோடி ரூபாய்க்கும் மேல் நன்கொடைகளைத் திரட்டியுள்ளது. 

இதையும் படிங்க: 2017 முதல் இதுவரை.. நீக்கப்பட்ட முக்கிய தலைவர்கள்: ஆளும் போராட்டத்தின் பின்னணியில் தொடரும் நீக்கங்கள்..!!

 மதுரை பகுதியில் மட்டும் 200 கோடி, திருச்சி பகுதியில் 141 கோடி போன்று பல்வேறு இடங்களில் வெற்றி பெற்றுள்ளது.  SBI போன்ற பெரு வங்கிகள் 1.37 கோடி, சாலமன் பப்பையா போன்ற தனியார் நபர்கள் 20 லட்சம் போன்று பல உதாரணங்கள் உள்ளன. 

ஆனால், இந்த வெற்றிக்கு மாறாக, தற்போது நடக்கும் சேலம் மாவட்ட பள்ளிக்கல்வித் துறை கூட்டத்திற்கு முன், 80 கோடி ரூபாய் திரட்ட வேண்டும் என்ற அரசின் இலக்கு அதிகாரிகளை சிரமத்தில் ஆழ்த்தி உள்ளது. தற்போது 60 கோடி வரை பெரு நிறுவனங்களிடமிருந்து வாக்குறுதி பெற்றுள்ளனர். மீதமுள்ள 20 கோடியை நாளை மறுநாள் (நவம்பர் 3) நடக்கும் கூட்டத்தில் வழங்க வேண்டும் என்பதால், அதிகாரிகள் தீவிர பணியில் ஈடுபட்டுள்ளனர். 

பள்ளி நிதி மேலாண்மை குழுவினர் கூறுகையில், "ஒவ்வொரு பள்ளிக்கும் தனித்தனி தேவைகள் உள்ளன. அதனால், நன்கொடையாளர்களை மீண்டும் மீண்டும் தொடர்பு கொள்ள வேண்டிய நிலை. இன்னும் இரண்டு நாட்களுக்குள் இந்த இலக்கை எட்ட வேண்டும் என்பது பெரும் நெருக்கடி" என்றனர்.

அரசு பள்ளிகளின் நிலை, இந்த நெருக்கடியை மேலும் கடினமாக்குகிறது. முதல்வர் ஸ்டாலின் அரசு, கல்விக்கு 44,000 கோடி ரூபாய் ஒதுக்கீடு செய்து, "அரசு பள்ளிகள் வறுமையின் அடையாளம் அல்ல; பெருமையின் அடையாளம்" என்று வலியுறுத்தி வருகிறது. ஆனால், நடைமுறையில் மழைக்காலத்தில் நீர் சொட்டும் கூரைகள், பெண்கள் பள்ளிகளில் கழிப்பறை இல்லாமை, போன்ற பிரச்சினைகள் தொடர்கின்றன. 

இதனால், மாணவர் சேர்க்கை ஆண்டுதோறும் 5-10% குறைகிறது. ஆசிரியர்கள் கண்டிப்பு காட்டினால், கூட மாணவர்கள் இடைநிற்றல் அதிகரிக்கிறது. அதிக சம்பளம் வாங்கும் அரசு பள்ளி ஆசிரியர் பணியிடங்கள், மாணவர்கள் எண்ணிக்கை குறைவால் குறைக்கப்படுவதும் பெரும் சவாலாக உள்ளது.

இந்த சூழலில், 'நம்ம ஸ்கூல்' திட்டம் அரசின் முக்கிய ஆயுதமாக உள்ளது. இதன் மூலம், பழைய மாணவர்களை இணைக்க 'பள்ளி சாலரம்' என்ற இணையதளம் தொடங்கப்பட்டுள்ளது.  இதன் மூலம், பழைய மாணவர்கள் தங்கள் பள்ளிகளுக்கு நன்கொடை அளிக்கலாம், சமூக ஊடகங்கள் மூலம் பங்களிக்கலாம். 400க்கும் மேற்பட்ட நிறுவனங்கள் இதில் ஈடுபட்டுள்ளன.  ஆனால், இன்னும் இலக்குகளை எட்ட முடியாத நிலையில், அரசு அதிகாரிகளை நெருக்கடி அளித்துள்ளது.

இந்த நடவடிக்கை, தமிழக கல்வியின் உண்மையான பிரச்சினைகளை வெளிப்படுத்துகிறது. அரசு பள்ளிகளை தரம் உயர்த்தினால், தனியார் பள்ளிகளுக்கு சமமான போட்டி கொடுக்கலாம் என்று நிபுணர்கள் கூறுகின்றனர். ஆனால், நன்கொடை சார்ந்திருப்பது நீண்டகால தீர்வல்ல என்ற விமர்சனமும் உள்ளது. 

சமூக ஆர்வலர்கள், "அரசு பட்ஜெட்டில் கூடுதல் ஒதுக்கீடு செய்ய வேண்டும். நன்கொடை மட்டும் போதாது" என்று வலியுறுத்துகின்றனர். இந்த 80 கோடி இலக்கு வெற்றி பெறுமா என்பது அனைவரும் கவனிக்கும் விஷயம். தமிழக கல்வியின் எதிர்காலம், இந்த சிறு சவால்களில் தீர்மானமாகலாம்.

இதையும் படிங்க: விஜய்க்கே தெரியாமல் கூட்டணி பேசிய நிர்வாகி!! கொதித்தெழுந்த விஜய்!! தவெகவில் பூதாகரமாகும் மோதல்!