அமெரிக்க அதிபர் டொனால்ட் ட்ரம்ப், முன்னாள் அதிபர் பராக் ஒபாமாவை கைது செய்யற மாதிரி ஒரு AI-ஜெனரேட் வீடியோவை ஜூலை 20, 2025-ல தன்னோட ட்ரூத் சோஷியல் தளத்துல பதிவு செஞ்சு பெரிய சர்ச்சையை கிளப்பினார். இந்த வீடியோ, 2016-ல ஒபாமாவும் ட்ரம்பும் ஒவல் ஆஃபிஸ்ல சந்திச்ச உண்மையான காட்சிகளை மாற்றி, ஒபாமாவை FBI ஏஜென்ட்கள் கைது செய்யற மாதிரி உருவாக்கப்பட்டது. 

 “யாரும் சட்டத்துக்கு மேல இல்லை”னு ஒபாமா, பைடன், நான்சி பெலோசி மாதிரியான ஜனநாயக கட்சி தலைவர்கள் பேசுற காட்சிகளோட ஆரம்பிக்குது, பின்னாடி ஒபாமா ஆரஞ்சு சீருடையோட சிறையில இருக்குற மாதிரி காட்டுது. இதுக்கு பின்னணியில வில்லேஜ் பீப்பிள்ஸோட “YMCA” பாட்டு ஒலிக்குது, இது ட்ரம்போட பிரச்சார பாட்டு. 

இதோட, ஜூலை 26, 2025-ல ட்ரம்ப் இன்னொரு AI-ஜெனரேட் புகைப்படத்தை பதிவு செய்திருக்கார், அதுல ஒபாமா கார்ல போறப்போ ட்ரம்பும் காவல்துறையும் துரத்தற மாதிரி காட்டப்பட்டிருக்கு. இந்த பதிவுகள், ட்ரம்போட ஆதரவாளர்களை உற்சாகப்படுத்தினாலும், பலருக்கு இது ஜெஃப்ரி எப்ஸ்டீன் வழக்கு பத்தின சர்ச்சையிலிருந்து கவனத்தை திசை திருப்பற முயற்சியா தெரியுது. 

இதையும் படிங்க: இந்தியா - அமெரிக்கா வர்த்தக ஒப்பந்தத்தில் முன்னேற்றம்.. குட் நியூஸ் சொன்ன பியூஷ் கோயல்..

எப்ஸ்டீன், 2019-ல சிறையில தற்கொலை செய்துக்கிட்ட பாலியல் குற்றவாளி, இவரோட கோப்புகளை வெளியிடறதுல ட்ரம்ப் நிர்வாகம் தயங்குறது, MAGA ஆதரவாளர்களை கோபப்படுத்தியிருக்கு. இந்த சர்ச்சைக்கு பின்னணி, 2016 தேர்தல்ல ட்ரம்போட வெற்றியை ஒபாமா தடுக்க முயற்சி செஞ்சார்னு தேசிய புலனாய்வு இயக்குநர் துளசி கப்பார்ட் குற்றம் சாட்டினது. 

கப்பார்ட், ஒபாமாவோட நிர்வாகம் ரஷ்யாவோட தேர்தல் தலையீடு பத்தி “புனையப்பட்ட” உளவுத்தகவலை உருவாக்கி, ட்ரம்புக்கு எதிரா “நீண்டகால சதி” செய்ததா சொல்லியிருக்கார். இதுக்கு ஆதாரமா 100-க்கும் மேற்பட்ட ஆவணங்களை வெளியிட்டு, FBI, நீதித்துறைக்கு குற்றப்பத்திரிக்கை பரிந்துரை செய்யப் போறதா அறிவிச்சிருக்கார். 

ஆனா, ஜனநாயக கட்சியினர் இதை “அரசியல் உள்நோக்கம் கொண்ட பொய்யான குற்றச்சாட்டு”னு மறுத்திருக்காங்க. செனட் உளவுத்துறை கமிட்டியோட மூத்த உறுப்பினர் மார்க் வார்னர், “இது 2016 தேர்தல் தலையீடு பத்தின பழைய பொய்யை மறுபடியும் கிளப்புற முயற்சி”னு சொல்லிருக்காரு.

ஒபாமா இதுக்கு பதில் சொல்லும்போது, “வெள்ளை மாளிகையோட மரியாதையை கருத்தில்கொண்டு, இந்த மாதிரி முட்டாள்தனமான, தவறான தகவல்களை பொதுவா கண்டுக்கறது இல்ல. ஆனா, இந்த குற்றச்சாட்டுகள் ரொம்ப அபத்தமானவை, இதை புறக்கணிக்க முடியாது. இது எப்ஸ்டீன் வழக்குல இருந்து கவனத்தை திருப்பற முயற்சி”னு சொல்லியிருக்கார். சில MAGA ஆதரவாளர்கள், “ஒபாமாவை கைது செய்யணும்”னு கோரிக்கை வைச்சிருக்காங்க, ஆனா மற்றவங்க இதை ட்ரம்போட திசைதிருப்பல் உத்தியா பார்க்கறாங்க.

இந்த விவகாரம், அமெரிக்க அரசியல்ல பெரிய பிளவை உருவாக்கியிருக்கு. முன்னாள் வழக்கறிஞர் நீமா ரஹ்மானி, “ஒபாமாவை கைது செய்ய எந்த சட்ட ஆதாரமும் இல்லை, இந்த குற்றச்சாட்டுகளுக்கு காலாவதி ஆயிடுச்சு”னு சொல்லியிருக்கார். இந்த AI வீடியோ, அரசியல் எதிரிகளை குறிவைக்கறதுக்கு ட்ரம்ப் நிர்வாகம் எப்படி தொழில்நுட்பத்தை பயன்படுத்துதுனு காட்டுது, ஆனா இது நாட்டுல அரசியல் பதற்றத்தை இன்னும் அதிகமாக்குது.

இதையும் படிங்க: அமெரிக்காவை சுட்டெரிக்கும் வெயில்.. 10 கோடி பேரை வெப்ப அலை தாக்கும் அபாயம்!!