பஹல்காம் தாக்குதலுக்குப் பிறகு, இந்தியாவிற்கும் பாகிஸ்தானுக்கும் இடையே பதற்றம் தொடர்கிறது. உலக நாடுகள் பாகிஸ்தானை கண்டித்தாலும், பாகிஸ்தானுக்கு துருக்கி ஆதரவளித்துள்ளது. துருக்கி, பாகிஸ்தானுக்கு ஏராளமான ஆயுதங்களை அனுப்பிக் கொண்டிருந்தது. பாகிஸ்தானுக்கு ஆதரவாக நடனமாடிய துருக்கி, இப்போது ஒரு பெரிய சர்வதேச சதித்திட்டத்தின் மையமாக மாறி வருகிறது.
சமீபத்தில் துருக்கியின் உளவுத்துறை நிறுவனமான எம்ஐடி இஸ்தான்புல்லில் ஒரு சந்தேகத்திற்கிடமான சரக்கைக் கைப்பற்றியுள்ளது. அதில் 1300 பேஜர் சாதனங்கள் கண்டுபிடிக்கப்பட்டன. இந்த சாதனங்கள் லெபனானுக்கு அனுப்பப்பட்டு, அவற்றில் ஆபத்தான வெடிபொருள் மறைத்து வைக்கப்பட்டிருந்தன. இதை கைப்பற்றியதற்கு பிறகு, துருக்கியின் பாதுகாப்பு நிறுவனங்களின் விழிப்புணர்வின் மீது உலகளாவிய கண்கள் பதிந்துள்ளன.
இஸ்ரேலிய உளவுத்துறை நிறுவனமான 'மொசாத்' ஹெஸ்பொல்லாவின் பேஜர் அமைப்பு தொடர்பாக பெரிய நடவடிக்கையைத் தொடங்கிய அதே நேரத்தில் துருக்கிக்கு பேஜர்கள் அனுப்பப்பட்டுள்ளன. செப்டம்பர் 17 அன்று, இந்த நடவடிக்கையின் முதல் நாளிலேயே, லெபனான், சிரியாவில் இருக்கும் ஹெஸ்பொல்லா பயங்கரவாதிகளின் பேஜர்கள் வெடிக்கப்பட்டன. மறுநாளே அவர்களின் வாக்கி-டாக்கி சாதனங்களும் வெடித்தன. துருக்கியில் பிடிபட்ட 1300 பேஜர்களும் அதே நெட்வொர்க்குடன் இணைக்கப்பட்டு ஹெஸ்பொல்லாவுக்கு வழங்கப்படவிருந்ததாக நம்பப்படுகிறது.
இதையும் படிங்க: ஓவைசியின் பூரிக்க வைக்கும் தேசப்பற்று..! ஒரு அடி கூட எதிரி எடுத்து வைக்கக்கூடாது..!
சபா என்ற துருக்கிய செய்தித்தாளில் வெளியான தகவலின்படி, இந்த சரக்கு செப்டம்பர் 16 அன்று ஹாங்காங்கிலிருந்து தைவான் வழியாக இஸ்தான்புல்லை அடைந்தது. இது ஒரு உணவு பதப்படுத்தும் கருவி என்று ஆவணங்களில் தெரிரிக்கப்பட்டது. ஆனால் பாதுகாப்பு அமைப்புகள் விசாரித்தபோது, நான்கு பலகைகளில் மொத்தம் 61 பெட்டிகள் கண்டுபிடிக்கப்பட்டன. அவற்றின் மொத்த எடை 850 கிலோ. விசாரணையில், 1300 பேஜர்கள், 710 டெட்டனேட்டர்கள், பேட்டரிகள், கேபிள்கள், மினி பிளெண்டர்கள், கேமராக்கள் மற்றும் பிற மின்னணு பொருட்கள் அவற்றில் கண்டுபிடிக்கப்பட்டன.
துருக்கிய வெடிகுண்டு அகற்றும் குழு இந்த சாதனங்களை ஆய்வு செய்தபோது, பேஜர்களில் பொருத்தப்பட்ட பேட்டரிகளில் 3 கிராம் வரை வெள்ளை நிறத்தில் அதிக எரியக்கூடிய வெடிபொருள் நிரப்பப்பட்டிருப்பது கண்டறியப்பட்டது. இந்த வெடிபொருளை ஒரு வழக்கமான எக்ஸ்ரே இயந்திரத்தால் கண்டறிய முடியவில்லை. இந்த பேட்டரி சாதாரணமாகத் தோன்றும் வகையில் வடிவமைக்கப்பட்டது. ஆனால் அதன் ஆற்றல் திறன் இயல்பில் மூன்றில் ஒரு பங்கு மட்டுமே. இதன் பொருள் மீதமுள்ள இடத்தில் வெடிபொருட்கள் மறைத்து வைக்கப்பட்டிருந்தன.
இருப்பினும், இந்த முழு விஷயமும் இஸ்ரேலிய அதிகாரிகளாலோ அல்லது வேறு எந்த சர்வதேச நிறுவனத்தாலோ அதிகாரப்பூர்வமாக உறுதிப்படுத்தப்படவில்லை. ஆனால் துருக்கியில் பிடிபட்ட இவ்வளவு பெரிய அளவிலான வெடிபொருட்களைக் கொண்ட பேஜர் பயங்கரவாதத்திற்கு தொழில்நுட்பத்தைப் பயன்படுத்துவது ஒரு புதிய நிலையை எட்டியுள்ளது என்பதை நிச்சயமாக தெளிவுபடுத்தியுள்ளது. துருக்கி அரசு தன்னை நிரபராதி என்று காட்ட முயற்சிக்கலாம். ஆனால் ஹெஸ்பொல்லா மீதான அதன் அனுதாபம், இஸ்ரேல் எதிர்ப்பு நிலைப்பாடு இப்போது சந்தேகத்திற்குரியதாக மாறியுள்ளது.
இதையும் படிங்க: முடிக்கற வரை நிறுத்த கூடாது..! ஜெயிலர் ரஜினி அதிரடி..!