இந்தியத் தேர்தல் ஆணையத்தின் அட்டவணைப்படி, 2026-ஆம் ஆண்டு சட்டசபைத் தேர்தலின் முதற்கட்டமாக இன்று (வியாழக்கிழமை) கேரளா, அசாம் மற்றும் புதுச்சேரி ஆகிய மாநிலங்களில் வாக்குப்பதிவு நடைபெற உள்ளது. காலை 7 மணிக்குத் தொடங்கி இந்தத் தேர்தல் திருவிழா, மாலை 6 மணி வரை தடையின்றித் தொடர உள்ளது.

மாநில வாரியான தொகுதிகள் இன்று ஒரே கட்டமாக வாக்குப்பதிவு நடைபெறும் 3 மாநிலங்களின் மொத்தத் தொகுதிகள் கேரளா: 140 தொகுதிகள் (985 வேட்பாளர்கள்) அசாம்: 126 தொகுதிகள் (789 வேட்பாளர்கள்) புதுச்சேரி: 30 தொகுதிகள் (366 வேட்பாளர்கள்) மொத்தம் 296 தொகுதிகளில் சுமார் 1,955-க்கும் மேற்பட்ட வேட்பாளர்கள் தேர்தல் களத்தில் மோதுகின்றனர்.

கேரளாவில் ஆளும் இடதுசாரி ஜனநாயக முன்னணி (LDF), எதிர்க்கட்சியான ஐக்கிய ஜனநாயக முன்னணி (UDF) மற்றும் பாஜக தலைமையிலான தேசிய ஜனநாயகக் கூட்டணி (NDA) இடையே மும்முனைப் போட்டி நிலவுகிறது. அசாமில் பாஜக தலைமையிலான கூட்டணிக்கும், காங்கிரஸ் தலைமையிலான ஐக்கிய எதிர்க்கட்சி முன்னணிக்கும் இடையே பலத்த போட்டி நிலவுகிறது.

இதையும் படிங்க: இந்தியர்களின் பாதுகாப்புக்கு முன்னுரிமை! கேரள தேர்தல் பிரசாரத்தில் பிரதமர் மோடி பேச்சு!

புதுச்சேரியில் ஆளும் AINRC-பாஜக கூட்டணிக்கும், காங்கிரஸ்-திமுக கூட்டணிக்கும் இடையே நேரடிப் போட்டி நிலவுகிறது. நடிகர் விஜய்யின் தமிழக வெற்றி கழகம் (TVK) முதன்முறையாக இத்தேர்தலில் களம் கண்டுள்ளது குறிப்பிடத்தக்கது.

வாக்குப்பதிவு சுமூகமாக நடைபெறத் துணை ராணுவப் படையினர் பாதுகாப்புப் பணியில் ஈடுபடுத்தப்பட்டுள்ளனர். மூத்த குடிமக்கள் மற்றும் மாற்றுத்திறனாளிகள் எளிதாக வாக்களிக்கச் சிறப்பு வசதிகள் மற்றும் சாய்வுதளங்கள் அனைத்து வாக்குச் சாவடிகளிலும் அமைக்கப்பட்டுள்ளன. வாக்காளர் அடையாள அட்டை இல்லாதவர்கள், ஆணையம் அங்கீகரித்த 12 ஆவணங்களில் ஏதேனும் ஒன்றைக் காட்டி வாக்களிக்கலாம்.

தமிழகம் மற்றும் மேற்கு வங்கத்தில் (முதற்கட்டமாக) வரும் ஏப்ரல் 23-ஆம் தேதி வாக்குப்பதிவு நடைபெறவுள்ளது. இன்றையத் தேர்தல் உட்பட அனைத்து மாநிலத் தேர்தல் முடிவுகளும் வரும் மே 4-ஆம் தேதி அறிவிக்கப்பட உள்ளன.

இதையும் படிங்க: ஆவணங்கள் காட்டியும் பணத்தை பறிமுதல் செய்த பறக்கும் படை... கதறும் மீன் வியாபாரிகள்..!!