தெலங்கானா மாநிலம்  யாதாத்ரி மாவட்டம், மோட்டகொண்டூர் மண்டலம், கேட்டபள்ளி கிராமத்தில் பிரீமியர் வெடிபொருள் தொழிற்சாலை உள்ளது. இந்த தொழிற்சாலையில் வெடிபொருள் நிறுவன கட்டிடத்தின் 18A பிளாக்கில் எட்டு தொழிலாளர்கள் நேற்று மாலை பணிபுரிந்து கொண்டிருந்தனர். இரசாயனம் கலக்கும் செயல்முறை நடைபெற்றுக் கொண்டிருந்தபோது தற்செயலாக திடிரென வெடித்து சிதறியது. இதில் கட்டிடம் முழுவதும் இடிந்து விழுந்தது. இந்த விபத்தில், கேட்டபள்ளியைச் சேர்ந்த குணுகுந்த்லா சந்தீப் (30) மற்றும் மோட்டகொண்டூரைச் சேர்ந்த தேவிசரண் (20) ஆகியோர் கட்டிடத்தின் இடிபாடுகளுக்குள் சிக்கி சம்பவ இடத்திலேயே உயிரிழந்தனர். 

ஐதராபாத்தில் உள்ள யசோதா மருத்துவமனையில் சிகிச்சை பெற்று வந்த ஆத்மகூரைச் சேர்ந்த கலுவாலா நரேஷ் (30) உயிரிழந்தார். இந்த விபத்தில் வலிகொண்டா மண்டலம் புலிகில்லாவை சேர்ந்த புக்க லிங்கசாமி, மொடகொண்டூர் மண்டலம் சாடா கிராமத்தை சேர்ந்த ஸ்ரீகாந்த், யாதகிரிகுட்டா மண்டலம் கச்சரம் கிராமத்தை சேர்ந்த ஸ்ரீகாந்த், பெத்தகண்டுகுருவை சேர்ந்த மகேந்தர், மற்றொரு தொழிலாளி மகேஷ் ஆகியோர் பலத்த காயம் அடைந்தனர். இந்த வெடி விபத்தில் தீ பரவியதால் காயமடைந்தவர்களின் உடல்களை எரிந்ததால் அவர்கள் ஐதராபாத்தில் உள்ள யசோதா மற்றும் கஸ்தூரி மருத்துவமனைகளுக்கு கொண்டு செல்லப்பட்டனர்.  இந்த வெடி விபத்தில் ஏழு கிலோமீட்டர் தூரத்திற்கு அதிர்வுகளையும், பலத்த சத்தங்களையும் எழுப்பியதால் சுற்றியுள்ள கிராமங்களில் உள்ள மக்களை அதிர்ச்சிக்குள்ளாக்கியது. 

இதையும் படிங்க: இரவில் கேட்ட அதிபயங்கர சத்தம்.. அடுத்தடுத்து கேட்ட மரண ஓலம்.. நாட்டு வெடி தயாரித்தவரின் கதி..?

இதனால் நில அதிர்வு ஏற்பட்டதாக நினைத்து அவர்கள் பயந்து வீடுகளை விட்டு வெளியே ஓடினர்.  இந்த தகவல் அறிந்த இறந்த தொழிலாளர்களின் உறவினர்கள் மற்றும் கிராம மக்கள் தொழிற்சாலை முன்  போராட்டம் நடத்தினர். நிறுவன நிர்வாகத்தின் அலட்சியத்தால்தான் இவ்வளவு பெரிய விபத்து நிகழ்ந்ததாகக் கூறி அவர்கள் போராட்டம் நடத்தினர். தொழிலாளர்களின் பாதுகாப்பு குறித்து முன்னெச்சரிக்கைகள் எடுக்கப்படாததால் மூன்று பேர் இறந்ததாகவும், பலர் படுகாயமடைந்ததாகவும் அவர்கள் குற்றம் சாட்டினர். பாதிக்கப்பட்டவர்களின் குடும்பங்களுக்கு இழப்பீடு வழங்க வேண்டும் என்றும், குடும்பத்தில் ஒருவருக்கு வேலை வழங்க வேண்டும் என்றும் அவர்கள் கோரினர். 

இதனையடுத்து அங்கு வந்த அரசு கொறடாவும், ஆளேரு எம்எல்ஏவுமான பீர்லா அயிலையா, வெடிப்பு நடந்த இடத்தை ஆய்வு செய்து, விபத்து எப்படி நடந்தது என்பது குறித்து விசாரித்தார். வெடிவிபத்தில் இறந்தவர்களின் விவரங்கள் மற்றும் மருத்துவமனைகளில் சிகிச்சை பெற்று வரும் தொழிலாளர்களின் உடல்நிலை குறித்து விசாரித்து பாதிக்கப்பட்டவர்களின் குடும்பத்தினரை சந்தித்தார்.  தொழிலாளர்களின் பாதுகாப்பில் அலட்சியமாக இருந்ததற்காக நிறுவன நிர்வாகம் மீது நடவடிக்கை எடுக்கப்படும் என்று அவர் கூறினார். பாதிக்கப்பட்ட குடும்பங்களுக்கு நீதி வழங்கப்படுவதை உறுதி செய்வதற்காக, நிறுவன நிர்வாகத்துடன் பேச்சுவார்த்தை நடத்துவதாக அவர்கள் உறுதியளித்தனர்.

இதையும் படிங்க: 'அறிவாலய அடிமையாக' மாறிப்போன கோவன்... மேடையில் வக்கிரப்பேச்சு... சீல் பிடித்த சிவப்பு சிந்தனை..!