மத்திய உள்துறை அமைச்சரி அமித் ஷா 'தி நியூ இந்தியன் எக்ஸ்பிரஸ்' ஆங்கில நாளிதழுக்கு பேட்டி அளித்துள்ளார். அவரிடம், தமிழ்நாட்டின் மிகப்பெரிய பிரச்சினை என்ன? என எழுப்பப்பட்ட கேள்விக்கு மிக நீளமான ஊழல் பட்டியலை தெரிவித்திருக்கிறார். 

• ரூ.39,775 கோடி மதிப்புள்ள மதுபான ஊழலில் FL2 உரிமங்களில் முறைகேடுகள், பார் டெண்டர்கள், அதிக கட்டணம் வசூலித்தல், சட்டவிரோத விற்பனை மற்றும் பாட்டில் கொள்முதல் மோசடி ஆகியவை அடங்கும்.

• அனுமதிக்கப்பட்ட 4.9 ஹெக்டேருக்குப் பதிலாக 105 ஹெக்டேர் சுரண்டப்பட்டது. இது 30 மடங்கு அதிகம் ஆகும்.

• எரிசக்தி ஊழலில், திமுக வழங்கிய ஒப்பந்தங்கள் மூலம் ரூ.4,400 கோடி ஊழல் செய்யப்பட்டுள்ளது.

• எல்காட் ஊழலில் ரூ. 3,000 கோடி பொது நிறுவன பங்குகள் ஒரு தனியார் நிறுவனத்திற்கு மாற்றப்பட்டுள்ளது.

• போலி டேப் பொருத்துதல் சான்றிதழ்களில் ரூ.2,000 கோடி போக்குவரத்துத் துறை ஊழல்.

• பெண்களுக்கான ஊட்டச்சத்து கருவிகளை உண்மையான விலையை விட 4–5 மடங்கு விலையில் கொள்முதல் செய்து, தனியார் நிறுவனத்திற்கு சாதகமாக ரூ.450 கோடி தவறாகப் பயன்படுத்தப்பட்டுள்ளது.

• பொங்கல் பண்டிகையின் போது ஏழை மக்களுக்கு வழங்கப்படும் இலவச வேட்டி, சேலையில் கூட ரூ.60 கோடிக்கு முறைகேடு நடந்துள்ளது. 

• MGNREGA ஊழலில், ஒரு பயனாளி வீதம் ரூ.41,503 கையாடல் செய்யப்பட்டுள்ளது.

பின்னர், திமுகவில் கோஷ்டிகள் உள்ளன. தமிழ்நாட்டு அரசின் அதிகார மையம் தலைமை செயலகத்திற்கு வெளியே உள்ளது. சபரீசனா, மகனா, கனிமொழியா, இல்லை... வேறு யாராவதா - யாரை பின்பற்றுவது என்று திமுக தொண்டர்கள் மத்தியில் குழப்பம் உள்ளது. அதனால் தான் திமுக ஒன்றுமில்லாத பிரச்னைகளை உருவாக்க முயற்சி செய்து வருகிறது எனக்கூறியுள்ளார். 
 

இதையும் படிங்க: அமித் ஷா அவ்வளவு சொல்லியும் அடக்காத அண்ணாமலை... அப்செட்டில் நயினார் நாகேந்திரன்...! 

இதையும் படிங்க: "எந்த கொம்பனாலும் தடுத்து நிறுத்த முடியாது " - அமித் ஷாவுக்கு சவால் விட்ட அதிமுக முன்னாள் அமைச்சர்...!