நீயா நானா என பார்த்து விட வேண்டும் என்ற முடிவுக்கு வந்து விட்டேன், எல்லாம் தனக்கே வேண்டும் என அன்புமணி நினைப்பதாக ராமதாஸ் குற்றம்சாட்டி இருந்தார். என் கையை வைத்து நானே என் கண்ணை குத்திக்கொண்டேன், கழுத்தை பிடித்து தள்ளிவிட்டார்கள்., மானப்பங்கம் செய்துவிட்டார்கள் என்றும் சவுமியா அன்புமணியை கூட கடுமையாக விமர்சித்து இருந்தார் ராமதாஸ்.முயலுக்கு மூணு கால் என்று அன்புமணி வாதிட்டுக் கொண்டிருக்கிறார் என தெரிவித்தார்.

தேவையற்ற பொய்களை கூறி அன்புமணி மாவட்ட செயலாளர்களை மிரட்டியதாகவும், அன்புமணியின் மூன்றாண்டு பதவி காலம் முடிந்துவிட்ட நிலையில் பொதுக்குழுவை கூட்டும் அதிகாரம் தனக்கே உள்ளது என்றும் கூறினார். தானே பாட்டாளி மக்கள் கட்சியின் நிறுவனர் மற்றும் தலைவர் எனக் கூறிய ராமதாஸ், வாக்களிக்கும் மக்கள் தன் பக்கம் உள்ளதாகவும் 2026 சட்டமன்ற தேர்தல் கூட்டணி குறித்து தானே முடிவு செய்வேன் எனவும் கூறினார்.

ஐயா என கூறிக்கொண்டே தன்னை அவமானப்படுத்துவதாகவும் குலசாமி என கூறி நெஞ்சில் குத்துகின்றனர் எனவும் சொல்லி இருந்தார் ராமதாஸ். இந்த நிலையில், ராமதாசை அன்புமணி ஆதரவாளர்கள் கடுமையாக விமர்சித்து வருகின்றனர். பாமக நிறுவனர் ராமதாசுக்கு எதிராக அன்புமணி ஆதரவாளர்கள் சமூக வலைத்தளங்களில் கடும் விமர்சனங்களை முன்வைத்து வருகின்றனர். அன்புமணி மற்றும் அவரது மனைவி சௌமியா மீது ராமதாஸ் கடும் விமர்சனங்களை முன்வைத்த நிலையில் சமூக வலைத்தளங்களில் விமர்சனம் செய்து வருகின்றனர். 

இதையும் படிங்க: மாமான்னு சொன்னப்பவே, நான் ஏம்மா-னு கேட்டேன்! சௌமியாவை பந்தாடிய ராமதாஸ்..!

ராமதாசை சாமி என்று நினைத்தோம் இப்போதுதான் கல் என்று தெரிகிறது என அன்புமணி ஆதரவாளர்கள் கூறியுள்ளனர். அன்புமணி தான் பாமகவின் எதிர்காலம் என்றும் அவரது ஆதரவாளர்கள் திட்டவட்டமாக கூறி வருகின்றனர். நேற்று ராமதாஸ் அன்புமணியை கடுமையாக விமர்சித்த நிலையில், தற்போது அன்புமணியின் ஆதரவாளர்கள் ராமதாஸ் மீது அதிருப்தியின் வெளிப்படுத்தி வருகின்றனர். இது தந்தைக்கும் மகனுக்குமான உறவுக்கு இடையிலும் ஒற்றுமையாக இருக்கும் தொண்டர்கள் இடையிலும் பிளவை ஏற்படுத்தும் என சமூக ஆர்வலர்கள் கருதுகின்றனர்.

இதையும் படிங்க: என்னை நடைப்பிணமாக்கி என் பெயரில் நடை பயணம்! எல்லாமே நாடகம்... மனம் நொந்து பேசிய ராமதாஸ்!