வேலூர் மாவட்டம் பேரணாம்பட்டு பகுதியில் போதிய வசதிகள் இல்லாமல் அங்கன்வாடி மையம் ஒன்று இயங்கி வருவதாக தமிழக பாஜக முன்னாள் தலைவர் அண்ணாமலை தெரிவித்துள்ளார். தனியாருக்கு சொந்தமான வீட்டின் கட்டிடத்தில் 5 ஆண்டுகளாக இயங்கி வரும் அங்கன்வாடி மையத்தில் 30க்கும் மேற்பட்ட குழந்தைகள் படித்து வருவதாகவும் நேற்று பெய்த கனமழை காரணமாக இந்த கட்டடத்தின் ஒரு பகுதி சுவர் இடிந்து விழுந்துள்ளதாகவும், குழந்தைகள் யாரும் இல்லை என்பதால் அதிர்ஷ்டவசமாக அசம்பாவிதம் தவிர்க்கப்பட்டதாகவும் தெரிவித்தார்.

தமிழகம் முழுவதும், 7,441 அங்கன்வாடி மையங்கள், தனியாருக்குச் சொந்தமான கட்டிடங்களில் இயங்கி வருவதாக தெரிவித்த அண்ணாமலை, அங்கன்வாடி மையங்களுக்குச் சொந்தக் கட்டிடம் கட்ட, தமிழக மக்கள் பலமுறை கோரிக்கை விடுத்தும், திமுக அரசு எந்த நடவடிக்கையும் எடுக்காமல் இருப்பதாக குற்றம் சாட்டினார். தனியார் கட்டிடங்களில் இது போல விபத்துகள் நேரிடும்போது, குழந்தைகளின் பாதுகாப்புக்கு யார் பொறுப்பு என்றும் கேள்வி எழுப்பினார். 

ஊர் ஊராகச் சென்று, தனது தந்தையின் சிலையை வைக்கத் தெரிந்த முதலமைச்சர் ஸ்டாலினுக்கு நமது குழந்தைகளுக்கு அடிப்படைக் கல்வி வழங்கும் அங்கன்வாடி கட்டிடங்கள் கட்ட ஏன் மனம் வரவில்லை என்றும் வீண் விளம்பரங்களுக்காகச் செலவிடவா மக்கள் வரிப்பணம் எனவும் சரமாரியாக கேள்விகளை முன் வைத்தார்.

இதையும் படிங்க: அடுத்த முதல்வர் இபிஎஸ்! வாங்க உழைக்கலாம்.. பூத் கமிட்டி மாநாட்டில் அண்ணாமலை சூளுரை..!

 கல்வித் துறையில் தனியார்மயத்தை ஊக்குவித்து, தனியார் பள்ளிகள் நடத்தும் திமுகவினர் சம்பாதிக்க வேண்டும் என்பதற்காகவே, தமிழக சமூக நலத்துறையும், பள்ளிக் கல்வித்துறையும் இயங்கிக் கொண்டிருப்பதாக குற்றம் சாட்டினார். எனவே தமிழக முழுவதும் தனியார் கட்டிடங்களில் செயல்படும் அங்கன்வாடி மையங்களுக்கு சொந்த கட்டிடம் அமைக்க நிதி ஒதுக்க வேண்டும் என்றும் திமுகவினர் சம்பாதிக்க ஏழை எளிய குடும்பத்தைச் சேர்ந்த குழந்தைகளின் பாதுகாப்பை புறக்கணிக்க கூடாது என்றும் தெரிவித்தார். 

இதையும் படிங்க: தரங்கெட்ட அரசியல்! இதையே உங்களுக்கு பண்ணா மூஞ்ச எங்க வெச்சுப்பீங்க ஸ்டாலின்? அண்ணாமலை சாடல்..!