தமிழகத்தில் கொலை, பாலியல் வன்கொடுமை குற்றங்கள் தொடர்பாக திமுக அரசு அதிகாரிகளை முன்னிலைப்படுத்தி முதல்வர் ஸ்டாலின் ஏன் பின்னால் மறைந்து கொள்கிறார்? என்று தமிழக பாஜக முன்னாள் தலைவர் அண்ணாமலை கடுமையாக விமர்சித்துள்ளார். தமிழக மக்களுக்கு நேர்மையான விளக்கம் அளிக்க வேண்டியது முதல்வரின் பொறுப்பு என்றும் அவர் வலியுறுத்தியுள்ளார்.

நேற்று (மார்ச் 12, 2026) தமிழக உள்துறை செயலாளர் உள்ளிட்ட அதிகாரிகள் நடத்திய செய்தியாளர் சந்திப்பில், 2024 மற்றும் 2025 ஆண்டுகளுக்கான கொலை மற்றும் பாலியல் வன்கொடுமை குற்றங்களின் புள்ளிவிவரங்களை வெளியிட்டனர். இதில், கொலைகள் குறைந்துள்ளதாகவும், சட்டம் ஒழுங்கு சிறப்பாக உள்ளதாகவும் தெரிவிக்கப்பட்டது. ஆனால், இந்த புள்ளிவிவரங்களை நம்ப முடியாது என்று அண்ணாமலை குற்றம்சாட்டியுள்ளார்.

அவர் கூறியதாவது: NCRB (தேசிய குற்ற ஆவணங்கள் பதிவகம்) 2021ஆம் ஆண்டு வெளியிட்ட அதிகாரப்பூர்வ அறிக்கையின்படி, தமிழகத்தில் 1,686 கொலை வழக்குகள் பதிவாகியுள்ளன. ஆனால், நேற்று உள்துறை செயலாளர் கூறியபடி, 2021இல் கொலைகள் 1,597 மட்டுமே என்று குறைத்துக் காட்டப்பட்டுள்ளது. 

இதையும் படிங்க: கொஞ்சம் கூட கூச்சமே இல்லைல! சொந்தமா யோசிச்சிருக்கலாம்! திமுக, முதல்வர் ஸ்டாலினை வச்சு செய்யும் அண்ணாமலை!

ஏற்கனவே தேசிய அளவில் வெளியான NCRB தரவுகளை திமுக அரசே மாற்றிக் கூறுகிறது என்றால், இன்னும் உத்தியோகபூர்வமாக வெளியிடப்படாத 2024 மற்றும் 2025ஆம் ஆண்டுகளின் புள்ளிவிவரங்களை எப்படி நம்புவது? என்று அவர் கேள்வி எழுப்பியுள்ளார்.

மேலும், உள்துறை மற்றும் காவல்துறையை நேரடியாக கையாளும் முதல்வர் எம்.கே. ஸ்டாலின் ஏன் இத்தகைய முக்கிய விவகாரங்களில் அதிகாரிகளை முன்னுக்கு தள்ளி, தாமே பின்னால் மறைந்து கொள்கிறார்? என்றும் அண்ணாமலை கேள்வி எழுப்பியுள்ளார். "இந்த முக்கியமான விஷயங்களுக்கு பதில் சொல்ல வேண்டியது அதிகாரிகள் அல்ல, முதல்வர் தான். தமிழக மக்களுக்கு நேர்மையான விளக்கம் அளிப்பது அவருடைய கடமை" என்று அவர் வலியுறுத்தியுள்ளார்.

தமிழகத்தில் சமீப காலமாக கொலை, பாலியல் வன்கொடுமை போன்ற குற்றங்கள் தொடர்பான செய்திகள் அதிகரித்து வரும் நிலையில், அரசின் புள்ளிவிவரங்கள் மீது எழுந்துள்ள சந்தேகங்கள் அரசியல் விவாதத்தை தீவிரப்படுத்தியுள்ளன. அண்ணாமலையின் இந்த கண்டனம் சமூக வலைதளங்களில் பெரும் பரபரப்பை ஏற்படுத்தியுள்ளது.
 

இதையும் படிங்க: பாமக ராமலிங்கம் கொலை வழக்கு! NIA அதிரடி!! யார் இந்த இம்தத்துல்லா? வெளியான பகீர்?!