அமெரிக்காவின் வலதுசாரி ஆர்வலர், டிரம்ப் ஆதரவாளர் சார்லி கிர்க், யூட்டா பல்கலைக்கழக நிகழ்ச்சியில் பேசிக் கொண்டிருந்தபோது சுட்டுக் கொல்லப்பட்ட சம்பவம், அரசியல் வன்முறையின் புதிய உச்சத்தை அடைந்துள்ளது. 31 வயது கிர்க், செப்டம்பர் 10 அன்று யூட்டா வேலி பல்கலைக்கழகத்தில் (UVU) "புரூவ் மி ராங்" என்ற விவாத நிகழ்ச்சியில் பேசும்போது, 150 யார்டுகள் தொலைவில் இருந்து ஒரே குலி தாக்குதலுக்கு இலக்கானார். 

கழுத்தில் பாதிக்கப்பட்ட அவர், உடனடியாக இறந்தார். நிகழ்ச்சியில் 3,000-க்கும் மேற்பட்டோர் இருந்தபோது இது நடந்தது. போலீஸ் வெளியிட்ட புகைப்படத்திற்குப் பிறகு மூன்று நாட்களுக்குப் பிறகு, 22 வயது டைலர் ராபின்சன் (Tyler Robinson) என்ற வாலிபர் கைது செய்யப்பட்டுள்ளார். அவரது குடும்பத்தினர் மற்றும் நண்பர்கள் உதவியால் இந்த கைது நடந்ததாக யூட்டா போலீஸ் தெரிவித்துள்ளது.

ராபின்சன், வாஷிங்டன் கவுண்டி, யூட்டாவைச் சேர்ந்தவர். அவர் எந்த கட்சி அல்லது அமைப்பையும் சேர்ந்தவர் இல்லை என்று போலீஸ் தெரிவித்துள்ளது. ஆனால், பாசிசத்தை எதிர்க்கும் குழுவில் (anti-fascist group) ஈடுபட்டிருந்ததாகவும், கிர்க்கின் வலதுசாரி கருத்துகளுக்கு எதிரான வெறுப்பு இந்த கொலையின் காரணமாக இருக்கலாம் என்றும் விசாரணையில் தெரியவந்துள்ளது. 

இதையும் படிங்க: இவன் தான் கொலைக் குற்றவாளி!! சார்லி கிர்க்கை சுட்டுக் கொன்றவன்! FBI அறிவிப்பு!

 கிர்க், டர்னிங் பாயிண்ட் USA (TPUSA) அமைப்பின் இணை நிறுவனர். அவர் டிரம்பின் "மேக் அமெரிக்கா கிரேட் அகெயின்" இயக்கத்தின் முக்கிய பேச்சாளர். அவரது போல்ட்-அக்ஷன் ரைஃபிள் (Mauser bolt-action) மீட்கப்பட்டுள்ளது. அதன் ஷெல் கேசிங்குகளில் "Hey Fascist!" போன்ற பாசிசம் எதிரான சின்னங்கள், பாடல் வரிகள் பொறிக்கப்பட்டிருந்தன. ராபின்சன், டிஸ்கார்ட் ஆப்பில் "ரைஃபிளை டிராப் பாயிண்ட் இருந்து எடுக்க வேண்டும்" என்ற செய்திகளை அனுப்பியதாகவும் தெரியவந்துள்ளது. 

கைது, ராபின்சனின் தந்தை மேத்தியூ கார்ல் ராபின்சன் மூலம் நடந்தது. அவர் போலீஸ் வெளியிட்ட புகைப்படத்தை பார்த்து, மகனிடம் கேட்டதும், அவர் குற்றத்தை ஒப்புக்கொண்டதாக யூட்டா கவர்னர் ஸ்பென்சர் காக்ஸ் தெரிவித்தார்.  ராபின்சனின் குடும்ப நண்பர், போலீஸுக்கு தகவல் கொடுத்தார். அவர் வாஷிங்டன் கவுண்டி சிறையில், ஜாமீனின்றி அடைக்கப்பட்டுள்ளார். குற்றச்சாட்டுகள்: aggravated murder, felony discharge of firearm causing serious injury, obstruction of justice. செப்டம்பர் 16 அன்று முதல் நீதிமன்ற விசாரணை. 

ராபின்சன், டிக்ஸி டெக்னிக்கல் காலேஜில் மூன்றாம் ஆண்டு மின்சாரப் பயிற்சி மாணவர். 2021-ல் யூட்டா ஸ்டேட் யூனிவர்சிட்டியில் ஒரு செமஸ்டர் படித்து விட்டு விட்டார். உயர்நிலைப் பள்ளியில் 99% ஸ்கோர் பெற்ற ஸ்காலர்ஷிப் வின்னர். அவரது குடும்பம், ஜீசஸ் கிறிஸ்ட் ஆஃப் லேட்டர்-டே செயின்ட்ஸ் சர்ச் உறுப்பினர். தந்தை, தாய் ரிபப்ளிகன் கட்சி உறுப்பினர்கள். ராபின்சன், வாக்குரிமை பெற்றவர் ஆனால், 2024 தேர்தலில் வாக்கு போடவில்லை. 

 அவர் சமீபத்தில் "மிகவும் அரசியல்மயமாக" மாறியதாக குடும்ப உறுப்பினர்கள் கூறியுள்ளனர். கிர்க்கின் நிகழ்ச்சி பற்றி விவாதித்தபோது, "அவரது கருத்துகளை வெறுக்கிறோம்" என்று சொன்னதாக போலீஸ் அறிக்கை. FBI, 7,000-க்கும் மேற்பட்ட டிப்ஸ் பெற்றது. கிர்க்கின் மனைவி எரிகா கிர்க், "அவரது கொலையாளியை பிடித்த போலீஸுக்கு நன்றி" என்று கூறினார். அவர்களுக்கு இரு சிறு குழந்தைகள். டிரம்ப், "ரேடிகல் லெஃப்ட் போலிடிக்கல் வயலன்ஸ்" என்று கண்டித்தார். 

 யூட்டா கவர்னர் காக்ஸ், "இது அரசியல் கொலை" என்று கூறினார். TPUSA, கிர்க்கின் பாரம்பரியத்தை தொடரும் என்று அறிவித்தது. இந்த சம்பவம், அமெரிக்காவில் அரசியல் வன்முறையை அதிகரிக்கலாம் என்ற அச்சத்தை ஏற்படுத்தியுள்ளது. விசாரணை தொடர்கிறது.

இதையும் படிங்க: இஸ்ரேல் நடத்திய வான்வழி தாக்குதல்!! தரைமட்டமான ஹவுதி கிளர்ச்சியாளர்கள் குடியிருப்புகள்!!