முன்னாள் சபாநாயகர் அப்பாவு திமுக ஆட்சியைக் கடுமையாக விமர்சித்துள்ளார். தவெக ஆட்சி அமைய வாக்களித்த மக்கள் தற்போது பெரும் துன்பங்களை அனுபவித்து வருவதாக அவர் குறிப்பிட்டார். மின்சாரம் இல்லாத நிலையும் மின் கட்டணக் கொள்ளையும் தொடர்கின்றன என்றும், ஆவின் பால் கிடைக்காததால் மக்கள் அவதிப்படுவதாகவும் பால் விலை உயர்வு ஏற்பட்டுள்ளதாகவும் அவர் தெரிவித்தார். குடிக்க தண்ணீர் இல்லாத நிலையில் குடிநீர் வழங்கல் துறை தனியாருக்கு தாரை வார்க்கப்பட்டுள்ளதாக அவர் குற்றம்சாட்டினார்.

பரந்தூர் விமான நிலையத் திட்டம் ரத்து செய்யப்பட்ட நிலையில் சென்னை விமான நிலையம் பல கோடி ரூபாய்க்கு அதானிக்கு விற்கப்பட்டுள்ளதாக அப்பாவு கூறினார். தமிழ்நாட்டின் கனிம வளங்கள் ஆந்திரா ரெட்டி கும்பலிடம் பல கோடிக்கு விற்பனை செய்யப்பட்டுள்ளதாகவும், தமிழ்நாட்டில் ஓட்டுநர்கள் மற்றும் நடத்துனர்களுக்கு வேலை இல்லாத நிலையில் வட மாநிலத்தவருக்கு வேலை விற்பனை நடைபெறுவதாகவும் அவர் சுட்டிக்காட்டினார். இதுதான் உங்கள் ஆட்சியின் லட்சணமா என்று முதலமைச்சரை நேரடியாகக் கேள்வி எழுப்பினார்.

ஊழலற்ற ஆட்சி என்று தம்பட்டம் அடிக்கும் முதலமைச்சர், ஆட்சி அமைக்க ஆதரவு அளித்த எம்.எல்.ஏ.க்களுக்கு பல நூறு கோடி ரூபாய் எங்கிருந்து வந்தது என்று கேட்டார். திமுக ஆட்சியில் கஜானா காலி, பத்து லட்சம் கோடி ரூபாய் கடன் என்று குற்றம்சாட்டும் முதலமைச்சருக்கு மக்கள் வரிப்பணத்தில் பல கோடி ரூபாய் செலவில் சொகுசு அறை தேவையா என்றும், காவேரிக்கு தண்ணீர் வாங்க துப்பில்லாத நிலையில் மேட்டூர் அணை திறக்க மக்கள் வரிப்பணத்தில் ஆறு கோடி ரூபாய் ஆடம்பரச் செலவு தேவையா என்றும் அவர் வினவினார். இத்தனையும் செய்துகொண்டே புனிதர், புத்தர், காந்தி ஆட்சி என்று சொல்லிக்கொள்ள வெட்கமாக இல்லையா என்று முதலமைச்சரைச் சாடினார்.

இதையும் படிங்க: வெளிநாட்டு மது விற்கலாம்... "கள்" இறக்க கூடாதா..! என்ன நியாயம் CM..? சீமான் கேள்வி.!

சினிமாவில் மீனவ நண்பனாகத் தோன்றினாலும் நிஜத்தில் குமரி மாவட்ட மீனவ கிராமங்களில் கனிம வளம் எடுக்க கார்ப்பரேட்டுகளுக்கு அனுமதி அளிக்கப்பட்டுள்ளதாக அப்பாவு குறிப்பிட்டார். தமிழக மீனவர்களுக்கு எதிராக ஒன்றிய அரசு கொண்டுவந்த சாகர்மாலா திட்டத்திற்கு ஆதரவு தெரிவிக்கப்பட்டுள்ளதாகவும், தமிழக மீனவர்கள் சுருக்குமடி செல்ல அனுமதி மறுக்கப்பட்டுள்ளதாகவும் அவர் கூறினார். கம்பராமாயணத்தில் சீதை மாயமான் கேட்டது போல் பட்டினப்பாக்கத்தில் புதிய சட்டமன்றம் யாருக்காக எழுப்பப்படுகிறது என்று முதலமைச்சரிடம் கேள்வி எழுப்பினார்.

இதையும் படிங்க: தமிழக அமைச்சரவையில் மாற்றம் வருமா? முதல்வர் விஜய் தீவிர ஆலோசனை!! எகிறும் எதிர்பார்ப்பு!!