ஆபரேஷன் சிந்தூரில் ஜெய்ஷ்-இ-முகமது நிறுவனரும், புல்வாமா தாக்குதலுக்கு மூளையாக செயல்பட்ட மசூத் அசாரின் 14 குடும்ப உறுப்பினர்கள் கொல்லப்பட்டதாக வட்டாரங்கள் தெரிவிக்கின்றன.

‘ஆபரேஷன் சிந்தூர்’ திட்டத்தின் கீழ், இந்திய விமானப்படை அதிகாலையில் பாகிஸ்தான், பாகிஸ்தான் ஆக்கிரமிப்பு காஷ்மீரில் அமைந்துள்ள ஒன்பது மறைவிடங்களில் இரவு நேர சோதனைகளை நடத்தி, தடைசெய்யப்பட்ட ஜெய்ஷ்-இ-முகமதுவின் பயங்கரவாத தலைமையகமான லஷ்கர்-இ-தொய்பாவை குறிவைத்தது. இந்திய ஆயுதப்படைகள் பயங்கரவாத இலக்குகள் மீது ஏவுகணைத் தாக்குதல்களை நடத்தின. அவற்றில் ஜெய்ஷ்-இ-முகமது கோட்டையான பஹாவல்பூர், முரிட்கேயில் உள்ள லஷ்கர்-இ-தொய்பாவின் தளம் ஆகியவை அடங்கும்.

இதையும் படிங்க: அசாதாரண சூழலில் மத்திய அமைச்சரவை கூட்டம்... 2035இல் இது நடக்கும்... பிரதமர் மோடி உறுதி

பல்வேறு அறிக்கைகளின்படி, பாகிஸ்தான் மற்றும் பாகிஸ்தான் ஆக்கிரமிப்பு ஜம்மு-காஷ்மீரில் நடத்தப்பட்ட 25 நிமிட நடவடிக்கையில் ஜெய்ஷ்-இ-முகமது நிறுவனர் மசூத் அசாரின் 14 குடும்ப உறுப்பினர்களை இந்தியப் படைகள் கொன்றதாக கூறப்படுகிறது.

ஆபரேஷன் சிந்தூரில் கொல்லப்பட்டவர்களில் மசூத் அசாரின் சகோதரரின் மகனும், இந்தியாவின் மிகவும் தேடப்படும் பயங்கரவாதியுமான ரவூப் அஸ்கரும் அடங்குவர். அவர் படுகாயமடைந்ததாகக் கூறப்படுகிறது.

பயங்கரவாதி காரி முகமது இக்பாலும் இதில் கொல்லப்பட்டுள்ளார். இந்த பயங்கரவாதி பட்டியலில் சேர்க்கப்பட்டுள்ளார். அவர் ஜெய்ஷ்-இ-முகமதுவின் பெரிய தளபதியாக இருந்தார்.

இதில் பயங்கரவாதிகளின் பயிற்சி முகாம்கள், அவர்களின் வீடுகள் மற்றும் அவர்களின் தலைமையகம் ஆகியவை அடங்கும். 1999 காந்தஹார் விமானக் கடத்தல் சம்பவத்திற்குப் பிறகு பயணிகளை விடுவிப்பதற்காக விடுவிக்கப்பட்ட அதே பயங்கரவாதி மசூத் அசார் தான். அவர் ஜெய்ஷ்-இ-முகமது என்ற பயங்கரவாத அமைப்பின் தலைவர். 2019 ஆம் ஆண்டு புல்வாமாவில் சிஆர்பிஎஃப் வாகனத் தொடரணி மீது பயங்கரவாதத் தாக்குதல் நடத்தியது. அந்தத் தாக்குதலில் 40 வீரர்கள் வீரமரணம் அடைந்தனர்.இது தவிர, நாட்டில் பல பயங்கரவாதத் தாக்குதல்களை அவர் நடத்தியுள்ளார்.

இதையும் படிங்க: பாக்.,ஐ துவம்சம் செய்த 2 பெண் அதிகாரிகள்..! இந்தியாவின் பெருமை... வீரதீர சோபியா குரேஷி..!