கன்னியாகுமரி மாவட்டம்  செல்லங்கோணம் பகுதியில் அரசு தொடக்கப்பள்ளியில், 5ம் வகுப்பு மாணவர்களைக் கொண்டு தலைமை ஆசிரியை தனது கால்களைத் பிடித்துவிட செய்ததோடு, கழிவறையையும் சுத்தம்செய்யச் சொல்லி கட்டாயப்படுத்தியதாக தலைமை ஆசிரியை மீது பெற்றோர்  புகார் கூறியுள்ள சம்பவம்  பரபரப்பை ஏற்படுத்தியுள்ளது.

கன்னியாகுமரி மாவட்டம் செல்லங்கோணம் பகுதியில்  அரசு தொடக்கப்பள்ளியில் 5 -ம் வகுப்பு பயிலும் மாணவர்களை, தலைமை ஆகிரியை தனது சுய வேலைகளுக்கு பயன்படுத்தியதாகக் கூறப்படுகிறது.குறிப்பாக, வகுப்பறையில் ஆசிரியை அமர்ந்திருக்கும் போது, மாணவர்களைத் தனது கால்களைத் பிடித்து விடுமாறு கட்டாயப்படுத்தியுள்ளார். மேலும்,பள்ளிவளாகத்தில் உள்ள கழிவறையையும் மாணவர்களைக் கொண்டு சுத்தம் செய்யவைத்துள்ளார் இந்தச் செயல்களை பற்றி வீட்டில் பெற்றோரிடம் தெரிவித்தால், கடுமையான தண்டனை வழங்கப்படும் என மாணவர்களை அந்த ஆசிரியை மிரட்டியதாகவும் தெரிகிறது. இதனால் பயந்துபோன மாணவர்கள் தொடர்ந்துவிசாரித்தபோது பள்ளிக்குச் செல்ல மறுத்துள்ளனர். 

பெற்றோர்கள் தொடர்ந்து விசாரித்தபோதுதான்  பள்ளியில் நடக்கும் இந்த அதிர்ச்சி உண்மைகள்.இது குறித்து பாதிக் கப்பட்ட மாணவர்களின் பெற்றோர்கள் பள்ளிக்குச் சென்று சம்பந்தப்பட்ட தலைமை ஆசிரியையிடம் நேரடியாகக் கேள்வி எழுப்பினர், அப்போது பிஞ்சுப் பிள்ளைகளைக் கொண்டு காலை பிடிக்க வைக்க உங்களுக்கு எப்படி மனசு வந்தது என்று பெற்றோர் ஆவேசமாகக் கேட்டனர். அதற்கு அந்த ஆசிரியை முன்னுக்குப் பின் முரணான பதில்களைக் கூறி மழுப்புகிறார்.

இதையும் படிங்க: ஜோசியம் பார்த்து மஞ்சள் துண்டு போட்டதெல்லாம் தமிழ்நாடு பார்த்திடுச்சு..! உதயநிதிக்கு அமைச்சர் நிர்மல் பதிலடி.!

அந்த மாணவன் தானாகவே வந்தான் என தலைமை ஆசிரியை கூற,பெற்றோரோ 'குழந்தைகள் பயந்து போய் பள்ளிக்கு வரமாட்டேன்என் கிறார்கள்' எனத் தனது குமுறலை வெளிப்படுத்துகிறார். பின்னர் தலைமை ஆசிரியை தனது செயலுக்கு வருத்தமும் தெரிவிக்கிறார். இது தொடர் பான விடியோ சமூகவலைதளங்களிலும் பரவி வருகிறது. 

இந்தச் சம்பவம் தொடர் பாகப் பெற்றோர்கள் ஒன்றி ணைந்து பள்ளி கல்வித்துறை அமைச்சருக்குப் புகார் கடிதம் அனுப்பியுள்ளனர், இது குறித்து கல்வித்துறை அதிகாரிகள் விசாரணை நடத்தி, சம்பந்தப்பட்ட தலைமை ஆசிரியை மீது கடுமையான நடவடிக்கை எடுக்கவேண்டும் எனச்சமூக ஆர்வலர்கள் கோரிக்கை விடுத்துள்ளனர்.

இதையும் படிங்க: ஸ்மைல் ப்ளீஸ் நண்பா!! போட்டோகிராஃபர்களை வீடியோ எடுத்து மகிழ்ந்த முதலமைச்சர் விஜய்! சட்டசபையில் சுவாரஸ்யம்!