ஜம்மு-காஷ்மீரில் உள்ள புனித வைஷ்ணவ தேவி கோயிலுக்கு செல்லும் பாதையில் ஏற்பட்ட நிலச்சரிவு, ஒரு குடும்பத்தையும், ஒரு பள்ளியையும் சோகத்தில் ஆழ்த்தியிருக்கு. காலை 8:30 மணி அளவில், கட்ரா நகரில் பெய்த கனமழை காரணமாக, பான் கங்கா பகுதியில் உள்ள குல்ஷன் கா லங்கர் அருகே, வைஷ்ணவ தேவி கோயிலுக்கு செல்லும் பழைய பாதையில் பயங்கரமான நிலச்சரிவு ஏற்பட்டது.

இந்த சம்பவத்தில், தமிழ்நாட்டைச் சேர்ந்த பக்தர் குப்பன் ஸ்ரீனிவாசன் (58) உயிரிழந்தார். அவரோட மனைவி மஞ்சுளா (54), கடுமையான காயங்களோடு கட்ராவில் உள்ள நாராயண மருத்துவமனையில் அனுமதிக்கப்பட்டு, தீவிர சிகிச்சை பெற்று வராரு. இந்த சோக சம்பவம், தமிழக பக்தர்களிடையே பெரும் அதிர்ச்சியை ஏற்படுத்தியிருக்கு.

நிலச்சரிவு நடந்த இடம், வைஷ்ணவ தேவி கோயிலுக்கு செல்லும் பக்தர்கள் பயன்படுத்துற முக்கியமான பழைய பாதையில், பான் கங்கா பகுதியில் இருக்கு. இங்க பொதுவா குதிரை ஓட்டுநர்களும், பக்தர்களும் கூடுற இடம். கனமழையால் தூண்டப்பட்ட இந்த நிலச்சரிவு, ஒரு மேற்கூரை இரும்பு கட்டமைப்பை இடிச்சு, அங்க இருந்த பக்தர்கள் மேல விழுந்திருக்கு.

இதையும் படிங்க: ஜம்மு காஷ்மீருக்கு மாநில அந்தஸ்து? பிரதமர் மோடிக்கு செக் வைக்கும் ராகுல்காந்தி!!

குப்பன் ஸ்ரீனிவாசன், தன்னோட மனைவியோட சென்னையில் இருந்து வைஷ்ணவ தேவி கோயிலுக்கு புனித யாத்திரைக்கு வந்தவர். இந்த சம்பவத்துல மொத்தம் 10 பேர் காயமடைஞ்சாங்க, இதுல மூணு பேர் மிகவும் கவலைக்கிடமா இருக்காங்க. மீட்பு குழுவினர் உடனடியா செயல்பட்டு, காயமடைஞ்சவங்களை மருத்துவமனைக்கு கொண்டு போனாங்க.

இந்த சம்பவத்துக்கு ஜம்மு-காஷ்மீர் துணைநிலை ஆளுநர் மனோஜ் சின்ஹா, “இந்த துயர சம்பவம் மனசை உலுக்குது. இறந்தவர் குடும்பத்துக்கு என் ஆழ்ந்த இரங்கல். காயமடைஞ்சவங்களுக்கு சிறந்த சிகிச்சை கொடுக்க வைஷ்ணவ தேவி ஷ்ரைன் போர்டுக்கு உத்தரவு பிறப்பிச்சிருக்கேன்,”னு X-ல தெரிவிச்சிருக்கார். யாத்திரை மதியம் 1 மணி வரை நிறுத்தப்பட்டு, பாதுகாப்பு காரணங்களுக்காக பக்தர்கள் மாற்று பாதையை பயன்படுத்த சொல்லப்பட்டிருக்கு.

இதே சமயத்தில், காஷ்மீரின் பைஞ்ச் கல்சைன் பகுதியில் மற்றொரு சோக சம்பவம் நடந்திருக்கு. கனமழையால் பாறை உருண்டு, ஒரு துவக்கப் பள்ளி மேல விழுந்ததில், 12 வயசு மாணவர் முகமது ஷபீர் உயிரிழந்தார். இந்த சம்பவம், பள்ளியில் படிக்கிற மற்ற மாணவர்களுக்கும், ஆசிரியர்களுக்கும் பெரும் அதிர்ச்சியை ஏற்படுத்தியிருக்கு.

பாறை விழுந்ததில் பள்ளி கட்டிடத்தின் ஒரு பகுதி முற்றிலுமா இடிஞ்சு, மாணவர் ஷபீர் சம்பவ இடத்திலேயே உயிரிழந்தார். மற்ற மாணவர்கள் பாதுகாப்பா மீட்கப்பட்டாலும், இந்த சம்பவம் அந்த கிராமத்தை சோகத்தில் ஆழ்த்தியிருக்கு. உள்ளூர் நிர்வாகம், இந்த சம்பவத்துக்கு காரணமான மழை மற்றும் பாறை உருளுதலை ஆய்வு செய்ய ஆரம்பிச்சிருக்கு. 

இந்த ரெண்டு சம்பவங்களும், காஷ்மீரில் தற்போது நிலவுற கனமழை மற்றும் இயற்கை பேரிடர்களால் ஏற்படுற ஆபத்தை உணர்த்துது. “எங்க குடும்பத்தோட பயணம் ஒரு மகிழ்ச்சியான பயணமா இருக்கணும்னு நினைச்சோம், ஆனா இப்படி ஒரு துயரம் நடக்கும்னு கனவுலயும் நினைக்கல,”னு குப்பனோட குடும்பத்தைச் சேர்ந்த ஒரு உறவினர் கண்ணீரோட சொல்லியிருக்கார். இந்த சோகங்கள், பக்தர்களையும், உள்ளூர் மக்களையும் மனவேதனையில் ஆழ்த்தியிருக்கு. 

இதையும் படிங்க: ஹர ஹர மகாதேவா! துவங்கியது அமர்நாத் யாத்திரை! பனி லிங்கம் தரிசனம் காண புறப்பட்ட பக்தர்கள்..!