கொல்கத்தா, இந்தியாவின் கலாச்சார மற்றும் விளையாட்டு தலைநகராக அறியப்படும் இந்த நகரம், இன்று உலக அளவிலான கால்பந்து ஐடன் லியோனல் மெஸ்ஸியின் வருகைக்காக மிகுந்த உற்சாகத்தில் துடிக்கிறது. 14 ஆண்டுகளுக்குப் பிறகு இந்த நகரத்தை மீண்டும் அடியும் மெஸ்ஸி, தனது 'GOAT Tour India 2025' பயணத்தின் முதல் கட்டமாக கொல்கத்தாவில் ஒரு சிறப்பு நிகழ்வில் பங்கேற்கிறார்.

இந்நிகழ்வின் முக்கிய அம்சமாக, உலகின் மிகப்பெரிய மெஸ்ஸி உருவச்சிலையாக விளங்கும் 70 அடி உயரமுள்ள இரும்பு சிலை திறந்து வைக்கப்பட்டது.  லியோனல் மெஸ்ஸி இந்த சிலையை திறந்து வைத்தார். இந்த சிலை, கொல்கத்தாவின் லேக் டவுன் பகுதியில் உள்ள ஸ்ரீ பூமி ஸ்போர்டிங் கிளப்பின் அருகில் அமைந்துள்ளது. இது வெறும் சிலை மட்டுமல்ல. கொல்கத்தாவின் கால்பந்து ஆர்வலர்களின் அளவிட முடியாத அன்பையும், மெஸ்ஸியின் புகழையும் உருவகப்படுத்தும் ஒரு அழியாத குறியீடாக மாறியுள்ளது.

இந்த 70 அடி உயர சிலை, மெஸ்ஸியின் புகழ்பெற்ற 2022 கத்தாரில் நடைபெற்ற ஃபிஃபா உலகக் கோப்பை இறுதிப் போட்டியில் வென்ற தருணத்தை சித்தரிக்கிறது. சிலையில் மெஸ்ஸி உலகக் கோப்பை டிராஃபியை உயர்த்தி வைத்திருக்கும் காட்சி அழுத்தமாக பிரதிபலிக்கப்பட்டுள்ளது. இது மெஸ்ஸியின் உண்மையான உயரத்தை (5 அடி 7 அங்குலங்கள்) 13 மடங்கு பெருக்கிய அளவில் உருவாக்கப்பட்டது. 

இதையும் படிங்க: ஃபுட்பால் விளையாடினாரா அதிபர் டிரம்ப்..!! அதுவும் யார் கூட தெரியுமா..?? வைரலாகும் வீடியோ..!!

இது கொல்கத்தாவின் விளையாட்டு வரலாற்றின் ஒரு புதிய அத்தியாயத்தை தொடங்குகிறது. முந்தைய கால்பந்து லெஜண்டுகள் போன்ற டியாகோ மாரடோனா, ரொனால்டின்ஹோ மற்றும் எமிலியானோ மார்டினெஸ் ஆகியோருக்கான சிலைகளைப் போலவே, மெஸ்ஸிக்கான இந்த சிலை கிளப்பின் 'விளையாட்டு கோவில்' என்று அழைக்கப்படும் ஸ்ரீ பூமியின் பாரம்பரியத்தை தொடர்கிறது. நேரடியாக மெஸ்ஸி சிலையை திறந்து வைப்பார் என எதிர்பார்க்கப்பட்ட நிலையில் பாதுகாப்பு அச்சுறுத்தல் காரணமாக காணொளி வாயிலாக தனது சிலையை திறந்து வைத்துள்ளார்.

இதையும் படிங்க: கரூர் கொடுந்துயரம்!! விஜயிடம் விசாரிக்க சிபிஐ திட்டம்!! டெல்லியில் இருந்து பறக்கும் சம்மன்!