பாகிஸ்தான் தனது நடவடிக்கைகளை நிறுத்தத் தயாராக இல்லை. நேற்று இரவு, இந்தியாவைத் தாக்கும் முயற்சி தோல்வியடைந்தது. இந்தத் தாக்குதலுக்கு இந்தியா தகுந்த பதிலடி கொடுத்தது. இது முழு பாகிஸ்தானிலும் பீதியை ஏற்படுத்தியது. ஆனால் இரவில் தோற்கடிக்கப்பட்ட பிறகும், பாகிஸ்தான் பாடம் கற்றுகொளவில்லை. மீண்டும் காலையில் ட்ரோன்களை அனுப்பும் அசட்டு துணிச்சலைச் செய்துள்ளது.

வெள்ளிக்கிழமை காலை முதல் பாகிஸ்தான் மீண்டும் தனது தீய செயல்களைச் செய்யத் தொடங்கியது. பஞ்சாபின் அமிர்தசரஸில் அதிகாலையில் மீண்டும் வான்வழித் தாக்குதல் எச்சரிக்கை சைரன்கள் இயக்கப்பட்டுள்ளன. மக்கள் வீட்டிற்குள் இருக்குமாறு கேட்டுக் கொள்ளப்படுகிறார்கள். அமிர்தசரஸில் உள்ள காசா அருகே ட்ரோன்கள் காணப்பட்டதாகக் கூறப்படுகிறது. அங்கு ஒரு பாதுகாப்பு படை முகாம், ஒரு இராணுவத் தள முகாம் உள்ளது.

பாகிஸ்தான் அதிகாலை 4:00 மணிக்குப் பிறகு இரண்டாவது அலை ட்ரோன்களை அனுப்பியதாகவும், ஆனால் இந்திய வான் பாதுகாப்பு அமைப்பு பாகிஸ்தானின் அனைத்து ஏவுகணைகள், ட்ரோன்களையும் அழித்ததாகவும் பாதுகாப்பு வட்டாரங்கள் தெரிவித்தன. மீண்டும் ஒருமுறை பாகிஸ்தான் தோல்வியை சந்திக்க வேண்டியிருந்தது. அது இந்தியாவைத் தாக்கினால், இந்தியா பின்வாங்க முடியாது என்பதையும், அதற்கு வலுவான பதிலடி கொடுக்கும் என்பதையும் உணர்ந்துள்ளது.

இதையும் படிங்க: விடிய விடிய கேட்ட துப்பாக்கி சப்தம்.. தவிடு பொடியான பாக்., திட்டம்.. 50 ட்ரோன்களை வேட்டையாடிய இந்தியா..!

செவ்வாய்க்கிழமை இரவு பாகிஸ்தானுக்கு எதிராக இந்தியா ஆபரேஷன் சிந்தூர் தொடங்கியது. இந்த நடவடிக்கையால் பாகிஸ்தான் கோபமடைந்து, பீதியடைந்த நிலையில், முதல் நடவடிக்கை தொடங்கப்பட்ட சில மணி நேரங்களுக்குப் பிறகு பாகிஸ்தான் கட்டுப்பாட்டுக் கோட்டில் துப்பாக்கிச் சூடு நடத்தியது. இதன் பிறகு, வியாழக்கிழமை இரவு, ஜம்மு, பஞ்சாப் மற்றும் ராஜஸ்தானை ட்ரோன்கள் மற்றும் ஏவுகணைகள் மூலம் தாக்க பாகிஸ்தான் தோல்வியடைந்தது. ஒருபுறம், பாகிஸ்தான் ஏவிய ஏவுகணைகள், ட்ரோன்களை இந்தியா அழித்தது. மறுபுறம், பாகிஸ்தானுக்கு பாடம் கற்பிக்க இந்தியா உடனடியாக பதிலடி கொடுத்தது. பாகிஸ்தானின் பல பகுதிகளை இந்தியா ஏவுகணைகளால் தாக்கியது.

வியாழக்கிழமை பாகிஸ்தானின் தாக்குதலுக்கு பதிலளிக்கும் விதமாக, பாகிஸ்தானின் 8 நகரங்கள் மீது இந்தியா பதிலடி கொடுத்தது. இவற்றில் லாகூர், இஸ்லாமாபாத், கராச்சி, சியால்கோட், பஹாவல்பூர், பெஷாவர் ஆகியவை அடங்கும். இது தவிர, இந்திய ராணுவம் முசாபராபாத், போக்ரிதான் காஷ்மீரில் உள்ள கோட்லி ஆகிய இடங்களில் ஏவுகணைகளால் தாக்குதல் நடத்தியது. லாகூரில் இருந்த பாகிஸ்தான் வான் பாதுகாப்பு அமைப்பை இந்தியா முற்றிலுமாக அழித்தது. மூன்று படைகளும் இணைந்து பாகிஸ்தானுக்கு எதிராக ஒரு தாக்குதலை தொடங்கியது. பயங்கரவாதத்திற்கு எதிராக இந்தியா அமைதியாக இருக்காது என்று பாகிஸ்தானுக்கு எச்சரிக்கை விடுத்துள்ளது. 

இதையும் படிங்க: பாக்-ல் 35 நிமிடங்களில் கராச்சி முதல் கடல்வரை... பஸ்பமாக்கிய இந்திய ராணுவம்..!