நாட்டில் நடைபெறும் அனைத்து விதமான போட்டித் தேர்வுகளின் நம்பகத்தன்மை மற்றும் வெளிப்படைத்தன்மையை முழுமையாக உறுதி செய்யும் வகையில், முன்னணித் தொழில்நுட்ப நிபுணர் நந்தன் நிலேகனி தலைமையில் உயர்மட்டக் குழு அமைக்கப்பட்டுள்ளதாகப் பிரதமர் நரேந்திர மோடி சிறப்பு வீடியோ செய்தி மூலம் அதிகாரப்பூர்வமாகத் தெரிவித்துள்ளார்.

சமீபகாலமாக தேசிய அளவில் நடைபெறும் போட்டித் தேர்வுகளில் ஆள்மாறாட்டம், வினாத்தாள் கசிவு மற்றும் தொழில்நுட்பக் குளறுபடிகள் தொடர்பான புகார்கள் எழுந்து, நாடு முழுவதும் உள்ள லட்சக்கணக்கான தேர்வர்கள் மற்றும் மாணவர்களிடையே மாபெரும் கவலையை ஏற்படுத்தியிருந்தது. இதற்கு முற்றுப்புள்ளி வைக்கும் வகையில், மத்திய அரசு இந்த அதிரடி முடிவை எடுத்துள்ளது.

இது குறித்துத் தனது அதிகாரப்பூர்வ வீடியோ செய்தியில் உரையாற்றிய பிரதமர் நரேந்திர மோடி, "நாட்டின் இளைஞர்களின் திறமையும், அவர்களின் கடின உழைப்பும் வீணாகி விடக்கூடாது என்பதில் அரசு மிக உறுதியாக உள்ளது. போட்டித் தேர்வுகளின் முழு அமைப்பையும் மேலும் நவீனமயமாக்கவும், முறைகேடுகளைத் தடுக்க உயர் தொழில்நுட்பப் பாதுகாப்பு அம்சங்களைப் புகுத்தவும் இந்த உயர்மட்டக் குழு அமைக்கப்பட்டுள்ளது" எனக் குறிப்பிட்டுள்ளார்.

இதையும் படிங்க: "சிவகாசி பட்டாசு ஆலை வெடிவிபத்து!" - பலி எண்ணிக்கை 4 ஆக உயர்வு!

ஆதார் திட்டத்தின் முதன்மைச் சிற்பியும், நாட்டின் முன்னணித் தகவல் தொழில்நுட்ப வல்லுநருமான நந்தன் நிலேகனி தலைளமையிலான இந்தக் குழு, தேர்வு நடைமுறைகளில் டிஜிட்டல் தொழில்நுட்பத்தைப் பயன்படுத்துவது, வினாத்தாள் தயாரிப்பு முதல் தேர்வு முடிவுகள் வெளியீடு வரையிலான பாதுகாப்பை பலப்படுத்துவது மற்றும் எதிர்காலத்தில் எவ்விதக் குளறுபடிகளும் ஏற்படாத வண்ணம் தேசிய தேர்வு முகமையை (NTA) சீரமைப்பது உள்ளிட்ட முக்கிய விவகாரங்கள் குறித்து ஆய்வு செய்து, மத்திய அரசிடம் விரிவான பரிந்துரைகளைச் சமர்ப்பிக்கும் என எதிர்பார்க்கப்படுகிறது.

இதையும் படிங்க:  "பண்டிகை சீசனில் இதை மறக்காதீங்க!" - காதி, கைத்தறிப் பொருட்களை வாங்கப் பிரதமர் மோடி வேண்டுகோள்!