புதுடில்லியில் உள்ள பாரத் மண்டபத்தில் இன்று (பிப்ரவரி 16, 2026) மாலை 5 மணிக்கு பிரதமர் நரேந்திர மோடி 'இந்தியா AI இம்பாக்ட் சமிட் 2026' மற்றும் 'இந்தியா AI இம்பாக்ட் எக்ஸ்போ'வை தொடங்கி வைக்கிறார். 

இது 5 நாட்கள் (பிப்ரவரி 16-20) நடைபெறும் உலக அளவிலான மிகப்பெரிய AI உச்சிமாநாடு ஆகும். உலகின் முதல் 'க்ளோபல் சவுத்' நாட்டில் நடக்கும் இந்த நிகழ்வு, AI-ஐ மக்களுக்கான தாக்கத்தை உருவாக்கும் வகையில் மாற்றும் முக்கிய தருணமாக கருதப்படுகிறது.

பிரதமர் மோடி X-இல் வெளியிட்ட பதிவில், "உலகத் தலைவர்கள், தொழில்துறைத் தலைவர்கள், ஆராய்ச்சியாளர்கள், தொழில்நுட்ப ஆர்வலர்களை அன்புடன் வரவேற்கிறேன். AI சுகாதாரம், கல்வி, விவசாயம் உள்ளிட்ட துறைகளை மாற்றியமைத்து வருகிறது. இந்தியாவின் 140 கோடி மக்களுக்கு நன்றி. நமது நாடு AI-இல் முன்னணியில் உள்ளது" என்று கூறியுள்ளார்.

இதையும் படிங்க: பிரதமர் மோடி விவரமானவர்!! குறைச்சு மதிப்பிட கூடாது! பாஜகவுக்கு திடீர் பரிவு காட்டும் திமுக எம்.பி திருச்சி சிவா!!

இந்த உச்சிமாநாடு 'People, Planet, Progress' என்ற மூன்று அடிப்படை தூண்களை (சூத்திரங்கள்) மையமாகக் கொண்டுள்ளது. 'Sarvajana Hitaya, Sarvajana Sukhaya' (எல்லோருக்கும் நன்மை, எல்லோருக்கும் மகிழ்ச்சி) என்ற தீம் மூலம் AI-ஐ மனித மையப்படுத்தி, உள்ளடக்கிய வளர்ச்சி மற்றும் நிலைத்தன்மைக்காக பயன்படுத்த வேண்டும் என்பதை வலியுறுத்துகிறது.

Bringing the world together to discuss AI!

Starting today, India hosts the AI Impact Summit at Bharat Mandapam in Delhi. I warmly welcome world leaders, captains of industry, innovators, policymakers, researchers and tech enthusiasts from across the world for this Summit. The…

— Narendra Modi (@narendramodi) February 16, 2026

எக்ஸ்போவில் 300+ எக்ஸிபிட்டர்கள், 30+ நாடுகள், 10+ தீமாடிக் பேவிலியன்கள், 600+ ஸ்டார்ட்அப்கள், 13 நாடுகளின் பேவிலியன்கள் இடம்பெறும். லைவ் டெமோக்கள், ஆராய்ச்சி செமினார்கள், பாலிசி பேனல்கள் நடைபெறும். உலகத் தலைவர்கள்: பிரான்ஸ் அதிபர் இம்மானுவேல் மாக்ரான், பிரேசில் அதிபர் லுலா டா சில்வா உள்ளிட்ட 20 தலைவர்கள் பங்கேற்கின்றனர்.

டெக் ஜாம்பவான்கள்: OpenAI CEO சாம் ஆல்ட்மேன், Google CEO சுந்தர் பிச்சாய், DeepMind CEO டெமிஸ் ஹசாபிஸ், Anthropic CEO டாரியோ அமோடேய், Microsoft President பிராட் ஸ்மித், Qualcomm CEO கிறிஸ்டியானோ அமோன் ஆகியோர் கலந்து கொள்கின்றனர்.

இந்த நிகழ்வு AI-இன் பாதுகாப்பு, வேலைவாய்ப்பு இழப்பு, குழந்தைகள் பாதுகாப்பு, நெறிமுறை AI, க்ளோபல் சவுத்-க்கான AI அணுகல் போன்ற முக்கிய விவாதங்களை நடத்தும். உலக அளவில் AI ஆளுமைக்கு 'ரோட்மேப்' உருவாக்கும் நோக்கம் கொண்டுள்ளது.

இந்தியாவின் IndiaAI மிஷன், டிஜிட்டல் இந்தியா திட்டத்தின் கீழ் நடைபெறும் இது, இந்தியாவின் AI திறனை உலகுக்கு காட்டும் வாய்ப்பு. லட்சக்கணக்கான பார்வையாளர்கள், ஸ்டூடண்ட்கள், இன்னோவேட்டர்கள் பங்கேற்கின்றனர். AI-இன் எதிர்காலத்தை வடிவமைக்கும் இந்த உச்சிமாநாடு, இந்தியாவின் தொழில்நுட்ப தலைமையை உறுதிப்படுத்தும்!

இதையும் படிங்க: உயிர்தியாகம் செய்த துணிச்சலான வீரர்கள்!! தியாகத்தை பாராட்டிய பிரதமர் மோடி! புல்வாமா தாக்குதல் நினைவு நாள்!!