கத்தார் அமீர் பிரதமர் மோடியை தொலைபேசியில் தொடர்பு கொண்டு பயங்கரவாதத்திற்கு எதிரான போராட்டத்தில் இந்தியாவுக்கு முழு ஆதரவை அறிவித்தார்.
கத்தார் - இந்தியாவின் முக்கிய கூட்டாளிகளாக மாறிவிட்டது. பஹல்காம் பயங்கரவாத தாக்குதலுக்குப் பிறகு பாகிஸ்தானுடனான பதட்டங்கள் அதிகரித்து வரும் நிலையில், கத்தார் அமீர் இன்று பிரதமர் நரேந்திர மோடியுடன் பேசினார். இந்தியாவிற்கு தனது ஆதரவை வழங்கினார்.
இஸ்லாமிய ஒத்துழைப்பு அமைப்பின் உறுப்பினரான கத்தார், ஆரம்பத்தில் இந்த விஷயத்தில் சமநிலையான பார்வையை எடுத்தது. ஆனால் சில முஸ்லிம் நாடுகள் பாகிஸ்தானுக்கு ஆதரவாக அணிதிரண்டு வரும் நேரத்தில் இந்தியாவிற்கு கத்தாரின் ஆதரவு கிடைக்கிறது.
இதையும் படிங்க: மோடிக்கு இது முன்னாடியே தெரியும்! அதான் அவரு காஷ்மீர் போகல.. பாக்., தாக்குதல் குறித்து கொளுத்திப்போட்ட கார்கே!
பாகிஸ்தானுடனான அதிகரித்து வரும் பதட்டங்களுக்கு மத்தியில் இந்தியா எல்லைக் கட்டுப்பாட்டு பயங்கரவாதத்திற்கு எதிரான இந்தியாவின் போராட்டத்திற்கும், தாக்குதலில் ஈடுபட்டவர்களை நீதியின் முன் நிறுத்துவதற்கான அதன் நடவடிக்கைகளுக்கும் முழு ஆதரவை தெரிவித்ததாக செய்தித் தொடர்பாளர் ரந்தீர் ஜெய்ஸ்வால் தெரிவித்தார்.
ரந்தீர் ஜெய்ஸ்வால் தனது எக்ஸ் தளப்பதிவில் இது குறித்து, "இன்று பிரதமர் மோடி உடனான தொலைபேசி உரையாடலில், கத்தார் நாட்டின் அமீர் ஷேக் தமீம் பின் ஹமாத் அல்-தானி, இந்தியாவின் பஹல்காமில் நடந்த எல்லை தாண்டிய பயங்கரவாத தாக்குதலில் உயிர் இழந்த இந்திய மக்களுடன் இரங்கல், ஒற்றுமையைத் தெரிவித்தார். பயங்கரவாதத்திற்கு எதிரான இந்தியாவின் போராட்டத்திலும், குற்றவாளிகளை நீதியின் முன் நிறுத்துவதற்கான அதன் அனைத்து நடவடிக்கைகளிலும் அவர் முழு ஆதரவையும் தெரிவித்துள்ளார்'' எனக் கூறினார்.
மேலும் அவர், "ஒற்றுமை, ஆதரவின் தெளிவான தகவலுக்கு பிரதமர் ஷேக் தமீம் பின் ஹமாத் அல்-தானிக்கு நன்றி தெரிவித்தார். இந்த ஆண்டு தொடக்கத்தில் அமீரின் அரசு பயணத்தின் போது எடுக்கப்பட்ட முடிவுகளை செயல்படுத்தவும், முக்கிய கூட்டாண்மையை ஆழப்படுத்தவும் தங்கள் உறுதிப்பாட்டை இரு தலைவர்களும் மீண்டும் வலியுறுத்தினர்" எனவும் தெரிவித்துள்ளார்.
இதையும் படிங்க: பீகார் தேர்தலுக்காக இந்தியாவையே ஏமாற்றும் மோடி..! திமுறி அடிக்கும் திமுக..!