சேலம் ஆத்தூர் அருகே குடும்பத் தகராறு காரணமாக கோவிந்தராஜ் என்பவர் அடித்துக் கொலை செய்யப்பட்ட சம்பவம் அதிர்ச்சியை ஏற்படுத்தியுள்ளது.

ஆத்தூர் அருகே நெய்யமலை பகுதியைச் சேர்ந்த கோவிந்தராஜ் கொலை செய்யப்பட்ட நிலையில், இந்த சம்பவம் தொடர்பாக அவரது மனைவி, மகன், மாமனார் மற்றும் மனைவியின் சகோதரர் என நான்கு பேர் கைது செய்யப்பட்டுள்ளனர்.

கோவிந்தராஜை மரத்தில் கட்டி வைத்து அடித்துக் கொலை செய்ததாக குற்றச்சாட்டு எழுந்துள்ளது. பின்னர் அவரது உடலை வனப்பகுதியில் புதைத்ததாகவும் கூறப்படுகிறது.

இதையும் படிங்க: நள்ளிரவு வரை நீடித்த போராட்டம்... திமுகவுடன் கூட்டு சேர்ந்த விசிக... சேலம் மாநகராட்சி அலுவலகத்தில் நடந்தது என்ன?

இதையடுத்து போலீசார் புதைக்கப்பட்டிருந்த கோவிந்தராஜின் உடலை தோண்டி எடுத்து, இந்த கொலை சம்பவம் தொடர்பாக விசாரணை மேற்கொண்டு வருகின்றனர்.

குடும்பத் தகராறில் கணவன் கொலை செய்யப்பட்டதாக கூறப்படும் இந்த சம்பவத்தில், மனைவி, மகன் உட்பட நான்கு பேர் கைது செய்யப்பட்டிருப்பது பரபரப்பை ஏற்படுத்தியுள்ளது.

இதையும் படிங்க: அதிர வைக்கும் போக்சோ வழக்கு..! ஜெம் குழுமத்தை குறிவைத்து ரெய்டு..! சேலத்தில் அதிரடி சோதனை..!