பஞ்சாபின் மோகாவில் சிவசேனா தலைவர் பைக்கில் துரத்தப்பட்டு சுட்டுக் கொல்லப்பட்டார். நேற்று இரவு இந்த துணிகர சம்பவம் நடந்துள்ளது. சுட்டுக் கொல்லப்பட்ட 53 வயதான மங்கத்ராய் மங்கா சிவசேனா அமைப்பின் மாவட்டப் பிரிவுத் தலைவர் ஆவார். பால் வாங்கிக் கொண்டு இருந்தபோது இந்த சம்பவம்  நடந்துள்ளது.

இரவு 10 மணியளவில் அடையாளம் தெரியாத மூன்று நபர்கள் அவரை நோக்கிச் சுட்டனர். ஆனால் குறி தவறி 12 வயது சிறுவனைத் தோட்டா தாக்கியது. இது குறித்து போலீசார் கூறுகையில், தாக்குதல் நடத்தியவர்கள் துரத்தியதால் மங்கா உடனடியாக அந்தப் பகுதியை விட்டு இரு சக்கர வாகனத்தில் தப்பிச் சென்றார்.

பைக்கில் அவரை துரத்திச் சென்ற மர்ம நபர்கள் மீண்டும் மங்காவை நோக்கிச் சுட்டனர். வெற்றிகரமாக, தங்கள் திட்டத்தை நிறைவேற்றிவிட்டு அந்த இடத்தை விட்டு அவர்கள் தப்பி ஓடிவிட்டனர்.

இதையும் படிங்க: அமாவாசை...பேசுறது நீதானா ? லேசா எடுத்துக்காதீங்க என்னை..! பாஜகவை கடுமையாக எச்சரிக்கும் ஷிண்டே..!

உடனடியாக போலீஸ் மங்காவை மருத்துவமனைக்கு அழைத்துச் சென்றனர், அங்கு மருத்துவர்கள் அவரை பரிசோதித்து இறந்துவிட்டதாக அறிவித்தனர்.

காயமடைந்த சிறுவன் முதலில் மோகா சிவில் மருத்துவமனையில் அனுமதிக்கப்பட்டு, பின்னர் சிறந்த சிகிச்சைக்காக வேறு மருத்துவமனைக்கு பரிந்துரைக்கப்பட்டதாக அதிகாரி ஒருவர் தெரிவித்தார்.

வலதுசாரி குழுவான விஸ்வ இந்து சக்தியின் தேசியத் தலைவர் ஜோகிந்தர் சர்மா கூறுகையில், "சில குற்றவாளிகள் மங்காவை சுட்டுக் கொன்றதாக எங்களுக்குத் தகவல் கிடைத்ததும், நாங்கள் மருத்துவமனைக்குச் சென்றோம்" என்றார். வியாழக்கிழமை இரவு 8 மணியளவில் தனது தந்தை பால் குடிக்க வீட்டை விட்டு வெளியேறியதாக மங்காவின் மகள் தெரிவித்தார். 

"இரவு 11 மணியளவில் யாரோ ஒருவர் என் தந்தை சுட்டுக் கொல்லப்பட்டதாக எங்களுக்குத் தகவல் தெரிவித்தார். எங்களுக்கு நீதி வேண்டும், அதற்காக நாங்கள் செய்ய வேண்டிய அனைத்தையும் செய்வோம்" என்று அவர் கூறினார்.

மேலும் ஒரு இடத்தில் துப்பாக்கி சூடு!

இங்குள்ள மற்றொரு சம்பவத்தில், பாஜியானா பஸ்தியில் உள்ள ஒரு சலூனில் இரவு 9 மணியளவில் ஹேர்கட் செய்வதற்காக மூன்று மோட்டார் சைக்கிள் ஓட்டுநர்கள் உள்ளே நுழைந்து, உரிமையாளர் தேவேந்தர் குமார் மீது இரண்டு முறை துப்பாக்கிச் சூடு நடத்தினர். ஒரு குண்டு குமாரின் காலில் பாய்ந்தது, அவர் சிகிச்சைக்காக மோகா சிவில் மருத்துவமனைக்கு அனுப்பி வைக்கப்பட்டார். 

வியாழக்கிழமை இரவு இரண்டு இடங்களில் துப்பாக்கிச் சூடு நடந்ததாக நகர டிஎஸ்பி ரவீந்தர் சிங் தெரிவித்தார். மேலும் பாஜியானா பஸ்தியில் ஒரு சலூன் உரிமையாளர் காயமடைந்தார். மற்றொரு சம்பவத்தில், ஸ்டேடியம் சாலையில் மங்கத்ராய் மங்கா சுட்டுக் கொல்லப்பட்டார், மேலும் குற்றவாளிகள் துப்பாக்கிச் சூடு நடத்தியதில் 11 வயது சிறுவன் காயமடைந்தான். மங்காவின் உடல் சிவில் மருத்துவமனையின் பிணவறையில் வைக்கப்பட்டுள்ளது, மேலும் இந்த வழக்கில் விசாரணை தொடங்கப்பட்டுள்ளது" என்று அவர் தெரிவித்தார்.

இதையும் படிங்க: சிறுபான்மையினரை குறி வைத்து தாக்குகிறது பாஜக..! அகிலேஷ் ஆவேசம்..!