தமிழ்நாடு முதலமைச்சர் மு.க. ஸ்டாலின் அவர்கள் தமிழ்நாடு ஹஜ் இல்லம் கட்டுவதற்கான அறிவிப்பை 2025 மார்ச் மாதம் வெளியிட்டார். இது ஹஜ் புனிதப் பயணம் மேற்கொள்ளும் இஸ்லாமிய சகோதரர்களுக்கு மிகுந்த மகிழ்ச்சியை ஏற்படுத்திய ஒரு முக்கியமான அறிவிப்பாகும். நாகப்பட்டினம் மாவட்டத்தில் நடைபெற்ற அரசு விழாவில், பல்வேறு நலத்திட்டங்களை தொடங்கி வைத்து, புதிய திட்டங்களுக்கு அடிக்கல் நாட்டிய போது, முதலமைச்சர் இந்த அறிவிப்பை வெளியிட்டார்.

சென்னை விமான நிலையத்துக்கு அருகில் உள்ள நங்கநல்லூரில் ரூ.65 கோடி மதிப்பீட்டில் தமிழ்நாடு ஹஜ் இல்லம் அமைக்கப்படும் என்று அவர் தெரிவித்தார். இந்த இல்லம் ஹஜ் யாத்திரை செல்லும் பயணிகளுக்கு தங்குமிடம், ஓய்வு வசதி மற்றும் பயண ஏற்பாடுகளுக்கு உதவும் வகையில் வடிவமைக்கப்படும். தமிழ்நாட்டில் இதுவரை இல்லாத ஒரு முக்கியமான வசதியாக இது அமையும் என்று கூறப்படுகிறது.

இந்த அறிவிப்பு வெளியான உடன், தமிழ்நாடு மாநில ஹஜ் குழு உறுப்பினர்கள் முதலமைச்சரை நேரில் சந்தித்து நன்றி தெரிவித்தனர். ஹஜ் குழு தலைவர் பி. அப்துல் சமத் தலைமையிலான குழு, இந்த திட்டம் இஸ்லாமிய சமூகத்தினருக்கு பெரும் உதவியாக அமையும் என்று பாராட்டினர். முதலமைச்சர் இந்த திட்டத்தை அறிவித்தது, சிறுபான்மையினர் நலனில் அரசு கொண்டுள்ள அக்கறையை வெளிப்படுத்துவதாக அமைந்தது.தமிழ்நாடு அரசு, ஹஜ் யாத்திரையை எளிதாக்கும் வகையில் பல்வேறு நடவடிக்கைகளை தொடர்ந்து மேற்கொண்டு வருகிறது.

இதையும் படிங்க: மத்திய அரசுக்கு கெட்ட எண்ணம்... தமிழக வளர்ச்சியை தாங்கிக்க முடியல... விளாசிய R.S.பாரதி...!

இந்த ஹஜ் இல்லம் அமைவதன் மூலம், சென்னையிலிருந்து நேரடியாக விமானத்தில் புறப்படும் பயணிகளுக்கு வசதி அதிகரிக்கும். சென்னை விமான நிலையம் அருகே ஹஜ் இல்லத்திற்கு முதல்வர் மு.க.ஸ்டாலின் அடிக்கல் நாட்டினார். இந்த நிகழ்ச்சியில் துணை முதலமைச்சர் உதயநிதி ஸ்டாலின் கலந்து கொண்டார். தமிழ்நாடு ஹஜ் இல்லம் ரூ.39.20 கோடியில் 400 பேர் வரை தங்கும் வகையில் கட்டப்பட உள்ளது குறிப்பிடத்தக்கது.

இதையும் படிங்க: காந்தியடிகள் மீது பாஜக அரசுக்கு வன்மம்... முதல்வர் ஸ்டாலின் சரமாரி குற்றச்சாட்டு...!