தமிழக வெற்றிக் கழகத்தின் மூன்றாம் ஆண்டு தொடக்க விழா இன்று சென்னை பனையூரில் அமைந்துள்ள கட்சியின் தலைமை நிலையச் செயலகத்தில் மிகச் சிறப்பாக நடைபெற்று வருகிறது. இக்கட்சி 2024 பிப்ரவரி 2-ஆம் தேதி தொடங்கப்பட்டு, இன்று மூன்றாம் ஆண்டில் அடியெடுத்து வைத்திருக்கிறது. இந்த விழா கட்சியின் வளர்ச்சியையும், எதிர்கால அரசியல் இலக்குகளையும் உறுதிப்படுத்தும் முக்கியமான நிகழ்வாக அமைந்தது.

 தமிழக வெற்றிக் கழகத்தின் தலைவர் விஜய் கட்சிக் கொடியை ஏற்றி வைத்து விழாவைத் தொடங்கி வைத்தார். அதைத் தொடர்ந்து, கட்சியின் கொள்கை வழிகாட்டிகளான பெரியார், அம்பேத்கர், காமராஜர், வேலு நாச்சியார், அஞ்சலை அம்மாள் ஆகியோரின் திருவுருவச் சிலைகளுக்கு மரியாதை செலுத்தப்பட்டது. இது கட்சியின் சமூக நீதி, சமத்துவம், மக்கள் நலன் சார்ந்த கொள்கைகளை மீண்டும் நினைவூட்டும் நிகழ்வாக இருந்தது.

பொதுச்செயலாளர் என்.ஆனந்த், தேர்தல் மேலாண்மைப் பொதுச்செயலாளர் ஆதவ் அர்ஜுனா உள்ளிட்ட மாநில நிர்வாகிகள், மாவட்டச் செயலாளர்கள், முக்கியப் பொறுப்பாளர்கள் என பலரும் கலந்து கொண்டனர். விழாவிற்கான ஏற்பாடுகள் முன்கூட்டியே தீவிரமாகச் செய்யப்பட்டிருந்தன. தொண்டர்களுக்கு மட்டுமே அனுமதி என்ற அடிப்படையில் நடைபெற்ற இந்நிகழ்வு, கட்சியின் உற்சாகத்தையும் ஒற்றுமையையும் பிரதிபலித்தது.
இந்த விழா கட்சியின் அடுத்தகட்ட நகர்வுகளுக்கு அடித்தளமாக அமைந்தது.

இதையும் படிங்க: நெருங்கும் தேர்தல்... சூடு பிடிக்கும் அரசியல் களம்..! தவெக மாநில சட்டப் பாதுகாப்பு குழு அறிவிப்பு..!

தொண்டர்கள் மத்தியில் புதிய உற்சாகத்தையும், 2026 தேர்தலுக்கான தயாரிப்புகளையும் ஏற்படுத்தி உள்ளது. மாநிலம் முழுவதும் நலத்திட்ட உதவிகள், கொள்கை விளக்கப் பொதுக்கூட்டங்கள் போன்றவை தொடர்ந்து நடைபெறும் என எதிர்பார்க்கப்படுகிறது. தமிழக வெற்றிக் கழகத்தின் இந்த மூன்றாம் ஆண்டு தொடக்க விழா, வெறும் கொண்டாட்டமல்ல., மக்கள் நல அரசியலுக்கான புதிய பயணத்தின் உறுதிமொழியாகவே பார்க்கப்படுகிறது. "பிறப்பொக்கும் எல்லா உயிர்க்கும்" என்ற திருக்குறள் முழக்கத்துடன், விசில் சின்னத்தின் வெற்றிப் பயணம் தொடரும் என கூறி வருகின்றனர். 

இதையும் படிங்க: நான் கிங் மேக்கரா? போராடி ஜெயிப்பேன்! கரூர் முதல் ஜனநாயகன் வரை விஜய் Open Talk!