சென்னை, மார்ச் 9: தமிழக வெற்றிக் கழகம் (த.வெ.க.) சார்பில் சென்னையில் நேற்று நடைபெற்ற மகளிர் தின விழாவில், கட்சியின் தேர்தல் பிரசார மேலாண்மை குழு பொதுச்செயலர் ஆதவ் அர்ஜுனா கடுமையான விமர்சனங்களை முன்வைத்தார். திமுக-காங்கிரஸ் கூட்டணியை “கல்லாப்பெட்டி கூட்டணி” என்று கிண்டலடித்த அவர், திமுக ஆட்சியில் பெண்கள் பாதுகாப்பு இல்லை என்று குற்றஞ்சாட்டினார்.

ஆதவ் அர்ஜுனா பேசியதாவது: “விஜய் அவர்கள் வட சென்னையில் ஒரு தொகுதியில் போட்டியிடுவார். வில்லிவாக்கம் அல்லது பெரம்பூர் தொகுதியில் நிற்க வாய்ப்பு அதிகம். தேர்தல் அறிவிப்பு வெளியான பிறகு விஜய் தெருத்தெருவாக செல்லும்போது மக்களின் எழுச்சியை நீங்கள் பார்க்கலாம்.

திமுக மீண்டும் ஆட்சிக்கு வந்தால் ஒருவரும் சாலையில் நடக்க முடியாது. சிறுமி முதல் பார்க்கும் பெண்கள் வரை திமுகவினர் கையைப் பிடித்து இழுக்கின்றனர். இப்படிப்பட்ட கட்சியை உருவாக்கிவிட்டு முதல்வர் ஸ்டாலின் தினமும் கண்மூடி செல்கிறார். காங்கிரஸ் கட்சி கையெழுத்திட்டதும் தைரியம் வந்துவிட்டது போல் இருக்கிறது. இது மதசார்பற்ற கூட்டணி அல்ல; ‘கல்லாப்பெட்டி கூட்டணி’.

இதையும் படிங்க: திமுகவை சமாளிக்க ஆதவ்-தான் கரெக்ட்!! விஜய் ரகசிய வியூகம்! சென்னை பொறுப்பாளர் பதவியின் பின்னணி!

திமுக எதிர்க்கட்சியாக இருந்தால் நல்ல கட்சியாக இருக்கும். ஆளும் கட்சியாக வந்துவிட்டால் கண்ணில் பார்ப்பதெல்லாம் அடைய வேண்டும் என்று நினைக்கிறது. மத்திய அரசு ஜிஎஸ்டி விதிக்கிறது என்றால், தமிழகத்தில் ஸ்டாலின் சார் ‘எஸ்எஸ்டி’ (ஸ்டாலின் சார் டேக்ஸ்) விதிக்கிறார்” என்று கடுமையாக விமர்சித்தார்.

மகளிர் தின விழாவில் பெண்களின் பாதுகாப்பு, சமூக நீதி, தமிழக அரசியலில் புதிய மாற்றம் ஆகியவை குறித்து பேசிய ஆதவ் அர்ஜுனா, த.வெ.க.வின் வளர்ச்சி மற்றும் விஜய்யின் தலைமையில் வரும் சட்டமன்றத் தேர்தலில் மக்கள் ஆதரவு பெருகும் என்ற நம்பிக்கையை வெளிப்படுத்தினார்.

இந்த கருத்துகள் தமிழக அரசியல் வட்டாரத்தில் பரபரப்பை ஏற்படுத்தியுள்ளன. திமுக-காங்கிரஸ் கூட்டணியை ‘கல்லாப்பெட்டி கூட்டணி’ என்று பெயரிட்டு கேலி செய்தது, பெண்கள் பாதுகாப்பு குறித்த குற்றச்சாட்டு, ஸ்டாலின் ஆட்சியில் ‘எஸ்எஸ்டி’ என்ற விமர்சனம் ஆகியவை சமூக வலைதளங்களில் வேகமாக பரவி வருகின்றன. விஜய் எந்த தொகுதியில் போட்டியிடுவார் என்பது குறித்த எதிர்பார்ப்பும் அதிகரித்துள்ளது.

த.வெ.க.வின் இந்த தாக்குதல் திமுகவுக்கு புதிய சவாலாக அமையும் என அரசியல் வல்லுநர்கள் கருதுகின்றனர். மகளிர் தின விழா என்றாலும், அரசியல் கடுமையான விமர்சனங்களால் நிரம்பியிருந்தது. வரும் நாட்களில் இதற்கு திமுக தரப்பிலிருந்து பதில் வரலாம் என்ற எதிர்பார்ப்பு நிலவுகிறது.

இதையும் படிங்க: உங்க உ.பி.க்களை வெச்சு விளம்பர அரிப்பை தீர்த்துக்கோங்க CM சார்... ஸ்கூல் பசங்க பாவம்... சாடிய TVK அருண்ராஜ்..!!