விஜய், தமிழக வெற்றி கழகம் என்ற கட்சியை தொடங்கி தீவிரமாக களமாடி வருகிறார். இளைஞர்கள் பட்டாளம் விஜயின் அரசியலுக்கு பெரும் ஆதரவு கரங்களாக இருக்கின்றனர். ஏதாவது மாற்றம் வராதா என்று எதிர்பார்ப்பவர்களுக்கு விஜய் ஒரு மாற்றமாக அமைவார் என்று கூறப்படுகிறது.

த.வெ.க, 2024 பிப்ரவரியில் விஜய் தொடங்கிய கட்சி. ஊழல், சாதி-மத பிளவுகளை எதிர்த்து, சமூக நீதி, முன்னேற்றம் என்பவற்றை மையமாகக் கொண்டு செயல்படுவதாக அறிவித்தது. 2024 நாடாளுமன்றத் தேர்தலில் போட்டியிடாமல், 2026 சட்டமன்றத் தேர்தலில் தனித்து நிற்கும் என அறிவித்தது. இதற்கிடையில், கட்சியின் மாநாடுகள், உறுப்பினர் சேர்க்கை இயக்கங்கள் ஆகியவை மக்களிடையே வரவேற்பைப் பெற்றன.

அடுத்த ஆண்டு நடக்கும் சட்டமன்றத் தேர்தலை மையமாகக் கொண்டு தமிழக வெற்றி கழக தலைவர் விஜய் தனது தேர்தல் சுற்றுப்பயணத்தை உற்சாகத்துடன் தொடங்கி நடத்தி வந்தார். அலைக்கடலென மக்கள் கூட்டம் திரண்டு விஜய்க்கு பேராதரவு கொடுத்தனர். கரூர் சம்பவம் தமிழக வெற்றி கழகத்தை இந்த நிகழ்வு முடக்கிய நிலையில் நீண்ட இடைவேளைக்குப் பிறகு விஜய் தனது மக்கள் சந்திப்பு நிகழ்ச்சியை தொடங்கி உள்ளார்.

இதையும் படிங்க: முண்டியடிக்கும் தவெக தொண்டர்கள்... போலீசார் தடியடி..! பதற்றம்..!

புதுச்சேரி உப்பளத்தில் விஜய் என்ற மக்கள் சந்திப்பு நிகழ்ச்சி நடத்துகிறார். சென்னையில் இருந்து கார் மூலம் விஜய் புதுச்சேரிக்கு வந்தடைந்தார். பிரச்சார வாகனத்தில் வராமல் தனது காரிலேயே புதுச்சேரியில் மக்கள் சந்திப்பு நடைபெறும் இடத்திற்கு விஜய் வந்தடைந்தார். விஜயை காண்பதற்காக ஆயிரக்கணக்கான தொண்டர்கள் குவிந்துள்ளனர். விஜய்யை பார்ப்பதற்காக ஆரவாரத்துடன் காத்திருக்கின்றனர்.

இதையும் படிங்க: விஜய் மக்கள் சந்திப்புக்கு துப்பாக்கியுடன் வந்த நபர்... போலீஸ் தீவிர விசாரணை.. பரபரப்பு...!