தமிழக அரசியலின் புதிய அலை என்று கருதப்படும் தமிழக வெற்றிக் கழகம் அதன் தலைவரும் பிரபல நடிகருமான விஜயின் தலைமையில் தீவிரமான பொதுமக்கள் சந்திப்பு சுற்றுப்பயணத்தைத் தொடங்கியுள்ளது. இந்தச் சுற்றுப்பயணத்தின் முக்கிய இலக்குகளில் ஒன்றாகப் புதுச்சேரி உள்ளது. இன்று, புதுச்சேரியின் உப்பளம் துறைமுக வளாகத்தில் நடைபெறவிருக்கும் இந்த மக்கள் சந்திப்பு நிகழ்ச்சி, கட்சியின் முதல் பெரிய அளவிலான பொதுக்கூட்டமாக அமைய உள்ளது. கரூரில் ஏற்பட்ட சமீபத்திய கூட்ட நெரிசல் சம்பவத்தைத் தொடர்ந்து தற்காலிகமாக நிறுத்தப்பட்டிருந்த விஜயின் அரசியல் செயல்பாடுகள், இந்த நிகழ்ச்சியுடன் மீண்டும் தொடங்குகின்றன. இது வெறும் ஒரு பொதுக்கூட்டம் என்பதை விட, தமிழகம் மற்றும் புதுச்சேரி அரசியலில் ஒரு புதிய உத்வேகத்தை ஏற்படுத்தும் நிகழ்வாகக் கருதப்படுகிறது.

உப்பளம் துறைமுக வளாகம், புதுச்சேரியின் கடலோரப் பகுதியில் அமைந்துள்ள இந்த இடம், அதன் அகலமான திறந்தவெளி மற்றும் போக்குவரத்து வசதிகளால் பொதுக்கூட்டங்களுக்கு ஏற்ற ஒரு இடமாகத் தேர்ந்தெடுக்கப்பட்டுள்ளது. நிகழ்ச்சி காலை 10:30 மணிக்கு தொடங்கி, விஜய் தனது உரையை நேரடியாக மக்களுடன் பகிர்ந்துகொள்ளும் வகையில் ஏற்பாடுகள் செய்யப்பட்டுள்ளன. சுவாரசியமான விஷயம் என்னவென்றால், இம்முறை மேடை இன்றி, திறந்தவெளியில் நின்றபடி விஜய் பேச உள்ளார். இது கரூர் சம்பவத்தின் பாடங்களைப் பயன்படுத்தி, பாதுகாப்பை உறுதிப்படுத்தும் ஒரு புதுமுறை அணுகுமுறையாகப் பார்க்கப்படுகிறது. 

விஜய் மக்கள் சந்திப்புக்கு பலத்த பாதுகாப்பு போடப்பட்டுள்ளது. க்யூ ஆர் கோடுடன் அனுமதி சீட்டு வைத்திருப்பவர்களுக்கு மட்டுமே மக்கள் சந்திப்பு நிகழ்ச்சியில் பங்கிற்கு அனுமதி வழங்கப்படுகிறது. அனைவரும் வளர்த்த பாதுகாப்பு செய்யப்பட்டதும் தான் உள்ளே அனுமதிக்கப்படுகிறார்கள். அந்த வகையில் விஜய் மக்கள் சந்திப்பு நிகழ்ச்சிக்கு துப்பாக்கியுடன் ஒருவர் வந்துள்ளார். மெட்டல் டிடக்டர் சோதனையின் போது அவர் துப்பாக்கி வைத்திருந்தது கண்டுபிடிக்கப்பட்டது. தொடர்ந்து அவரிடம் விசாரணை நடத்தப்பட்டதில் அவரது அடையாளம் தெரியவந்தது.

இதையும் படிங்க: எல்லாம் நல்லபடியா நடக்கணும் முருகா... விஜய்- காக மொட்டை போட்ட பெண்...!

பிடிபட்டிபட்டவர் காரைக்குடியைச் சேர்ந்த தமிழக வெற்றிக்கழக மாநில மருத்துவர் அணி ஒருங்கிணைப்பாளர் பிரபுவின் தனி பாதுகாவலர் என தெரியவந்துள்ளது. பிடிப்பட்ட நபர் சிவகங்கை கிழக்கு மாவட்ட செயலாளராகவும் உள்ள மருத்துவர் டி.கே பிரபுவின் தனி பாதுகாவலர் டேவிட் என்பது தெரிய வந்தது. பிரபுவின் தனியார் பாதுகாவலர் டேவிட் கை துப்பாக்கியுடன் சென்ற நிலையில் மெட்டல் டிடெக்டர் சோதனையின் போது சிக்கியுள்ளார். அவரிடம் கைதுப்பாக்கிக்கு உரிமை உள்ளதா என்பது குறித்து போலீசார் விசாரித்து வருகின்றனர். 

இதையும் படிங்க: அதிரும் அரசியல் களம்...!! இதுவரை யாருமே பார்க்காத காட்சி... புதுச்சேரி விஜய் பொதுக்கூட்டத்தில் டோட்டலாக மாறிய பிளான்...!