ரஷ்யா-உக்ரைன் இடையேயான முழு அளவிலான போர் 2022 பிப்ரவரி 24-ஆம் தேதி தொடங்கி, இன்று 5 ஆண்டுகளை எட்டியுள்ளது. இந்த 4 ஆண்டு காலத்தில் ஆயிரக்கணக்கான பொதுமக்கள் கொல்லப்பட்டனர், லட்சக்கணக்கானோர் வீடிழந்து அகதிகளாகினர். உக்ரைன் மீதான ரஷ்யாவின் தாக்குதல்கள் தொடர்ந்து கொண்டே இருக்கின்றன.

இந்நிலையில், போரை உடனடியாக நிறுத்துவதற்கான அழைப்பு விடுத்து, உக்ரைன் தலைமையில் ஐ.நா. பொதுச் சபையில் (UNGA) ஒரு தீர்மானம் கொண்டு வரப்பட்டது. "Support for lasting peace in Ukraine" என்ற தலைப்பில் உள்ள இந்த தீர்மானம், உடனடி, முழுமையான மற்றும் நிபந்தனையற்ற போர் நிறுத்தத்தை (immediate, full and unconditional ceasefire) கோருகிறது. 

உக்ரைனின் இறையாண்மை, சுதந்திரம், ஒற்றுமை மற்றும் சர்வதேச அங்கீகாரம் பெற்ற எல்லைகளுக்குள் பிராந்திய ஒருமைப்பாட்டை உறுதிப்படுத்துகிறது. போர்க் கைதிகள் முழு பரிமாற்றம், சட்டவிரோதமாக கைது செய்யப்பட்டவர்கள் விடுதலை, குழந்தைகள் உட்பட கடத்தப்பட்ட பொதுமக்கள் திரும்ப அனுப்புதல் போன்ற நம்பிக்கை உருவாக்கும் நடவடிக்கைகளையும் வலியுறுத்துகிறது.

இதையும் படிங்க: ரஷ்ய எதிர்க்கட்சி தலைவர் விஷம் வைத்து கொலை! தீர்த்துக்கட்டியதே அதிபர் புடின் தான்? வெளியான பகீர்!

பிப்ரவரி 24, 2026 அன்று நடந்த ஓட்டெடுப்பில், பிரிட்டன், பிரான்ஸ், ஜெர்மனி, இத்தாலி, ஜப்பான், கனடா, ஆஸ்திரேலியா, போலந்து, மெக்சிகோ, பிலிப்பைன்ஸ் உள்ளிட்ட 107 நாடுகள் ஆதரவாக வாக்களித்தன. இஸ்ரேல் உள்ளிட்ட பல நாடுகளும் ஆதரவு தெரிவித்தன.

ஆனால், இந்தியா, அமெரிக்கா, சீனா, பிரேசில், தென் ஆப்பிரிக்கா, ஐக்கிய அரபு அமீரகம், வங்கதேசம், இலங்கை உள்ளிட்ட 51 நாடுகள் ஓட்டெடுப்பை புறக்கணித்து (abstain) நடுநிலை வகித்தன. ரஷ்யா, பெலாரஸ், ஈரான், வட கொரியா, கியூபா, சூடான், நைஜர் உள்ளிட்ட 12 நாடுகள் எதிராக வாக்களித்தன.

அமெரிக்கா ஓட்டெடுப்பை புறக்கணித்தது குறிப்பிடத்தக்கது. தற்போது நடைபெறும் பேச்சுவார்த்தைகளுக்கு இது திசைதிருப்பலாக இருக்கும் என அமெரிக்கா கருதியதாக தெரிவிக்கப்பட்டது. இருப்பினும், உடனடி போர் நிறுத்தத்தை வரவேற்றதாக அமெரிக்கா கூறியது.

உக்ரைன் அதிபர் வொலோடிமிர் ஜெலென்ஸ்கி இந்த தீர்மானத்தை வரவேற்று, X-இல் பதிவிட்டுள்ளார்: "இன்று 107 நாடுகள் உக்ரைனுடன் நின்று உயிர்களை பாதுகாத்தன. எங்கள் தீர்மானத்தில் முழுமையான போர் நிறுத்தம் மற்றும் எங்கள் மக்கள் தாயகம் திரும்புவதற்கான தெளிவான அழைப்புகள் உள்ளன. இது சரியான நடவடிக்கை. அமைதிக்காக நண்பு நாடுகளுடன் தொடர்ந்து பணியாற்றுவேன்" என்று நன்றி தெரிவித்துள்ளார்.

இந்த தீர்மானம் சட்டப்பூர்வமாக பிணைப்பு இல்லாதது என்றாலும், உக்ரைனுக்கு ஆதரவாக உலக நாடுகளின் ஒருமித்த கருத்தை வெளிப்படுத்தியுள்ளது. போர் நிறுத்த பேச்சுவார்த்தைகளில் அழுத்தம் கொடுக்கும் வகையில் இது முக்கியத்துவம் வாய்ந்தது.

இதையும் படிங்க: நீட் எழுத வற்புறுத்திய தந்தை!? கொன்று ட்ரம்பில் புதைத்த மகன்! பெற்ற தந்தையை துண்டு துண்டாக வெட்டிய கொடூரம்!