இந்தியாவுக்கு “வோட்டர் டர்ன்அவுட்” எனும் திட்டத்துக்காக ஆண்டு தோறும் 2.10 கோடி டாலர் நிதியை அதிபர் ட்ரம்ப் சமீபத்தில் ரத்து செய்தார். ஆனால், இந்த நிதியின மூலம் அமெரிக்காவின் உதவியோடு பல திட்டங்களை மத்திய அரசு செயல்படுத்தி வருகிறது. ஆனால், இந்த நிதியைப் பற்றி தங்களுக்குத் தெரியாது என்று பாஜகவும், மத்திய அரசு வெள்ளை அறிக்கை வெளியிட வேண்டும் என காங்கிரஸ் கட்சியும் மாறி, மாறி அறிக்கைப் போர் நடத்தி வருகின்றன. அமெரிக்க அதிபர் டொனால்ட் ட்ரம்ப் ஊடகங்களுக்கு அளித்த பேட்டியில் “ இந்தியாவில் யாரையே தேர்தலில் தேர்வு செய்ய “வோட்டர் டர்ன்அவுட்” என்ற பெயரில் ஆண்டு தோறும் 2.10 கோடி டாலர்கள் நிதி இந்தியாவுக்கு வழங்கப்பட்டுள்ளது. இந்தியா பணக்கார நாடு, அதிகமாக பணம் இருக்கிறது, அதிகமாக வரிவிதிக்கிறது. அமெரிக்க மக்களின் வரிப்பணம் இந்தியாவுக்கு செலவிடமாட்டேன்” எனத் தெரிவித்து அந்த நிதியை ரத்து செய்தார்.

அதிபர் ட்ரம்ப் பேச்சைக் கேட்டுகொந்தளித்த பாஜக தலைவர்கள் “ வோட்டர் டர்ன் அவுட் நிதியில் காங்கிரஸ் கட்சிக்கு பங்கு இருக்கிறது” என்று குற்றம் சாட்டினர். ஆனால், காங்கிரஸ் கட்சியோ “ முட்டாள்தனமாக பேசுகிறது பாஜக, வோட்டர் டர்ன் அவுட் குறித்து வெள்ளை அறிக்கை வெளியிட வேண்டும்” என்று பாஜகவை வலியுறுத்தியது. அப்படியென்றால் அமெரிக்கா வழங்கிய “வோட்டர்ஸ் டர்ன்அவுட்” நிதி எங்கு போனது, யார் செலவு செய்தார்கள், யாரிடம் இருக்கிறது என்பதற்கு இந்த செய்தி விளக்கம் அளிக்கிறது. உண்மையில் அமெரிக்கா ஆண்டுதோறும் வழங்கும் “வோட்டர்ஸ் டர்ன்ஸ் அவுட்” நிதி எங்கும் செல்லவில்லை மத்திய அரசுதான் செலவிட்டு வருகிறது. கடந்த 1951ம் ஆண்டில் தொடங்கப்பட்ட இப்போதுவரை இந்த நிதியுதவியை அமெரிக்கா இந்தியாவுக்கு வழங்கி வருகிறது. 

இதையும் படிங்க: மீண்டும் விலை உயரும் சமையல் எண்ணெய்.. எவ்வளவு அதிகரிக்கும்? என்ன காரணம்?

அமெரிக்க அதிபராக இருந்த ஹேரி ட்ரூமென் அவசரகால உணவு நிதி என்ற பெயரில் இந்த நிதியை இந்தியாவுக்கு வழங்க உத்தரவிட்டார். இதுபடிப்படியாக அதிகரித்து, அமெரிக்கா இந்தியாவின் உள்கட்டமைப்பு, உணவு பாதுகாப்பு, கட்டிடங்கள் கட்டுதல், பொருளாதார சீர்திருத்தங்கள் உள்ளிட்ட பலத்திட்டங்களுக்கு பயன்படுத்தப்பட்டு வருகிறது. தொடக்கத்தில் அமெரிக்காவின் நிதியுதவி இந்தியாவில் கல்வித்துறை, தடுப்பூசி, சுகாதாரப்பணிகளுக்கு செலவிடப்பட்டது. அதிலும் மக்களின் சுகாதார விஷயத்துக்கு அமெரிக்க நிதி கூடுதலாகப் பயன்படுத்தப்பட்டது.

குறிப்பாக எச்ஐவி, காசநோய், மகப்பேறு, குழந்தை பிறப்பு, தடுப்பூசி திட்டங்களுக்கு அதிகமாக செலவிடப்பட்டது. 2024ம்ஆண்டில் 7.93 கோடி  அமெரிக்கா நிதியுதவி வழங்கியுள்ளளது.பொருளாதாரம், எரிசக்தி, குடிநீர், கழிவுநீர், சுற்றுச்சூழல் பாதுகாப்பு ஆகியவற்றுக்கும் அமெரிக்கா நிதி வழங்கியுள்ளது. USAID இணையதளத்தில் குறிப்பிட்டுள்ளபடி, கடந்த 1992 முதல் 2022 வரை ஏறக்குறைய 65 சதவீத அமெரிக்க நிதி இந்தியாவுக்கு உணவுக்காக வழங்கப்பட்டுள்ளது. 2011ம் ஆண்டு முடிந்த உணவு உதவித்திட்டத்துக்கு வழங்கப்பட்டு 2012ம் ஆண்டு திட்டம் முடிக்கப்பட்டது.

ஸ்வச் பாரத் மிஷன்: பிரதமர் மோடியின் கனவுத் திட்டங்களில் ஒன்றான க்ளீன் இந்தியா எனப்படும் ஸ்வச் பாரத் மிஷன் திட்டத்துக்கும் அமெரிக்கா நிதியுதவி செய்து வருகிறது. மத்திய நகர்புற மேம்பாட்டு அமைச்சகத்துடன் USAID அமைப்பு புரிந்துணர்வு ஒப்பந்தத்தை 2015, ஜனவரி 13ம் தேதி செய்துள்ளது
இதன்படி, இந்தியாவில் உள்ள மக்களுக்கு சுத்தமான குடிநீர், சுகாதார கழிவறை வசதிகள் செய்து தருவதற்காக ஸ்வச் பாரத் மிஷன் திட்டம் கொண்டுவரப்பட்டது. இந்தத் திட்டத்துக்கு அமெரி்க்கா நிதியுதவி செய்தது. குடிநீர் சுத்திகரிப்பு திட்டங்கள், வாஷ் திட்டம், கேபிஎம்ஜி ஆகிய தொண்டு நிறுவனங்களுடன் இணைந்து USAID அமைப்பு, மத்திய வீட்டுவசதி மற்றும் நகர விவகாரத்துறைக்கு உதவியது.

உத்தரப்பிரதேசத்தின் ஜல் நிகம், USAID மற்றும் கேபிஎம்ஜி அமைப்பால் தொடக்கப்பட்டு அம்ருத்2.0 அமைப்பால் கடந்த ஆண்டு தொடங்கப்பட்டது. அது மட்டுமல்லாமல் இந்தியா-ஆப்கானிஸ்தான் இடையே வர்த்தகம் மற்றும் முதலீடு மாநாடு 2019, செப்டம்பர் 24 முதல் 26ம் தேதிவரை நடத்தப்பட்டது. இந்த நிகழ்ச்சியும் USAID அமைப்பின் நிதியுதவியால் நடத்தப்பட்டது.

மத்திய புதுப்பிக்கத்தக்க எரிசக்தி துறையும், USAID அமைப்பும் சேர்ந்து சுத்தமான எரிசக்தி திட்டத்தில் புரிந்துணர்வு ஒப்பந்தம் செய்துள்ளன. மத்திய சுற்றுச்சூழல் அமைச்சகம் மற்றும் USAIDஇணைந்து வனங்களை பாதுகாத்தல், காலநிலை மாறுபாடு போன்ற திட்டங்களை நடத்தியது, இதற்கும் USAID உதவி செய்தது. USAID அமைப்பு உலகில் 100க்கும் மேற்பட்ட நாடுகளுக்கும் பல்வேறு துறைகளின் வளர்ச்சிக்காக உதவி செய்து வருகிறது. குறிப்பாக பொருளாதார வளரச்சி, சுகாதாரம், கல்வி, உணவுப் பாதுகாப்பு, மனிதநேய உதவிகள், காலநிலை மாற்றம், ஜனநாயகம் காத்தல், நிர்வாகம் ஆகியவற்றுக்காக உதவி வருகிறது குறிப்பிடத்தக்கது.

இதையும் படிங்க: கும்பமேளா கோலாகலம்.. திரிவேணி சங்கமத்தில் புனித நீராடினார் ஆளுநர் ஆர்.என்.ரவி..!