தமிழக சட்டமன்ற தேர்தல் கடந்த ஏப்ரல் மாதம் 23ம் தேதி நடைபெற்றது. வாக்கு எண்ணிக்கை கடந்த 4ம் தேதி நடைபெற்ற நிலையில், யாருமே எதிர்பார்க்காத வகையில் விஜய் தலைமையிலான தமிழக வெற்றிக் கழகம் 108 இடங்களைக் கைப்பற்றி தனிப்பெரும் கட்சியாக உருவெடுத்தது. இதனைக் கொண்டாடுகிறேன் என்ற பெயரில் கார் மீது அமர்ந்து கத்திக்கொண்டே பயணிப்பது, பைக்கில் ஹாரன் அடித்துக்கொண்டே வேகமாக செல்வது, பொது இடங்களில் டிவிகே, டிவிகே என கோஷமிடுவது, பொது இடங்களில் விஜய் பாட்டிற்கு ஆண், பெண் தொண்டர்கள் இணைந்து நடனமாடுவது என மோசமான செயல்களில் தமிழக வெற்றிக் கழக தொண்டர்கள் ஈடுபட்டு வருகின்றனர்.
இதனிடையே,தமிழக வெற்றிக் கழகத்தின் எம்.எல்.ஏ. செய்த காரியம் மக்களை கடும் அதிருப்தியில் ஆழ்த்தி இருக்கிறது. ராயபுரம் தொகுதியில் அதிமுக வேட்பாளரும், முன்னாள் அமைச்சருமான ஜெயக்குமாரை எதிர்த்து போட்டியிட்ட தவெக வேட்பாளர் விஜய் தாமு அதிக வாக்குகள் வித்தியாசத்தில் வெற்றி பெற்றார். இதனால் அதிமுக முன்னாள் அமைச்சர் ஜெயக்குமார் டெபாசிட் இழந்தது பெரும் அதிர்வலைகளை உருவாக்கியது. இதனால் இவருக்கு அமைச்சர் பதவி வழங்கப்படக்கூடும் எனக்கூறப்பட்டு வரும் நிலையில், விஜய் தாமு வாளால் கேக் வெட்டி பிறந்தநாள் கொண்டாடிய வீடியோ வைரலாகி வருகிறது.
தமிழக சட்டமன்ற தேர்தலில் ராயபுரம் தொகுதியில் போட்டியிட்ட ஆட்டோ ஓட்டுநர் விஜய் தாமு அமோக வெற்றி பெற்றார். ஆட்டோ ஓட்டுநர் டு எம்.எல்.ஏ. என மக்கள் விஜய் தாமுவை பாராட்டி வந்த நிலையில், அவர் இரண்டு அடி வாளால் கேக் வெட்டி பிறந்தநாள் கொண்டாடிய வீடியோ வெளியாகி சர்ச்சையைக் கிளப்பியுள்ளது. சென்னை ராயபுரத்தில் உள்ள மண்டபம் ஒன்றில் விஜய் தாமுவிற்கு நேற்று பிறந்தநாள் கொண்டாடப்பட்டது. அப்போது ஏராளமான தொண்டர்களும், தவெக நிர்வாகிகளும் குவிந்திருந்தனர். இந்நிகழ்ச்சியில் தொண்டர்கள் விஜய் தாமுவிற்கு வாள் ஒன்றை பரிசளித்தனர்.
இதையும் படிங்க: தமிழ்நாட்டு மக்கள் நலனில் கவனம் செலுத்துவோம்..! பிரதமர், ராகுலுக்கு நன்றி தெரிவித்த விஜய்..!
அதனை பெற்றுக்கொண்ட விஜய் தாமு, அதே வாளால் கேக் வெட்ட முயன்றார். அதனை தடுத்து நிறுத்திய தவெக நிர்வாகி லயோலா மணி எவ்வளவு அறிவுரை கூறியும் கேட்காமல் வாளால் கேக் வெட்டி பிறந்தநாள் கொண்டாடினார். இந்த வீடியோ இணையத்தில் வைரலாகி வருவதோடு, சர்ச்சை கருத்துக்களையும் கிளப்பியுள்ளது.
இதையும் படிங்க: என்னை வெச்சுதான் ஸ்டாலின் ஜெயிச்சாரு..! இப்போ ஸ்டாலினை வைத்தே நான் ஜெயிச்சுட்டேன்..! வி.எஸ். பாபு பேட்டி..!