அதிமுக பொதுச் செயலாளர் எடப்பாடி பழனிச்சாமி தேர்தல் சுற்றுப்பயணத்தை ஓராண்டுக்கு முன்னதாகவே தொடங்கிவிட்டார். 2026 சட்டமன்றத் தேர்தலுக்கு 2025 ஆம் ஆண்டிலேயே தனது சுற்றுப்பயணத்தை தொடங்கி நடத்தினார். ஆட்சியைப் பிடிக்கும் முனைப்பில் அதிமுக தீவிரமாக செயல்பட்டு வருகிறது.
சென்னையின் வானகரம் பகுதியில் உள்ள ஸ்ரீ வரு வெங்கடஜலபதி அரண்மனை மஹால், இன்று அதிகாலை முதல் அரசியல் ஆரவாரத்தால் நிரம்பியுள்ளது. அகில இந்திய அண்ணா திராவிட முன்னேற்றக் கழகத்தின் பொது குழு மற்றும் செயற்குழு கூட்டம், இன்று காலை 10 மணிக்கு தொடங்கியது. இந்தக் கூட்டம், 2026 சட்டமன்றத் தேர்தலுக்கு முன் நடைபெறும் முதல் உயர்மட்ட முடிவெடுக்கும் அமர்வாக அமைந்துள்ளது.
கட்சியின் பொதுச் செயலாளர் எடப்பாடி கே. பழனிச்சாமி தலைமையில் நடைபெறும் இந்தக் கூட்டம், கூட்டணி உறவுகள், உள்நாட்டு சவால்கள் மற்றும் தேர்தல் உத்திகளைப் பற்றிய முக்கிய விவாதங்களைத் தாங்கியுள்ளது. கடந்த நவம்பர் 23 அன்று அறிவிக்கப்பட்ட இந்தக் கூட்டம், அதிமுகவின் அமைப்பு வலிமையை மீண்டும் உறுதிப்படுத்தும் வகையில் ஏற்பாடுகளுடன் தொடங்கியது.
இதையும் படிங்க: நீதிமன்ற உத்தரவிற்கே சவால்... திருப்பரங்குன்றம் விவகாரத்தில் திமுகவை கண்டித்து தீர்மானம்...!
அதிமுக பொதுச்செயலாளர் எடப்பாடி பழனிச்சாமி தலைமையில் பொதுக்குழு மற்றும் செயற்குழு கூட்டம் தொடங்கி நடைபெற்று வருகிறது. இந்த கூட்டத்தில் 16 தீர்மானங்கள் நிறைவேற்றப்பட்டன. முக்கிய தீர்மானமாக 2026 ஆம் ஆண்டு சட்டமன்றத் தேர்தல் கூட்டணி தொடர்பாக முடிவெடுக்க எடப்பாடி பழனிச்சாமிக்கு முழு அதிகாரம் வழங்கி தீர்மானம் நிறைவேற்றப்பட்டுள்ளது. கூட்டணிகள் யாரை இணைப்பது என்பது தொடர்பாக எடப்பாடி பழனிச்சாமிக்கு முழு அதிகாரம் வழங்கப்படுவதாக பொதுக்குழுவின் தீர்மானிக்கப்பட்டுள்ளது.
இதையும் படிங்க: அதிமுக பொதுக்குழு கூட்டம் தொடக்கம்... இபிஎஸ்க்கு உற்சாக வரவேற்பு கொடுத்த அதிமுகவினர்..!