மகா கும்பமேளா தொடர்பாக சமாஜ்வாதி கட்சித் தலைவர் அகிலேஷ் யாதவ் பாஜகவை கடுமையாக விமர்சித்துள்ளார்.

இதுகுறித்து அவர், ''கும்பமேளா புராணக் கதை சார்ந்தது.இது பேரரசர் ஹர்ஷவர்தனால் தொடங்கப்பட்டது. ஆனால் பாஜக தான் எல்லா வேலைகளையும் செய்வதாக நினைக்கிறது. இவ்வளவு பெரிய பொருளாதாரத்தை உருவாக்கிய மக்களுக்கு உணவுக்கு எந்த ஏற்பாடும் இல்லை. இந்த கும்பமேளா 144 வருடங்களுக்குப் பிறகு நடக்கிறது என்று யார் சொன்னது? பாஜக பொய்யான கணக்கீடுகளைச் சொல்கிறது.

மகா கும்பமேளாவில் பாஜக தலைவர்கள் கமிஷன் வாங்குகிறார்கள். இந்த மக்களிடம் கமிஷன் மேல் கமிஷன் வாங்குகிறார்கள். மகா கும்பமேளா என்பது வெறும் வார்த்தையல்ல. அவர்கள் ஒரு பிரமாண்டமான நிகழ்வை ஏற்பாடு செய்ய வேண்டியிருந்தது. அதற்காக நிறைய பணம் செலவிட வேண்டியிருந்தது. அதனால்தான் அவர்கள் புதிது புதிதாக கட்டுக்கதைகளை உருவாக்கினார்கள். கும்பமேளா இதற்கு முன்பு நடந்ததில்லை என்று பாஜக பிரச்சாரம் செய்து வருகிறது. ஆனால், பாஜக ஆட்சியில் இருக்கும்போது 144 வருடங்கள் சரியாக வந்து நடப்பது எப்படி? ஆண்டுகளை இவர்களில் யார் கணக்கு வைத்திருந்தது ?

இதையும் படிங்க: உத்தரப்பிரதேச இடைத்தேர்தலிலும் பாஜக அமோக வெற்றி; அகிலேஷ் யாதவுக்கு ஷாக்;

100 கோடி மக்களுக்கும் ஏற்பாடுகளைச் செய்வோம் என்று  பாஜக அரசு கூறுகிறது. மிகப்பெரிய குளியல் நடைபெறும் நாளில், அரசின் உண்மை வெளிப்படும். டெல்லி சம்பவத்திற்குப் பிறகு, பாஜக இரட்டை எஞ்சின் அல்ல, இரட்டை தவறுகளின் அரசாங்கமாக மாறிவிட்டது. பத்திரிகையாளர்கள் மருத்துவமனைக்குள் நுழைவதைத் தடுத்து நிறுத்தியதாகக் கூறப்படுகிறது.

முதல் நாள் கூட்ட நெரிசலின் போதும், பத்திரிகையாளர்கள் செல்ல அனுமதிக்கப்படவில்லை. மகா கும்பமேளா டிஜிட்டல் என்று சொன்னவர்களால் எத்தனை பேர் உயிரிழந்தார்கள் என்று சொல்ல முடியாது. கான்பூர் வர்த்தகர்கள் பிரச்சினையில் பாஜக விளையாடுகிறது. பாஜகவினரின் உத்தரவின் பேரில் இந்த சோதனைகள் நடத்தப்படுகிறது.

கான்பூரில் உள்ள அனைத்து குட்கா விற்பனையாளர்களின் இடங்களிலும் சோதனைகள் நடத்தப்பட்டு வருகிறது. இந்த மக்கள் கான்பூர் சந்தையை மூட வைக்கிறார்கள். அமெரிக்காவிலிருந்து நாடு கடத்தப்பட்ட குடியேறிகள் பிரச்சினையில் நம் மக்கள் கைவிலங்கு அணிந்து திரும்பி வருகிறார்கள். மக்களின் வாயில் ஒரு கருப்புத் துணி வைக்கப்பட்டது. அமிர்த காலத்தின் போது, ​​அமெரிக்காவிலிருந்து மக்கள் அமிர்தசரஸுக்கு அனுப்பப்படுகிறார்கள்'' என அவர் கடுமையாகச் சாடினார்.

இதையும் படிங்க: மஹாகும்ப மேளாவில் 1000 மரணங்கள்… உண்மையை மறைக்கிறதா அரசு..? நடாளுமன்றத்தில் பரபரப்பு..!