முன்னாள் அமைச்சர் அன்பில் மகேஷ் பொய்யாமொழி தமிழக அரசின் நிர்வாகத் திறன் குறித்து கடுமையான விமர்சனத்தை முன்வைத்துள்ளார். அரசு பெயர் மாற்றங்களில் காட்டும் ஆர்வத்தை முறையான நிதி ஒதுக்கீட்டில் காட்டுவதில்லை என அவர் குறிப்பிட்டுள்ளார். முதலமைச்சர் காலை உணவுத் திட்டத்தை பெருந்தலைவர் காமராஜர் காலை உணவுத் திட்டம் என பெயர் மாற்றம் செய்துள்ள அரசு, அதற்கான பெயர்ப் பலகைகளை மாற்றுவதற்கான செலவை ஆசிரியர்கள் மீதே சுமத்தியுள்ளதாக செய்திகள் வெளியாகியுள்ளன. பலகைகளை மாற்றுவதற்கு ஆசிரியர்களே செலவு செய்ய வேண்டும் என்பதோடு, மாற்றியதற்கான ஆதாரமாக பெயர்ப் பலகையோடு நின்று புகைப்படம் எடுத்து அனுப்ப வேண்டும் என்ற அறிவுறுத்தலும் வழங்கப்பட்டுள்ளதாக அவர் தெரிவித்துள்ளார்.

இத்தகைய நடவடிக்கைகள் ஆசிரியர்களின் மீது தேவையற்ற நிதிச் சுமையை ஏற்றுவதாகவும், அவர்களை சந்தேகக் கண்ணோடு பார்க்கும் மனநிலையை வெளிப்படுத்துவதாகவும் அன்பில் மகேஷ் பொய்யாமொழி குற்றம் சாட்டியுள்ளார். இதுபோன்ற அணுகுமுறைகளை அரசு உடனடியாக கைவிட வேண்டும் என அவர் வலியுறுத்தியுள்ளார். அரசு பெயர் மாற்றங்களில் காட்டும் ஆர்வத்தை, திட்டங்களை செயல்படுத்துவதற்கான சரியான நிதி ஒதுக்கீட்டிலும் காட்ட வேண்டும் என்றும், ஆசிரியர்களை நிதிச் சுமைக்கு உள்ளாக்காமல் முறையான நிர்வாகத்தை மேற்கொள்ள வேண்டும் என்றும் அவர் கருத்து தெரிவித்துள்ளார்.

கல்வித்துறையில் ஆசிரியர்களின் பங்கு மிகவும் முக்கியமானது என்பதை வலியுறுத்திய அன்பில் மகேஷ் பொய்யாமொழி, அவர்களை மரியாதையுடன் நடத்த வேண்டியது அரசின் கடமை எனக் கூறியுள்ளார். காலை உணவுத் திட்டம் போன்ற நலத்திட்டங்கள் மாணவர்களின் ஊட்டச்சத்தை மேம்படுத்துவதற்காக அறிமுகப்படுத்தப்பட்டவை. இத்தகைய திட்டங்களுக்கு பெயர் மாற்றம் செய்வது ஒரு விஷயம். ஆனால் அதற்கான அடிப்படை செலவுகளை ஆசிரியர்கள் மீது சுமத்துவது முற்றிலும் தவறான அணுகுமுறை என அவர் விளக்கியுள்ளார். பள்ளிகளில் பெயர்ப் பலகைகளை மாற்றுவதற்கு தேவையான நிதியை அரசே ஒதுக்கீடு செய்ய வேண்டும். அதற்குப் பதிலாக ஆசிரியர்களிடமிருந்து பணம் வசூலிப்பதும், மாற்றியதை நிரூபிக்க புகைப்படம் கோருவதும் அவர்களின் மீதான அவநம்பிக்கையை வெளிப்படுத்துகிறது என்றார்.

இதையும் படிங்க: நார்சிஸ்ட் மனநிலை..! குரூர மனம்..!! அமைச்சர் நிர்மல் குமாரை விளாசிய அன்பில் மகேஷ்..!!

இது ஆசிரியர்களின் மன உறுதியை பாதிக்கக்கூடிய செயல் என்பதை அவர் சுட்டிக்காட்டியுள்ளார்.தமிழகத்தின் கல்வி வரலாற்றில் பெருந்தலைவர் காமராஜரின் பங்களிப்பு அளப்பரியது. அவரது பெயரில் திட்டத்தை பெயர் மாற்றுவது வரலாற்று மரியாதையை வெளிப்படுத்துவதாகத் தோன்றினாலும், அதற்கான செயல்முறை சரியான முறையில் அமைய வேண்டும். நிர்வாகத் திறனற்ற அணுகுமுறையால் திட்டத்தின் நோக்கமே கேள்விக்குள்ளாகிறது. ஆசிரியர்கள் ஏற்கனவே பல்வேறு பணிச்சுமைகளை சுமந்து வருகின்றனர். அதில் நிதிச் சுமையை சேர்ப்பது அவர்களின் அன்றாட வாழ்க்கையை மேலும் சிரமப்படுத்தும். பல ஆசிரியர்கள் தங்கள் சொந்தப் பணத்திலிருந்து இந்த செலவுகளைச் செய்ய வேண்டிய நிலை ஏற்பட்டிருப்பதாகத் தெரிகிறது. இது அரசின் நிதி நிர்வாகத்தில் உள்ள குறைபாட்டை வெளிப்படுத்துகிறது என அன்பில் மகேஷ் பொய்யாமொழி விமர்சித்துள்ளார்.

இதையும் படிங்க: லஞ்சம் கொடுத்தேன்..! பேரவையில் புயலை கிளப்பிய மரிய வில்சன்... அன்பில் மகேஷ் பதிலடி.!!