தமிழக சட்டப்பேரவை கூட்டத்தொடர் நாளை (ஜூன் 18) தொடங்குகிறது. இது 17வது தமிழ்நாடு சட்டமன்றப் பேரவையின் முதல் முழு அமர்வு என்பதால் பெரும் எதிர்பார்ப்பை ஏற்படுத்தியுள்ளது. மக்கள் தீர்ப்பின் பேரில் பொறுப்பேற்றுள்ள சி. ஜோசப் விஜய் தலைமையிலான தமிழக வெற்றிக் கழகம் (தவெக) அரசின் முதல் பட்ஜெட் உள்ளிட்ட முக்கிய நிகழ்வுகளுக்கு இந்தக் கூட்டத்தொடர் மேடையாக அமையும். 

 சட்டப்பேரவை சபாநாயகர் ஜே.சி.டி. பிரபாகர் செய்தியாளர்களைச் சந்தித்து இந்த அறிவிப்பை வெளியிட்டார். கூட்டத்தொடர் சென்னை தலைமைச் செயலகத்தில் உள்ள சட்டமன்ற மண்டபத்தில் காலை 10 மணிக்கு தொடங்குகிறது.

பொதுவாக சட்டப்பேரவை கூட்டங்கள் காலை 9.30 மணிக்கு தொடங்கும் நிலையில், இந்த முறை 10 மணிக்கு தொடங்குவது குறிப்பிடத்தக்கது. முதல் நாள் தமிழ்நாடு ஆளுநர் ராஜேந்திர விஸ்வநாத் அர்லேக்கர் சட்டப்பேரவையில் உரையாற்றுவார். 

இதையும் படிங்க: பெரும் எதிர்பார்ப்பு... வரும் 18 ஆம் தேதி சட்டமன்றம் கூடும்..! சபாநாயகர் பிரபாகர் அறிவிப்பு..!

இந்தக் கூட்டத்தொடர், ஏப்ரல் 23, 2026 அன்று நடைபெற்ற சட்டமன்றத் தேர்தலுக்குப் பிறகு புதிய அரசு அமைந்ததைத் தொடர்ந்து நடைபெறும் முதல் முக்கிய அமர்வு ஆகும். மே 4, 2026 அன்று வாக்கு எண்ணிக்கை முடிவுகள் வெளியான பிறகு, தவெக கூட்டணி பெரும்பான்மையுடன் ஆட்சியமைத்தது. மே 10 அன்று முதலமைச்சராக சி. ஜோசப் விஜய் பதவியேற்றார். பின்னர் நடைபெற்ற நம்பிக்கை வாக்கெடுப்பில் அவரது அரசு 144 வாக்குகளுடன் வெற்றி பெற்றது. இந்தப் பின்னணியில் நடைபெறும் இந்தக் கூட்டத்தொடர், புதிய அரசின் கொள்கைகள், திட்டங்கள் மற்றும் நிதிநிலை அறிக்கையை மக்கள் முன் கொண்டு வரும். 

இதையும் படிங்க: TVK Cabinetல் 20 மாவட்டங்கள் Missing! அமைச்சரவை பட்டியல் ஏமாற்றம்! புறக்கணிப்பா..?