திருச்சி விமான நிலையத்தில் மத்திய அமைச்சர் பியூஸ் கோயல் செய்தியாளர்களை சந்தித்தார். போது பேசிய அவர், இந்தியாவில் கேஸ் தட்டுப்பாடு என்பது இல்லை. ஊடகங்கள் தான் கேஸ் தட்டுப்பாடு என்கிற செய்தியை பரப்புகிறது அதன் அடிப்படையில் தான் நீங்கள் கேள்வி எழுப்புகிறீர்கள்.எரிபொருள் இருப்பு குறித்து அந்த துறை விரிவான அறிக்கை விரைவில் வெளியிடப்படும்.
நாளை கூட்டணி தொகுதி பங்கீடு பேச்சுவார்த்தை இருக்காது விரைவில் தொகுதி பேச்சுவார்த்தை நடத்தப்படும். திமுக கூட்டணியில் அதிக கட்சிகள் இருந்தாலும் இந்திய கூட்டணி தான் வலுவாக உள்ளது எடப்பாடி பழனிச்சாமி தலைமையிலான அதிமுக மற்றும் என்.டி.ஏ வெற்றி பெற்று ஊழல் அரசாணை திமுகவை அகற்றிவிட்டு அம்மாவின் ஆட்சியை தரும்.
உதயநிதி ஸ்டாலினை முதல்வராக்க வேண்டும் என்பதுதான் ஸ்டாலினை நோக்கமாக உள்ளது ஆனால் அது ஒருபோதும் நிறைவேறாது.த.வெ.க வை என்.டி.ஏ கூட்டணியில் இணைப்பது குறித்து தமிழ்நாட்டில் என்.டி.ஏ கூட்டணிக்கு தலைமை வகிக்கும் எடப்பாடி பழனிச்சாமி தான் முடிவெடுக்க வேண்டும் எனக்கூறினார்.
இதையும் படிங்க: GAS தட்டுப்பாடு பிரச்சனை... அம்மா உணவகங்களில் கவனம் தேவை... EPS வலியுறுத்தல்..!!
தவெக vs பாஜக:
பாஜக தலைவர்கள் பொதுக் கூட்டங்களிலும் ஊடகங்களிலும், “புதிய அரசியல் சக்திகளுக்கு எங்கள் கூட்டணியில் இடம் இருக்கிறது” போன்ற கருத்துகளை வெளியிட்டு தமிழக வெற்றிக் கழகத்தை தங்களோடு இணைக்க சிக்னல் கொடுத்து வருவதாக கூறப்படுகிறது. தமிழகத்தில் எதிர்கால தேர்தல்களை கருத்தில் கொண்டு, தவெகவின் இளைஞர் ஆதரவை கூட்டணிக்குள் கொண்டு வந்தால் அது வாக்கு கணக்கில் பலம் தரும் என்ற மதிப்பீடு பாஜக வட்டாரங்களில் இருப்பதாக பேசப்படுகிறது. இதனால் விஜயை தேசிய ஜனநாயக கூட்டணிக்குள் கொண்டு வர முயற்சித்து வருவதாக தகவல்கள் வெளியாகி வருகின்றன.
இருப்பினும் 50 ஆண்டுகால பாரம்பரியம் மிக்க அதிமுகவுக்கு இணையாக தமிழக வெற்றிக் கழகத்திற்கு பாஜக தலைமை முக்கியத்துவம் தருவது எடப்பாடி பழனிசாமிக்கு கடும் அதிருப்தியை ஏற்படுத்தியுள்ளது. தேசிய ஜனநாயக கூட்டணிக்குள் தவெக வருவதை இபிஎஸ் விரும்பவில்லை எனக்கூறப்படுகிறது. இதனால் தான் மத்திய அமைச்சர் பியூஸ் கோயல் தமிழக வெற்றிக் கழகம் தேசிய ஜனநாயக கூட்டணிக்குள் இணைவது குறித்து அதிமுக பொதுச்செயலாளர் எடப்பாடி பழனிசாமி முடிவெடுப்பார் எனக்கூறியுள்ளார் என அரசியல் விமர்சகர்கள் கூறுகின்றனர்.
இதையும் படிங்க: திக்..திக்...!! - முற்றும் மோதல்...- எடப்பாடி vs தங்கமணி - உடையுமா அதிமுக? - உச்சக்கட்ட பரபரப்பு...!